Hamiii好用推薦：#夏季必備保養 我用既第一罐 係由@cosme送既禮物 多謝晒❤️ 而家手邊既係第2罐啦 直接入貨裝 分裝四圍帶 對於我黎講 夏天係皮膚狀態最敏感既 秋冬做好保濕 基本都無咩要搞 但夏天就慘啦 一不小心就起粒粒（太潤） 泛紅腫痛 （有時大汗都會） 出暗瘡（出完汗又無做番好毛孔清潔） 又或者都係泛紅乾痛（清潔過度） 總之煩到🤮🤮 呢罐算係呢個夏天都打算一路買既 本身完全無諗過會有一款可以俾我日日用既磨砂product! 官網真係寫到明 可每天使用 事實上佢亦真係好溫和 🫣 反正佢都係濕面捽 Why not沖涼順手搞埋 再用洗面奶洗淨 完😆 有佢日日幫我清潔毛孔 我又覺得佢清得幾淨 痘痘暫時都未浦過頭😆 So far我用左一段時間 如果不是自己找死 都無再出現泛紅 當然我最近找死🙂‍↕️ 就要補救番先可以再用 但敏感肌真係可以考慮下入

Milo101好用推薦：🌟黃糖磨砂粒子非常幼細，塗在臉上按摩會慢慢溶化 🌟成份有白茫花籽油、葡萄籽油及芒果籽油，磨砂同時溫和去角質 🌟用後有光澤，會感到有一層油性保護膜在皮膚表面

Zoe好用推薦：多謝@cosme提供深層修護潤膚露 係一支可以24小時保持肌膚潤澤嘅body lotion 官方聲稱可以迅速吸收 清爽不黏膩 滋潤乾燥肌膚而我在試用後的確同意呢個說法 首先質地像乳液一樣清爽易推開 對比另一款綠色包裝蘆薈舒緩潤膚露 這款更加滋潤 在身上推開後 大概2-3分鐘就吸收曬 而且唔黏笠至於氣味非常之清新 有少少奶味花香感覺 聞落都好舒適 通常我會在每晚上沖涼後使用 因為這款比較滋潤 我會在腿每邊會用2泵 手每邊用半泵而用完之後 瞬間覺得皮膚好滋潤 因為夏天經常開冷氣 可以馬上舒緩被冷氣吹乾的皮膚 每晚用完後到第二天都唔會覺得乾燥 保濕力效果超work 加上開架牌子 價錢好因為划算 又大支 大量用一啲都唔心痛 CP值超高 這支比較推介給超級乾燥肌膚/冬天時時用

Ressie14好用推薦： 多謝@cosme 給予機會獲得兩支Vaseline潤膚露試用！一支係蘆薈舒緩潤膚露，另一支係深層修護潤膚露。我係乾性皮膚，以往用開N牌潤膚露作身體滋潤，今次試用Vaseline深層修護潤膚露。包裝面顯示滋潤度達4分之中嘅3分；我選擇用嚟滋潤雙腿。質地容易推開，泵足一泵喺手心慢慢按摩一陣，一雙小腿已完全吸收， 隔左陣，小腿好滑淨，好似比潤膚露浸潤咗一樣，肉眼睇啲皮膚都平滑晒，身心都得到自瘉。

Kriskirs09好用推薦：SKII 前男友面膜 點解佢叫前男友面膜？ 因為佢聲稱敷完之後係會令到前男朋友後悔，所以大時大節或者有重要嘅場合都可以用佢哋急救皮膚，令到你嘅皮膚去到最佳嘅狀態。  上網有教使用方法 第1步：面膜紙比較厚，所以建議瞓喺度敷，先敷15分鐘左右，唔好撕走面膜。 第2步：將面膜剩低嘅精華倒出嚟搽喺面上面再敷15分鐘左右。 第3步：呢步好重要將面膜除出嚟，然後將精華倒喺手上面開始幫自己面部按摩，大概5至10分鐘左右就會起擦子膠碎。 第4步：按摩完之後一定一定要用清水洗面，會發現皮膚即刻光滑咗好多。 ✨個人使用感覺： 我係根據以上嘅方法，用咗一次即刻發現毛孔好細同埋皮膚好光滑，但係第二日我係起咗幾粒小暗瘡，我個美容師話我唔係好啱酵素嘅產品，但係實際原因我都唔知道點解。 但係我男朋友同我同時間用，佢嘅使用效果就好好，第二日皮膚一樣咁光滑，所以真係應該係睇人🫠最後尾我成盒送咗俾佢用🫠🫠🫠

皮皮爱马桶好用推薦：大名鼎鼎的前男友面膜，今次终于试到。 面膜纸是纯棉布，稍微有点厚重，而且面膜纸较大，对脸小的人不太友好。打开有股熟悉的淡淡的口水味，就是传说中的PITERA精华，上脸敷个十五分钟左右即可，揭下面膜稍微按摩一会儿再洗脸，就可以得到软滑的蛋白肌啦。

Tobimak好用推薦： 我第一次買洗面粉就揀左Fancl呢個牌子，貪佢不添加防腐劑。 佢粉質十分幼細，起泡時一定要用起泡工具。 此產品無色無味，記得有一次唔小心整咗啲泡泡入眼都唔醃眼。 用後我覺得乾淨而不繃緊，長遠用能夠明顯做到去角質功效。

CLS24好用推薦：本人混油/油性，使用感非常良好。用手已經好易出泡，上臉輕盈舒適，過水後清爽得來又有少少保濕，不繃緊。一年四季都岩用，最緊要係夠輕身，去旅行好方便！！！會再次回購！！

Wingni1024好用推薦：Aesop 護手霜真的太棒啦！它的香味清新宜人，讓人聞著心情愉悅。使用起來效果超讚，在給予肌膚充分滋潤的同時，完全不會有黏膩的感覺，手部肌膚能輕鬆保持舒適狀態，真的是一款非常值得擁有的護手霜。

Erin好用推薦：Aesop 招牌香味 清爽 一枝可用好耐 牙膏保裝 唔會浪費！ 👀

Nat好用推薦：好開心可以抽到試用法之羽KAMINOWA的全套生髮養髮產品，感謝@cosme! 今次試用的產品包括養髮液、生髮素、有機防脫洗髮露及護髮素。踏入30歲之後，新陳代謝減慢，頭髮生長速度開始跟唔上脫髮速度。本身我額頭比較高，近幾年髮線越來越後，額角就更加高，頭髮明顯比以前稀薄好多，所以近幾年亦嘗試了不少市面上的防脫生髮產品。 今次收到試用品之後，使用了大概一個月時間。 先講一下使用感覺（個人習慣每晚都會洗頭護髮，中性頭皮，中至乾旱髮質，不易出油）。有機防脫洗髮露： 香味方面，比較清新，氣味不濃烈，洗發後在頭上只有一點淡淡的留香。倒洗髮露在手心加水後，都算容易搓到起泡。洗髮效果乾淨，頭皮清爽。在香港炎熱又潮濕的夏天，第二日到下午時間頭皮都乾爽，晚上時間就會有少少笠，以防脫洗髮露來講，潔淨度都滿意。 護髮素： 香味和洗髮露一樣。洗髮後，稍微擰乾頭髮水份，搽上護髮素等幾分鐘後沖洗乾淨。吹頭之後，髮尾都有少少旱，我習慣使用髮尾油，所以護髮效果可以接受。始終是防脫護髮素，不要期望可以大大改善乾旱問題。 養髮液：早晚使用各1次，吹頭後直接用在頭皮上，利用指腹傾傾按摩至完全吸收。我基本上只使用在髮線、

🌸好用推薦：多謝@cosme 畀機會我試用養法之羽KAMINOWA嘅全套生髮養髮產品！今次試用嘅產品包括養髮液、生髮素、有機防脫洗髮露及護髮素。 隨住年齡增長，同埋長期要捱夜工作，生活壓力越來越大，我留意到我自己嘅額角嘅頭髮開始稀薄，有山羊角禿嘅趨勢。之前都試過用其他唔同嘅防脫髮洗髮水之類嘅產品，但幫助都不大。今次收到試用產品之後，我用咗大概六星期。 我講一講我個人嘅髮質先。我係長頭髮嘅，頭髮質地比較細軟。從來冇試過燙髮或者染髮，但係平時洗完頭都會甩到一地係頭髮。頭髮唔算容易出油，髮尾比較乾旱，算係中性髮質。 我平時習慣每日洗頭。今次試用嘅洗髮露同護髮素使用透明樽身，包裝簡約易用。因為佢係無矽洗髮及護髮產品，所以泡泡偏綿密。洗髮乳同護髮素都係冇香味嘅，感覺十分天然、溫和。同平時洗頭一樣，我會輕輕按摩頭皮，希望藉此可以促進血液循環，達到強韌髮根同防脫髮嘅效果。試用之後感覺清爽，完全冇痕癢、頭皮乾旱或過敏嘅現象。洗完頭之後睇一睇去水位，感覺真係冇甩咁多頭髮。 呢個係我使用之前影嘅額角頭髮：以下係使用兩星期後：覺得額角開始長出BB毛，生髮效果顯著，而且感覺到洗頭、梳頭、吹頭後真係甩少咗頭髮。

橘子貓好用推薦：這款是控油base，粉瓶是自然粉色，主要提亮肌膚。 流動性高，有保濕感，提亮膚色的效果是有的，塗完不會泛白。但控油效果對於夏天混油肌的我不太足夠。用了跟沒用似的，鼻頭、額頭出油時間跟之前差不多。 可能比較適合乾肌在香港春夏使用。 塗粉底前，有用Cezanne的分別：#BA照

Giselle 好用推薦：Cezanne 長效控油妝前隔離乳 30ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* Cezanne呢個牌子嘅產品出晒名又平又好用⸜( ´ ꒳ ` )⸝呢款算係佢其中一個因為好用而俾超多位日本美妝博主推爆嘅產品♡︎ヽ(..•ε<...)佢雖然標榜長效控油，但我呢個混合偏乾嘅人用完都唔會話因為佢太過控油而皮膚太乾唔舒服( ⸝⸝•ᴗ•⸝⸝ )੭⁾⁾佢最令我驚豔嘅係佢嘅持妝效果，佢可以令我嘅妝容係唔搽蜜粉唔噴定妝噴霧仲要戴口罩嘅情況下可以撐到4個鐘頭⸜( ´ ꒳ ` )⸝♡︎持妝效果我諗佢真係開架嘅base 入面算係數一數二勁，甚至俾某啲專櫃嘅仲要出色≡︎⊂︎( ^-^)⊃︎佢係屬於妝效比較偏白嘅隔離乳，所以一般擠幾滴就已經好足夠₍ᐢ⸝⸝› ̫ ‹⸝⸝ᐢ₎搽太多反而皮膚會有種太死白嘅感覺(⌯︎˃̶᷄ᗝ˂̶̥᷅⌯︎)另外建議搽咗上去後起碼等5分鐘後再上妝，唔係會有少少擦字膠碎出現( ˙༥˙ )$100都唔駛嘅base就有咁優秀持妝效果真係值得大家擁有ƪ(♥︎ε♥︎)ʃ

Yvonne好用推薦：「嘩，老婆你今晚沖完涼咁香嘅？！🥸🤩🥰😙👃」 多謝 @cosme 抽中我試用 Neutrogena水果草本香味嘅沐浴露，貨裝大大支有成946ml !! 頭先嗰句係我第一晚用完呢支沖涼液老公的即時反應😂 而有關我嘅使用心得，大概可以分為包裝及外觀、氣味、用後感嚟分享🫶🏻 ⭐️包裝及外觀：包裝簡約，樽身係透明的，琥珀色半透明啫喱狀🧡🤎 ⭐️氣味：好香同好舒服，對得住SPA水療級香氣呢個稱呼，好有療癒感，尤其每日收工返到屋企沖涼叉電嗰刻真係好warm同好calm, 但聯想不到水果香味，反而係草本、木質感覺比較強烈，沖完涼踏出浴室時仲香噴噴，但留香未算好持久 ⭐️使用感：我平時會用2泵份量（如上圖），起泡十分容易，唔使特別再加水，泡沫亦好豐富而輕盈唔厚重，沖水時亦好快沖得乾淨，唔會有假滑，偏向清爽 ⭐️整體感覺：貨裝正價係HK$178.9，相比市面普遍常用嘅沖涼液嚟講有少許貴，但遇到藥房/連鎖店做特價時見過$119-$139都可以買到。另外呢種香味同埋易洗程度亦係好欣賞嘅，所以我暫時會定位佢係我常用沖涼液top 5，用晒之後都會繼續回購😃💕

cynthia_snow好用推薦：以前一直用開D牌沐浴露，雖然唔算好鍾意佢嘅松木味，但因為使用上覺得比其他沐浴露乾淨，就用左好長時間；最近試下轉用同一牌子嘅牛奶蘆薈款，結果體驗麻麻🙈剛好有機會試用Neutrogena Rainbath沐浴露，梗係急不及待開箱🤩！今次試用嘅係水果草本香味，成支沐浴露容量有946ml，瓶身設計簡單、修長，透明瓶身更容易睇到沐浴露剩餘用量，覺得幾方便，唔洗扭開蓋先知道淨低幾多~正如產品強調嘅「SPA水療級香氣沐浴體驗」，一泵出嚟已經聞到好香甜嘅味道，除左有檸檬、柚子嘅柑橘香味，仲有玫瑰花香，抹開之後亦會隱約聞到肉桂味。雖然Rainbath沐浴露係shower gel，對比之前用開嘅D牌沐浴露，質地比較清爽，不過都好容易起泡，個人而言一pump已經足夠搽匀全身~ 整體感覺好refreshing，係好適合夏天嘅味道同質地🤩用左兩個星期之後，最明顯嘅感受就係沖完涼搽body lotion個陣，覺得皮膚觸感柔軟左，完全唔覺得乾燥繃緊~ 仲有好surprised嘅轉變：去美容中心做skin peeling，治療師話雖然兩隻手臂望落去毛囊角化得好勁，但摸落去皮膚好滑😝 睇返產品簡介，除左淋浴，Rainb

Enchante好用推薦：感謝cosme✨今次有機會試用Minon嘅輕柔卸妝潔面乳💕佢質地係柔滑嘅cream狀，好鐘意佢無添加酒精，香料同paraben防腐劑，連敏感皮膚嘅我都可以安心使用 👍雖然卸妝乳一般主要係用黎卸底妝，不過我都畫左一條眉筆，兩條眼線液，試下佢嘅卸妝效果✨卸妝乳一搽上去，眉筆同咖啡色眼線已經開始融開用手按摩幾下，上面2條已經差唔多唔見左，黑色眼線液開始淡色過埋水，效果仲明顯～ 相信卸底妝嘅話，卸妝效果應該都會好好❤️ 洗完面後皮膚都keep住水潤，而且唔使用化妝棉卸妝，唔會拉扯到皮膚，溫和得黎又有唔錯嘅卸妝力✨

Angie好用推薦：一到咗夏天就需要搵一支卸妝產品係卸得乾淨又清爽，唔會堵塞毛孔 之前一直都有聽過呢個牌子，但係未有機會試，咁啱行過見到特價就買來試吓🤭 粉紅色盒嘅包裝真係令人難以抗拒，粉色加白色嘅設計有滿滿嘅少女心，淨係個包裝都好鍾意🥰 呢款輕柔卸妝潔面乳，標榜滋潤保濕，仲可以提高肌膚光澤度，睇落好似好犀利咁！ 用咗大約兩星期，都真係卸得幾乾淨，完全冇生粒粒嘅問題，光澤度就暫時未見到有好大嘅改善 用落感覺都好溫和，唔會有緊繃感，保濕效果唔錯👍🏻

Nicole 好用推薦：質地輕薄清爽，流動性很強，延展性不錯，上臉不黏笠，拍幾下立馬吸收。 補水保濕平衡水油的效果還是不錯的，最近皮膚沒之前那麼容易出油了。

A&R好用推薦：專門店購買套裝其中一樣，精華質地好滑，少少流動性，搽上塊面好容易吸收，保濕效果好好，如果只擦精華液查，唔其他面霜的話，皮膚會有少少出油嘅現象，所以呢款精華液唔可以單獨使用。