香味怡人 推薦好用產品

hoyosky好用推薦：無限次回購！試過Dove牌子沐浴露很多種味道，最喜歡和使用效果最好的，還是這款！質地比較像牛奶狀，味道很香不攻鼻，使用效果溫和帶點滋潤。很多朋友來家使用過都表示很喜歡，是種大眾都可以接受的味道。 普遍在各大超市及百貨都有售賣，常出優惠裝及帶贈品試用，性價比高。

kkayinn好用推薦：冬天必備沐浴乳！一踏入乾燥季節，就要換沐浴露啦☺️一直都用開一隻著名消毒品牌嘅沐浴露，佢哋清潔力好強，冬天用我就好容易乾到痕癢，所以要即刻轉做dove牛奶沐浴乳，沖完涼之後皮膚有淡淡的牛奶香仲有水嫩嘅肌膚，清潔之餘又不帶走太多油脂，連我嘅長輩屋企人同小朋友都啱用，佢而家直程係我家庭必備嘅沐浴乳，同保心安油嘅地位一樣吖😂

km好用推薦：用咗一半 用完之後會覺得頭皮乾爽咗好多 冇咁容易出油 加水洗嗰陣會有好多泡泡 同埋佢入邊有啲粒粒 可以按摩頭皮和清潔 但係用完之後會有少少乾澀 之後可以用返佢哋嘅髮膜

Lego好用推薦：洗完頭皮感覺明顯清爽好多 但又唔會令頭髮變得好乾好戟 吹乾頭髮會輕左既感覺

LenaC好用推薦：多謝@cosme同埋LUX❤️推出今次【特別會員禮企劃】🫶送咗6枝正貨嘅LUX洗護系列俾我試用☺️☺️ 以下係我既用後感 適合髮質 : 細軟易塌受損髮 質地 : 濃稠乳狀 香味 : 用既時候散發出淡雅芳香的氣息🥰 滑順度 : ♥♥♥♥ (以指尖撫過 就可以充分感受從髮根到髮梢既柔順服貼) 效果: 以前我既頭髮好容易一到下晝就開始油笠笠 塌塌哋 用咗LUX 呢隻角蛋白氨基酸洗髮乳之後 一整天頭皮都超清爽😊😊 用咗佢令啲頭髮恢復既有既彈力同光澤 視覺上睇起嚟更有質感🥰 下圖為行咗半日山後影既 頭髮都仲keep到咁 真係多得呢隻LUX 既 Smoothener 洗護系列 當然仲要多謝@cosme 好介紹 否則都唔會知有呢款咁好既頭髮洗護產品 價錢親民🫶 效果又顯著👍  P.S. 分享@cosme 提供既護理頭髪小秘笈: 原來使用護髪素前要先去掉頭髪上殘留既水份 咁就可以幫助護髪素滲透 更好吸收架

mandy好用推薦：LUX - 角蛋白氨基酸豐盈柔順護髮素 適合細軟易塌受損髮質使用, 以角蛋白氨基酸修復及滋潤受損秀髮。 護髮素的重點在於選洗髮乳是看頭皮(scalp)的情況, 而選護髮素則是看髮尾如何。 例如: 乾性頭皮需要用保濕滋潤型的洗髮乳, 可是油性髮尾要選輕盈、平衡及強韌的護髮素。 適合的洗髮乳及護髮素不一定是用同一個系列。 個人來說, 比較適合使用保濕滋潤型的 膠原蛋白氨基酸保濕滋潤洗髮乳及強韌髮絲、 修護乾旱受損髮的乳木果油氨基酸強韌防斷護髮素。 由於本身頭髮不是細軟易塌的類型, 所以冇咁適合用角蛋白氨基酸豐盈柔順護髮素。 大家記住要好好選擇洗髮乳及護髮素。 -香味清新淡雅, 不會過於濃烈 香味不明顯不代表不好, 有時候香味太濃烈, 未必人人接受到。 如果喜歡較強烈的花果香味, 可以使用有花果香味的護髮噴霧增香。 -質感:  偏清爽水感的乳液狀質地, 延展性佳, 比同系列洗髮乳稍為滋潤,  使用後不會令頭髮變油變笠, 而且富彈性不易扁塌。 -成效: 本身髮量多、頭髮較粗。 平時為了令頭髮變得柔順易梳理, 我會很依賴髮膜。 在試用角

Shirlin Ho好用推薦：呢支Dove嘅洗頭水係第一次買，諗住都係普普通通，唔會對佢有太大期望，點知用咗之後就有驚喜。 1.佢起泡力對我嚟講係滿意嘅，用少少就起到好多泡。🫧🫧 2.佢香味係持久，吹完頭到瞓覺個陣都仲有香味。 3.吹頭個陣好順，唔會撠住，攪到會甩好多頭髮😣😣 最重要係佢CP價真係好高，價錢一啲都唔貴，用多啲都唔肉痛呀👍🏻👍🏻

CC1997好用推薦：多謝cosme今次抽中我試用Dove嘅洗頭水同埋小金碗 先講下試用左14日嘅感覺： 我先用紫色呢枝洗頭，佢擠出嚟嘅時候比較似gel狀，但整落濕左嘅頭髮到就會開始起泡，然後好神奇地d頭髮就會越捽越滑，過左水之後feel到頭髮已經滑左！但頭皮都唔會有未洗乾嘅感覺。 洗完頭之後我就用小金碗嚟代替護髮素，搽上濕髮等一分鐘之後過水洗走佢，就會feel到頭髮好柔順，幾乎無打結，好似去salon做左treatment咁，好容易梳開。 效果方面： 我本身係油性頭皮，前一晚洗頭嘅話，夏天嘅時候去到傍晚時分頭皮位置已經會出曬油見到黏笠。所以頭皮位置我一向都用Head n Shoulder去控油。另外，因為我一年都去整兩三次頭髮，每次都有漂/染，所以頭髮偏乾旱，同容易打結。原本頭皮以外位置，因為我好怕洗走洗頭水之後d頭髮打曬結嘅感覺，所以平時我用開Moist Diane白色個隻洗頭水洗髮絲，希望做到用護髮素前頭髮都梳得開，本來以為用Moist Diane髮絲已經算好柔順，但試用左Dove更加覺得驚艷！除左見到我頭皮到傍晚比之前睇起嚟無咁黏笠，沖走洗頭水嘅時候，d頭髮亦比較順滑，頭髮吹乾之後亦都營造到蓬鬆

oreochan好用推薦：我想女生們一定明白的煩惱，就是家中地上每個角落都會出現一團團斷落的頭髮。 當意識到這個問題開始越來越嚴重的時候，就決不能坐視不理了！ 這次很開心獲邀試用KÉRASTASE Genesis 雙重防掉髮護理系列，全系列包括防掉髮輕盈浴髮乳、防掉髮修護護髮露、防掉髮修護護髮膜和雙重防脫修護精華。 先說說我的髮質是細軟自然鬈，髮量不多，特別是潮濕下雨天的季節時，頭髮明顯毛躁暗啞。而且這幾年開始輕輕用手抓梳，已經很容易會掉髮。 我以防掉髮輕盈浴髮乳，配合防掉髮修護護髮露一起使用了超過兩個星期的時間。 護髮露是乳白色cream狀，質地對我來說是剛剛好的滋潤，塗上時一點也不黏膩不沾手。我主要重點塗在離開髮根5cm的頭髮至髮尾，將洗頭過後打結的頭髮輕輕用手指順滑梳開。敷上1分鐘後，用水很容易清洗掉，沒有帶油膩感。 由於我的頭髮細軟，曾試過用其他牌子過於滋潤的產品，頭髮就很容易扁塌。相反，吹乾頭髮後自帶自然蓬鬆感，自然頭髮看起來更豐盈，而且是有光澤的，看起來像髮質本來就很好，感覺髮絲是有吸收到護髮精華。因此能有效撫平我的毛躁。 我喜歡這種質地輕盈又有感的護髮乳，很適合每天日常使用，感覺繼續用下

sallysays好用推薦：A selfcare reminder from KÉRASTASE: 幸福感滿滿 的 Hair routine 頭髮自從於3年前電傷過之後，都一直維持一個易斷 + 留不長的狀況，所以一直都在尋找一些可以養髮的產品。KÉRASTASE這個品牌我也是首次接觸，是次試用主打的是防脫髮，正好合乎我的需要。 除了會使用護髮膜的兩天，護髮露也算是daily product，所以挑選自己喜歡的去使好就十分重要。其實在使用KÉRASTASE防掉髮輕盈浴髮乳後，頭髮是不會很乾的，在使用同系列的護髮露後，修護的感覺是更加強烈。我會留意只塗在髮尾位置，特別是易開叉的位置，頭皮的滋潤我則交由雙重防脫修護精華負責:) 官方的指示是塗完2-3分鐘再沖洗，沖完後明顯髮絲很柔軟，也見到掉的頭髮有減少，脫髮問題有明顯改善。我想這也是歸功於KÉRASTASE把頭皮當皮膚的概念。 另一個系列很大的特點是香味，官方資料說是「青檸+佛手柑的清新果香，像為頭髮噴香水一樣」，其實真的沒有誇張，用完後整個人好像塗了香水一樣，心情也變得好 :) 洗髮每天都要做，是self care routine中最常出現的一環，也是最經

Nicole 好用推薦：前調：橙子，橘子，橙花，香檸檬 中調：含羞草，茉莉，玫瑰，依蘭 後調：零陵香豆，廣藿香，紅沒藥，香草，香草根，麝香 聞著更像是花香中微微帶著柑橘果香，不是清爽調，夏天用稍顯甜膩，秋冬用會更好。 個人感覺適合輕熟女。

940727.0好用推薦：超鍾意呢一款味道，甜得來唔會話太過誇張，好適合打扮比較甜美嘅女仔。我會喺年末嘅時候用多啲

TY好用推薦：最鍾意嘅 Jo Malone 香水，味道清淡，唔係甜味嗰種，清新，少少木味。 Jo Malone 香水都有個缺點，就係香味唔持久，需要補噴。 優點就係佢嘅香味唔會好濃，都係清淡為主。

貓餅好用推薦：這隻香水很香很好聞，比較中性，有點木味，起碼不俗不耐，是我喜歡的味道

applepie好用推薦：自從去咗呢個品牌專櫃做頭皮分析測試，先發現原來只用洗頭水及護髮素係唔夠清潔嘅！想頭髮變得更健康清潔，所以入手了這枝髮醋，一打開就有好香甜好fresh嘅莓香味，用完之後頭髮變得更清爽順滑及有光澤，香味更可以維持到第二朝👍🏻

Sym97好用推薦：我選用了抗污染亮澤髮醋，其實係首次使用，美容顧問推薦針對幼細易出汗的髮質，可以去油污塵埃等日常污染物質及保持髮絲毛鱗片平滑，可以使頭髮更順。 個人用後感覺髮絲質感十分清爽，帶有清香髮醋味道，與使用護髮素十分不同的感覺，沒有油膩感或上一層膜般。 用完一天頭髮也維持亮澤和清爽, 髮根亦變得強韌 使用方法都以洗完頭之後倒數圈上髮絲上，輕輕按摩至有少許泡沫，停留5分鐘後沖洗乾淨。 必須記得一星期內只可使用2-3次，過分使用髮醋反而會加重頭髮的負擔 但如果你剛好不喜歡重香味的洗髮用品，這款產品則有較濃烈醋味

zzzhelen好用推薦：Sabon淋浴油係一款好清爽質地既浴油，佢同淋浴乳差不多係凝膠狀，肌膚上有殘餘既水份就可以推開，有豐富既泡沫，一用水沖就可以沖乾淨，唔會有殘留感，我乾肌黎講就一般啦，不過中性肌就好適合。 薑橙係比較中性同強烈既香氣，我個人黎講係幾鍾意，亦覺得好啱屋企有男士既一齊使用

msthea好用推薦：收到朋友送嘅Sabon薑橙bath oil 佢個樣真係好靚，收到我覺得好開心🤣 不過一用，發現自己真係唔係好慣用沐浴油 少少佢已經可以起好多泡 香味都啱啱好，聞到覺得好舒服仲少少清新既 但就真係非常滋潤❗️ 可能係因為係浴油，我自己洗極都仲覺得有啲油 不過只要你可以無視硬係覺得自己未沖乾淨嘅感覺 抹乾衫着完衫，轉個頭會覺得自己唔滋潤，皮膚唔會好乾燥 其實秋冬用係幾舒服嘅，但我個人有覺得而家未乾到需要用佢🙈 我諗應該係我唔慣姐

Nat好用推薦：好開心可以抽到試用法之羽KAMINOWA的全套生髮養髮產品，感謝@cosme! 今次試用的產品包括養髮液、生髮素、有機防脫洗髮露及護髮素。踏入30歲之後，新陳代謝減慢，頭髮生長速度開始跟唔上脫髮速度。本身我額頭比較高，近幾年髮線越來越後，額角就更加高，頭髮明顯比以前稀薄好多，所以近幾年亦嘗試了不少市面上的防脫生髮產品。 今次收到試用品之後，使用了大概一個月時間。 先講一下使用感覺（個人習慣每晚都會洗頭護髮，中性頭皮，中至乾旱髮質，不易出油）。 有機防脫洗髮露： 香味方面，比較清新，氣味不濃烈，洗發後在頭上只有一點淡淡的留香。倒洗髮露在手心加水後，都算容易搓到起泡。洗髮效果乾淨，頭皮清爽。在香港炎熱又潮濕的夏天，第二日到下午時間頭皮都乾爽，晚上時間就會有少少笠，以防脫洗髮露來講，潔淨度都滿意。 護髮素： 香味和洗髮露一樣。洗髮後，稍微擰乾頭髮水份，搽上護髮素等幾分鐘後沖洗乾淨。吹頭之後，髮尾都有少少旱，我習慣使用髮尾油，所以護髮效果可以接受。始終是防脫護髮素，不要期望可以大大改善乾旱問題。 養髮液：早晚使用各1次，吹頭後直接用在頭皮上，利用指腹傾傾按摩至完全吸收。我基本上只使用在髮線

🌸好用推薦：多謝@cosme 畀機會我試用養法之羽KAMINOWA嘅全套生髮養髮產品！今次試用嘅產品包括養髮液、生髮素、有機防脫洗髮露及護髮素。 隨住年齡增長，同埋長期要捱夜工作，生活壓力越來越大，我留意到我自己嘅額角嘅頭髮開始稀薄，有山羊角禿嘅趨勢。之前都試過用其他唔同嘅防脫髮洗髮水之類嘅產品，但幫助都不大。今次收到試用產品之後，我用咗大概六星期。 我講一講我個人嘅髮質先。我係長頭髮嘅，頭髮質地比較細軟。從來冇試過燙髮或者染髮，但係平時洗完頭都會甩到一地係頭髮。頭髮唔算容易出油，髮尾比較乾旱，算係中性髮質。 今次試用呢隻生髮素係口服使用嘅，外用配合內服，希望可以得到雙重效果。 呢隻口服生髮素係條狀包裝嘅粉末，好似即溶咖啡粉咁樣嘅包裝，細細包方便攜帶。即使去旅行都可以好方便咁樣拎出嚟食。 佢係淡雪草莓口味嘅白色粉末，味道清甜，容易入口。因為我係想達到生髮同防脫嘅效果，所以我喺呢個療程入面，每日食兩包。 我睇返佢嘅介紹，原來佢有專利生髮成份山葵（ (wasabi)同埋有效嘅生髮成份「豌豆芽萃取」，刺激頭髮生長，而且令到頭髮濃密。 呢個係我使用之前影嘅額角頭髮： 以下係使用兩星

PYLau好用推薦：多謝@cosme今次活動抽中我試用。 今次試用Dove嘅一分鐘胜肽修護髮膜同埋 髮源強韌防斷髮洗髮乳。（產品運送時有啲損壞）首先用咗洗髮乳洗頭先，都係一貫Dove嘅招牌香味，好易起泡泡，沖洗完覺得頭髮質地柔順，撫平咗我受損開叉嘅尾髮。 接住再用小金碗。入面嘅成份有珍貴嘅修護成分：胜肽、氨基酸、透明質酸、100倍濃度海藻糖。 一分鐘就能夠修護到受損髮質、強韌防斷、滋潤柔順、水潤保濕。啱晒我哋啲咁忙嘅香港人。 持續用後髮尾好明顯有被滋潤，改善到我嘅毛燥、有效減少髮尾嘅開叉。

applepie好用推薦：多謝 @cosme 抽中我試用髮源強韌防斷髮洗髮乳，配合Dove胜肽修護髮膜同時使水😊～有點可惜的是洗髮乳樽蓋鬆開了，包裹袋裡面有好多洗髮乳… Dove髮源強韌防斷髮洗髮乳有著Dove一貫的香味，香味芳香持久，而且香味能夠keep到一整天！連平日出完街返屋企必定會出現嘅頭臭味都遮得到🤭 洗髮乳好易起泡，過水後仍然keep到順滑得嚟有彈性嘅感覺，吹頭後見到比起平日減少左毛燥👍🏻使用後第二朝頭髮都唔會覺得油膩或扁塌～ 性價比高，相信用完會回購，會推薦俾朋友🥰

Shirlin Ho好用推薦： 今次係第二次用Pantene嘅髮膜 之前第一次用係朋友俾嘅 用過覺得幾好用又方便 所以就再買。 覺得佢方便係可以當佢係護髮素咁用 洗完頭直接揸上頭 之後就可以沖水 好方便 因為我係短頭髮 所以只係用半粒都好夠。 用完第二日啲頭髮真係柔順咗好多 呢個都係我會回購嘅原因。

Nicole 好用推薦：水潤乳膏狀質地，裡面還有很多一顆顆黃色的精華凝珠，一抹即融，都算是易沖洗🚿 每次用完頭髮得到充分滋潤同時還能強韌髮絲，平時每周會用一次，作為定期保養。

Jolicious好用推薦：好開心入選「Rejoice 瞬效柔順免沖洗䕶髮精華 」試用活動，體驗呢隻精華對有毛燥打結頭髮問題嘅效果，佢有分滋潤型同清爽型配方，可以更針對各類頭髮狀態進行修復 䕶髮精華嘅用法係洗完頭後輕印水份，再塗上頭髮中至尾端，用完唔需要再過水，今次用到嘅係清爽型配方，泵頭設計非常方便，一吱出黎已經聞到清新嘅葡萄柚香氣，顏色半透明，質感半流質，頭髮吸收得好快，無黏笠感覺 本身嘅髮質柔軟度屬於中等偏硬，好易有毛燥打結問題，洗頭後要用䕶髮油先可以梳開頭髮再進行吹乾，用左「Rejoice 瞬效柔順免沖洗䕶髮精華 」十日，頭髮有明顯地少左毛燥同打結問題，梳落去柔順左，唔需要太花時間已經可以梳順去吹頭，吹乾之後毛燥問題都明顯改善左，頭髮外觀上都保持到乾爽順滑狀態，效果令人滿意 十日體驗後，特別覺得「Rejoice 瞬效柔順免沖洗䕶髮精華 」使用上比以前嘅䕶理更方便，泵頭裝單手已經可以使用，而因為佢唔似䕶髮油咁油性質地，所以用完唔洗即刻急住洗手都可以，價格相宜，整體性價比都幾高！

kathy.lhy好用推薦：多謝cosme嘅試用邀請❤️今次收到Rejoice嘅瞬效柔順護髮精華🥳 佢總共有2款 清爽型同滋潤型 今次收到嘅清爽型 係比較適合偏油性嘅髮質🙈 而2款同樣都可以改善頭髮毛躁問題 令頭髮變返柔順🤤 <原本髮質> 首先天生頭髮遺傳有啲攣🤣 再加之前全頭漂過幾次 宜家頭髮有8成都係漂過 有部分頭髮斷過髮🙈 所以頭髮毛躁問題都幾嚴重！ <產品使用感> 護髮精華係比較水潤、流質🙈 而且有陣淡淡嘅西柚味~ 搽上頭髮嘅時候簡單方便 因為佢質地夠流質 所以可以好均勻咁將佢搽係所有頭髮到👍🏻 同時頭髮唔會有黏笠咁 搽完都係好清爽😆 效果方面 搽完精華之後發覺頭髮毛躁問題改善咗好多🙈 肉眼望落去會少咗啲飛起嘅毛毛(包括斷髮) 同埋柔順咗直咗🤤 <個人推薦使用方法> 根據頭髮長度吱完精華之後 可以輕輕將佢捽開係對手到 晏啲搽嘅時候就可以均勻啲🙈 搽上頭髮嘅時候 可以順住指尖搽~ 同埋建議搽完之後 再用風筒吹順🙈 可以配合梳嚟順住吹 效果會更加好👍🏻 如果洗咗頭髮 建議係頭髮大約半乾 但未完全吹乾前搽🙈 搽完之後再吹乾頭髮就可以~ <整體> 整體嚟講 呢枝精華使用上好方便👍🏻 好快就可

Angie好用推薦：ANNA SUI Fantasia 築夢天馬淡香水 🦄 100分嘅設計，真係好靚☺️☺️☺️ 就咁擺係枱面已經心情好好🥰 雖然係5mL裝，不過獨角獸嘅detail位都做得好好❤️❤️❤️ 一打開就聞到濃郁嘅果香味，搽少少係手腕位置已經足夠，過一陣聞落就好自然好舒服☺️臨瞓前噴少少係公仔，間房會有股好舒服嘅果香 香味持久度高，出咗全日街都唔會無晒香味，噴公仔都last到一晚🌙 係2023年最滿意嘅香水✨✨✨

Fng好用推薦：Anna Sui 築夢天馬淡香水，有些小香辛味， 貫徹其品牌其他香水般，持久力just so so，三四個鐘要補香水。 前調：柑橘、粉色胡椒。 中調：花香元素、覆盆子、果仁糖。 後調：喜瑪拉雅雪松、絲柏

皮皮爱马桶好用推薦：本人是Diptyque香薰蜡烛的忠实爱好者，今次入手的是玫瑰味的蜡烛。买的190g/6.5OZ，大约可以燃烧50-60小时，这一杯特意使用了四成才来评价。 玫瑰味蜡烛的香味很单纯，点燃就是浓浓的玫瑰香，心情抑郁烦躁时，闻到这个玫瑰味便会令人感到平静，跳跃的烛光也会令人心情变好。在寒冷的冬夜点燃香薰还会令人感到身心温暖。这款蜡烛熄灭后，香味在房间内十几分钟便会消散，燃烧后也没有出现冒黑烟的情况。 玫瑰味是大多数人都能够接受的味道，第一次买这家香薰蜡烛不知道挑选什么气味时，选它不会出错。

Nicole 好用推薦：Diptyque-Mimosa 含羞草、綠杏仁、橙樹 味道乾淨好聞，清新之中帶點花香，是一款偏甜的香氛蠟燭，平時不用也可以放在床頭或是書桌當室內香氛。

麥精好用推薦：Nivea既 soft cream非常值得入手，容易買到，價格又平，屋企長期都會有一罐，揸面揸身都ok(=^▽^=)香味有d濃，不過揸完無耐就會消失，而且里個cream都幾潤，冬天用都夠補濕。

劉肥貓好用推薦：長期回購嘅潤膚露 容易推 開快吸收 滋潤度好足夠 但唔怕 笠 價錢平

Mimi好用推薦：The body show既白麝香水絕對可以稱得上最正既白麝香，非常持久，一直不停回購，可以同其他香水一齊重疊用❤️

Karman28好用推薦：好想分享下呢支好耐之前white musk 變奏版😂雖然已經比我變左做家居香氛，但其實咁平買到支呢種味道既香水，其實好唔錯。

Redbean好用推薦：步入四十歲，新陳代謝減慢，加上自身身體問題，有輕度內分泌失調，近一年脱髮問題漸見嚴重。我每天都會洗頭，並習慣每次清理去水口嘅掉髮，見到一束束甩落嚟嘅頭髮，同埋吸塵機集塵箱入面嘅頭髮，真係好肉赤。 我曾經用過以中年婦女為目標顧客嘅日系防掉洗護係列，用咗兩支，效果老實講唔係太名顯。亦用過以中藥護理為賣點嘅韓方洗護系列，效果係有嘅，但嗰陣藥材味，真係唔係幾好聞。而德國出品嘅生髮洗頭水，我仲用到頭皮敏感。 究竟豐盈秀髮同洗髮時嘅愉悅係咪真係唔可以並全？！ 幸運地今次抽中試用Kundal防脱頭皮護理洗髮水，我得到嘅係Musk嘅香味。一收到，我已經急不及待扭開個蓋嚟聞。一聞之下，真係不得了，陣香味竟然同我由細用到大嘅某大品牌嬰兒沐浴露好相似，係唔嗆鼻嘅BB爽身粉香氣。 即晚試用，洗完頭髮好順，頭皮感覺輕盈舒爽，感覺舒服。致於防掉髮效果，我影咗兩張相做對照，一張係第一日用嘅時候嘅掉髮量。另一張，可以見到手心嘅頭髮係比之前少咗。雖然整體頭髮唔係話好明顯濃密咗，但我願意花時間繼續觀察效果。 頭髮生長係有週期同需要花比較耐嘅時間先會好明顯見效。就憑Kundal嘅香味同用後嘅舒服感覺，我用唒呢支之後

Zita好用推薦： 現今美髮沙龍的技術越發進步，吸引大家經常去做不同的美髮造型。當然我也不例，常常把頭髮又電又染，加上漂髮，真的十分傷害頭髮與頭皮的健康，每次洗頭及梳髮均會掉落很多頭髮，一直想找防脫的洗髮露使用，希望可以改善頭髮的健康。 早前看到來自韓國的Kundal 咖啡因防脫洗髮乳十分吸引，實實在在的外表包裝彷彿在強調它的功能性，好奇心驅使之下便來一試⋯⋯ 唧出洗髮乳，先會被它的香味吸引，淡淡的白麝香飄來，令人在洗髮前先進入放鬆的狀態。加少量水輕輕搓手便能製造出豐盈的泡沫，放上頭髮搓揉幾分鐘，明顯感覺到頭皮的污垢都被帶走，十分清爽舒服。加上它結合了澳洲的堅果油特製而成，頭髮洗後也感覺滋潤，非常順滑，不會過乾。 頭髮洗後感覺不會過份扁塌，翌日醒來頭髮仍保持蓬鬆的感覺。梳頭的掉髮量在使用三星期後明顯減少，而且洗髮的時候也明顯沒有之前般掉髮嚴重。 另外不得不說它的麝香味真的很好聞，入睡時還可以聞著頭髮，助我安眠入睡，心情亦比較愉悅，感覺輕鬆。 眾所皆知加上咖啡因的洗髮水並不便宜，但是Kundal的價錢還真的算是大眾可接受的價位。大家有興趣的話真的可以買來一試，可能會一試成主顧呢～😍

Jenny Fu好用推薦：冇特別亦冇效果。 本身頭髮偏細軟，中性髮質。 習慣每日洗頭。有脫髮嘅問題。 見到好多廣告，聲稱有效改善脫髮。 睇咗好多評價最後決定試吓。 先講第一感覺，洗完啲頭髮超級撠！ 雖然洗完唔乾，但洗嘅時候濕咗水非常撠。 洗頭已經甩咗好多頭髮。 但洗完吹乾又唔會特別墘，都幾順滑。 值得一讚嘅係控油力幾好，亦比到足夠嘅蓬鬆感。第二日keep到全日個頭都係好蓬鬆。 至於防脫髮效果就唔係好睇到，洗頭甩多咗頭髮就有。價錢都唔平，冇明顯效果，唔會再回購。

cat chu好用推薦：真的後悔不早點買GROWUS 洗髮護髮產品來用 用完頭髮脫少了，每次洗完頭都很清爽，我的乾燥粗糙掃把頭竟然有柔軟感呢！太喜歡喇 適合油性，脫髮嚴重的人士 用完個頭唔會乾，又唔會快出油👍，好爽嘅感覺

Nicole 好用推薦：這支磨砂膏的磨砂顆粒很細，所以在身上搓起來一點都不疼，而且好推開，用一個五元硬幣的量就可以推勻單腿，遇水也特別好沖洗，還有淡淡的自然香。 用完之後皮膚真的變得光滑，而且又不會繃緊，性價比超高，值得回購！

Ming好用推薦：呢支身體磨砂膏好好用，有少少香味，沖涼嘅時候，濕咗皮膚，用少少磨砂膏卒勻全新，用完之後皮膚會變到好滑，磨砂粒子好幼滑，就算大力啲捽都冇問題，滋潤保濕度夠。