Hamiii好用推薦：有一期好鐘意四圍買香水版，貪佢細細支方便帶出街🫶🏻 呢款係機場免稅店購入，一大盒帶5細盒，每盒一隻味 基調既花香味好濃郁，最鐘意手頭用緊呢支帶玫瑰味既🫶🏻 如果再見到呢款都會再入手：）

Ching829好用推薦：個人不是太喜歡，係周街都有既味道，唔會有令人記住你既感覺。 個人覺得有少少攻鼻

LenaC好用推薦：Kiehl’s 嘅original musk 係整個Kiehl’s 品牌惟一既香水 亦係我第一支完完整整咁用完最後一滴嘅香水 佢獨特既麝香配方歷史悠久始於1920年 曾被喻為love oil 2004年被重新調配成Original Musk EDT原麝香淡香水 前調有佛手柑花蜜同橙花 營造出清新細膩的柑橘香味 中調係玫瑰、百合、依蘭依蘭同苦橙花 揉合出一種柔和既花香 基調有香豆果、白廣藿香同麝香 締造一種感性既東方味道😇 雖然係eau de toilette 但持久度唔錯 即使散到7788仍然留有一絲淡香 俾人一種乾淨大方既感覺 佢唔係成日有貨 之前去Kiehl’s 專門店留咗電話 BA姐姐幾個月之後先打電話嚟話有貨 而且價錢親民合理 係我心目中嘅經典之選🥰

Puffysheep好用推薦：呢一隻白麝香又一種令人聞完想再聞感覺 好耐人尋味又好神秘 都唔係成日有貨可以買到 我諗玩神秘感最啱

A&R好用推薦：Tom Ford 嘅香水真係冇得頂，呢兩款香水都好正，如果噴喺衫度洗完衫都仲有味道，噴少少可以持久兩三日。唔識扮專家形容他們的味道，但個人真的十分喜歡，但係價錢真係太貴了！！呢兩支我都要慳住用😆 white suede 50ml 已經差唔多用晒啦，但係唔捨得丟棄

bibubibu好用推薦：味道係white suede 一個感覺好斯文嘅白麝香味道 係一個比較女性化嘅香味 味道會令人聯想到好乾淨 清新嘅感覺  我買呢一款係輕便裝 佢有一個好靚好高級嘅白色外殼 入面本身有一支香水芯 用哂後可以到店舖買其他唔同味道嘅補充裝入返呢個外殼度 帶出街補都好方便 細細支擺手袋都唔算好佔空間 不過就比較貴 大支裝要近2000hkd 如果以每毫升計算 輕便裝嘅價錢比起大支裝更加貴

Nicole 好用推薦：前調：檸檬，薄荷，粉紅胡椒，葡萄柚 中調：生薑，龍涎酮，肉豆蔻，茉莉 後調：勞丹脂，檀香木，廣藿香，香根草，焚香 雪松，麝香 前調有種海邊檸檬的清新香味，後調透出淡淡木質脂粉香；持香度不是很長，大概可以維持一個上午；適合詩文類型的男生。

bibubibu好用推薦：呢款男士香薰一直以來喺香港都好受歡迎 平時日頭返工時間經常都會喺地鐵上面聞到有男士用呢一款香水 佢俾人一種好斯文嘅感覺 適合喺冷氣房使用 但如果係去到室外炎熱嘅地方 佢嘅香味就會有啲濃烈 個人唔算太喜歡

Giselle 好用推薦：Jo Malone 絲絨玫瑰與烏木 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款香水屬於黑瓶系列，主打係比一般透明樽會更持久但價錢亦都會更高😂 雖然呢款香水主打木質花香調，但我會覺得佢嘅玫瑰味係濃烈過佢嘅烏木味🤔同Le labo嘅Rose 31木質調大過玫瑰味係非常唔同😂而且因為佢有加入糖同比較甜嘅水果去調香，所以佢其實會比較甜🙈但我覺得佢嘅香味屬於有層次又未至於太過張揚嘅玫瑰味，鍾意玫瑰味但又聞嫌咗玫瑰mix果香/其他花香嘅小夥伴可以留意下呢款香水😉雖然佢係比透明樽款式更加持香&擴香（～5個鐘），但都係覺得呢個價位有更好嘅選擇🫠

Noel好用推薦：隨著年齡增長，個人漸漸喜歡玫瑰花香，沒有二十多歲時那麼抗拒。這枝 Velvet Rose & Oub 玫瑰香比較淡，和木調融合，香氣很沉穩，偏向成熟+知性女人的感覺❤ 它是我的第一枝黑瓶 Jo Malone (芳醇古龍水)，黑瓶是 Cologne Intense 更濃郁，後繼香氣更待久，當然價格也相對高一截，所以要小心挑選！

Nicole 好用推薦：前調：香檸檬，胡椒 中調：花椒，薰衣草，粉紅胡椒，香根草，廣藿香，天竺葵，欖香脂 後調：降龍涎香醚雪松，勞丹脂 傳說中的渣男香😂 味道較為濃郁的，在持香時間和擴香度都很好，那種味道給人就是一種很粗獷風格，也能是那種愛玩的壞壞渣男味，值得送一瓶給心愛的男生🙈

Kpl6be6好用推薦：從專門店買香水時所得之男士香氛～一於幫另一半增添男士魅力啦(笑)～木香氣味重～香氣持久度都好好～

lingbb好用推薦： 我好鐘意隻香味，感覺好中性，男女都會鐘意既味，係一種無乜殺傷力舒服既味， 聞完會覺得幾襯穿恤衫既風格。🤪 好可惜係香味真係太短，1個鐘內個味已經淡咗好多。 前調:檸檬 - 佛手柑 - 杜松子 - 柑橘 中調:荳蔻 - 薰衣草 - 甜木 基調:白麝香 - 琥珀 - 香柏木 - 麝香.

Angie好用推薦：平時返工嘅時候鍾意用呢款香水，因為香味比較容易接受，係一種令人舒服嘅味道

mandy好用推薦：Jo Malone Tuberose Angelica Cologne Intense 夜來香與白芷芳醇古龍水 HK$1,215 前調：歐白芷 中調：晚香玉（夜來香） 基調：琥珀木 聞到夜來香的香味後，真的會想收藏一枝， (當場有點被嚇到)香味為什麼可以如此好聞?  晚香玉（夜來香）不愧為夜晚的女王， 就是讓人折服的優雅舒適的香味。 光是這香味已能顯出高品味，而且能擄獲人心， 就是沒有玫瑰的高調，但又顯露出不一樣的美人香氣。 夜來香與白芷芳醇古龍水是一種令人上癮的美麗氣息， 可以時刻為用家帶來愉悅，亦非常適合在晚上使用， 營造出女主角氛圍。如果大家用膩了玫瑰或是橙花香水， 不妨收一枝夜來香與白芷芳醇古龍水，絕對好聞有驚喜， 香味剛剛好，也不會太濃烈就是了。

Giselle 好用推薦：Jo Malone 夜來香與白芷古龍水 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款香水屬於黑瓶系列，主打係比一般透明樽會更持久但價錢亦都會更高😂同大部分嘅晚香玉香水一樣，呢款香水可以聞得出好濃嘅晚香玉白花味🤔佢嘅白花味雖然好濃但未至於濃到會俾人一種好強勢嘅感覺，反而會俾人一種好溫柔淑女風嘅感覺😉但我覺得會對白花暈香嘅小夥伴一定會暈香🫠所以唔建議小夥伴blind buy呢支香水，一定要去專櫃試香先再入手哦😉雖然佢係比透明樽款式更加持香&擴香（～5個鐘），但都係覺得呢個價位有更好嘅選擇🫠

Fng好用推薦：Yves Saint Laurent ysl 黑鴉片 Black Opium EdP 鴉片系列風格以黑色為主題，包裝閃閃的瓶身很吸引，整體質感也很好，個人認為香味較適合30~40歲，香味大可維持一整天👍。 起初噴時，濃烈香味撲鼻，過一段時間後變成濃郁的咖啡+茉莉香，溫暖的花香，最後為廣藿香和雪松。 香調：東方辛辣花香 前調：粉紅胡椒，橙花，梨子 中調：茉莉，咖啡 後調：香草，廣藿香和雪松

Katrina好用推薦：味道好特別，並且非常濃郁。香氣濃郁，濃嘅程度令未必人人都會鍾意佢，但香氣持久力強。

inkitsung好用推薦：淡粉色包裝好靚💕一支好女性味道嘅香水～ 個人覺得味道唔會係人人鍾意，但我又覺得幾好喇～ 前調花香味濃，後續係麝香再帶甜味，有啲奶香味嘅感覺～

Heychauchau 好用推薦：花香木質調的香水，聞起來很舒服，不俗氣，可以用作平常上班使用的香水。