找產品
彩妝功效 推薦好用產品
1,299 件
Fannie好用推薦：刷頭好幼細，刷完真系做到根根分明，好自然，試佐好幾款睫毛膏都會試過暈染到下眼檢位，哩款用完暈染情況不太明顯，解決佐我嘅煩惱😆會再回購！
<看全文>CC1997好用推薦：本身一直用開Dejavu嘅睫毛膏，可以話係咁多年嚟唯一長期使用同回購嘅睫毛膏品牌！我用開紅色同粉紅色大炮，最中意嘅賣點係佢地嘅睫毛膏可以不斷疊加但都唔會起曱甴腳。 呢枝同平時紅色粉紅色嘅效果好唔同，夾左睫毛再搽左之後有個種去做左角蛋白嘅感覺，根根分明同纖長，但就比較無濃密嘅效果。適合化淡妝、想營造自然美女嘅感覺時用。同其他款一樣都係可以疊搽，唔易起曱甴腳的。 持久度方面，春天去行完一日山都仲見到睫毛係纖長同翹，不過有少少黑色粉跌左係下眼位置，可能比較適合短時間外出用。或者唔介意嘅話中途抺一抺下眼簾就可以。 呢個係出左半日街後，抺走左跌係下眼位置粉抺嘅效果： 對比番未上妝前，可以睇到睫毛係長過原本，亦都加粗左，比原本明顯但依然係根根分明。 易缷程度一如既往，溫水可日卸。 總結嚟講，推薦俾日常出街或者番工想化淡妝嘅時候用。
<看全文>
royu3好用推薦：做了很多資料搜集才決定買的一款highlight 產品。 它屬於香檳金色的highlight，對於暖色皮膚來說是很自然的，很貼合膚色，宜以少量多次的方式疊加，對新手來說是很好控制的一款產品⭕️ 粉質方面十分細緻，但不得不說，飛粉問題超嚴重❌沾到整個盒子滿是珠光粉末⋯每次使用完都要清理一次。 可能網上有海量的好評，導致個人對它的期待度過高，個人認為其它品牌亦有推出類似或比它好用的相關產品。如果不介意飛粉問題，它算是有質素、可入手的highlight產品，但我不會再回購。
<看全文>lingbb好用推薦：#我的秋冬愛用彩妝 -買咗已經有一段時間，上網曾經大熱既高光， 我要求既高光係點綴式低調光澤效果。 - 佢係好靚既香檳色既 - 高光粉我通常係秋冬先用，想塊面望落去有多啲光澤感，夏天用高光粉會怕同粉底因太熱而溶埋一齊（明既就會明🥲） - 高光粉係比較出色過高光膏，上面一層已經有存在感，如果加強就會由低調變高調。 - 有時想隻眼角閃啲我都會輕輕加上去。 - 佢既缺點係好飛粉，（個鏡盒就見到好多粉） - 如果買貨size實在太太太太大盒，用極都唔完，如果有興趣建議買旅行裝，旅行裝同原裝都係同一個樣但細一半，平得多！ - 推薦俾高光控，你值得擁有一盒👍🏻
<看全文>
Noelle S好用推薦：順滑唔乾，薄塗都好顯色。焦糖紅棕118 burning clay，成熟柔美，日常淡妝用。厚塗會俾人感覺有點aggressive 再mature啲。食完lunch都留到五六成色，番office先補都ok。想買新velvet nude系列，專門店試啱心水兩款。107 cozy taupe 好鍾意，低調粉棕，21/22N膚色都carry到，夏天用應該幾fresh。320 cheerful goji 珊瑚色就lively啲陽光啲，但真係有太多支唇膏啦⋯⋯心思思考慮中。
<看全文>mandy好用推薦：MAKE UP FOREVER ROUGE ARTIST 霧光唇膏 $190 MAKE UP FOREVER 新推出的霧光唇膏有著特別的尖挺外型, 質地滋潤柔滑, 易於上妝, 很適合在秋、冬季使用。 霧光唇膏結合了霧面唇膏的高顯色及滋潤型唇膏的自然光澤。 霧面唇膏一般都容易顯唇紋及令雙唇變得乾燥; 霧光唇膏完全沒有這些問題, 而且潤而不笠, 使用感極之舒適, 是令人一試愛上的唇妝名品。 此外, 霧光唇膏的美麗顯色跟秋、冬妝容配搭得很好, 更能突顯女性美。 MAKE UP FOREVER 這次共推出60個不同色調, 應該能滿足大部分人的喜好。 如此多的顏色, 也只有像MAKE UP FOREVER 這個專業彩妝品牌可以做到。 #170 ROSE FLAIR 是很優雅的玫瑰色調, 不同膚色都可以駕馭, 也是很百搭的顏色, 日妝、夜妝及不同場合都可用到。 #320 VIRTUOUS GOJI 是帶一點啡調的紅色, 不太深色比較接近中間色, 很顯白。 #408 VISIONARY RUBY 是經典莓果紅色, 看上去特別精神。
<看全文>
Fanc好用推薦：Innisfree呢隻閃爍眼影係我最經常用嘅一隻眼影😃 單色細細盒，放工出去搵朋友化返個眼妝都好方便，佢容易上色，亦都好易上到好均勻，唔洗下下都要用眼影掃先掃得開，建議少量多次咁上，如果唔係一下太重手就over左😂 CP值高，價錢親民，一盒有排用🫢如果呢個size一盒入面可以有兩個色就好啦～咁去旅行同去staycation果陣帶一盒仔就行得，唔洗帶咁大盒眼影同眼影掃 會有興趣試埋其他色🤭
<看全文>maylam好用推薦：讀書時期學化妝嗰陣喺innisfree自組咗一盤眼影盤 我買嘅係嗰陣時好hit嘅人魚姬色 而家睇返都係好鐘意 眼影嘅顯色度都幾高 好閃好好睇 眼影嘅持久度中等 不過以佢嘅價錢黎講性價比都幾高
<看全文>
lingbb好用推薦： - 誠意推介俾鐘意誇一點妝容既你 - 呢粒眼影每次望到非常賞心悅目，包裝金光閃閃鏡面真係好靚好靚。🥹 - 入面內涵隻色melting point我覺得係難得一見咁靚，係一隻大膽古銅色加好多金色閃閃，非常出色，唔算好飛粉，好適合用黎去party用嘅顏色。 - 顯色度、持久度、貼服度都唔會令人失望 - 我唔係成日用眼影擦上眼，我會輕輕搵掃掃係下眼線位，帶出精神blingbling嘅感覺 - 推介你地去專櫃玩下🥹
<看全文>綺羅香好用推薦：呢排睇YouTube 成日聽到好多美妝YouTuber 推薦BB嘅月光石眼影，月光石係BB眼影系列之中位於三粒鑽level，屬於放肆閃嘅程度，底色係玫瑰金系，摸上手好順滑，無顆粒感，好推開，推開之後底色變淺，唔會影響原來眼妝底色，係強光燈之下非常之閃，好似銀河系入面點點繁星，又好似將鑽石打碎，溶入眼妝；亮片大小適中，黏合皮膚力夠，唔會跌到眼部四周都係亮片，所以當我嫌眼影盤啲亮片色唔夠閃時，就會疊加月光石上去，持妝大半日都無點甩過，除咗點綴眼妝，仲可以用嚟做打亮同臥蠶，真係一物多用 配搭產品：TF眼影盤、Canmake 睫毛打底、Canmake眼線膠筆
<看全文>
Fng好用推薦：買咗AB09號色，暖棕色調，屬於百搭顏色，上臉柔和夕陽嘅感覺🌅，適合黃皮膚使用。一貫日糸清透感，可以多次疊搽，去打造自己想要嘅深淺色效果， 不會出現重手咗，無可挽回的地步。 另外，驚喜嘅地方係佢好持久，全日妝感維持不變， 粉質細緻，冇結塊情況，同埋佢有漸變層，可以用頂層最淺色做highlight ，另外可以溝埋一齊用，就會有低調blink blink 效果 ，不浮誇， 適合日常妝容。2024 我最常用嘅 胭脂 非佢莫屬 ，打造不同妝容 ，非常方便，性價比又十分之高。
<看全文>bibubibu好用推薦：excel產品永遠都唔會令我失望 呢款胭脂有多款顏色選擇 佢嘅漸變顏色令到我只需要擁有一盒就可以做到唔同妝效 可濃可淡 粉質都唔錯 相當顯色 而且佢有細閃 做到有光澤感嘅效果 而佢附送嘅掃以開架產品來講質素好好 掃毛滑 而且用佢胭脂掃上面部亦係大細啱啱好
<看全文>
Katrina好用推薦：我用嘅係344號橙紅色。上咀唔乾，幾滋潤，唔顯唇紋同有光澤，相對地持久力一般。呢隻色我幾鍾意，好易襯。
<看全文>sami.mew好用推薦：家裡有兩個色號，上方的是#344，下方的是#325。 很喜歡這個唇膏的質地，滋潤又顯色，兩個色號上嘴都很顯氣色，而且在白光/黃光下展現的色彩也不會有很大色差！ #344是我至今為止覺得最漂亮的珊瑚色之一~(另一枝是opera的5號) #325是有點草莓的紅，雖然是紅卻不會老氣，反而很青春活力！ 最後被很多人吐糟的是它的外殼，但個人而言卻滿喜歡😂😂😂方方的很可愛也很有識別度！黑配金也有種高級感。 不過色號是印在底部的，導致當家裡有兩支同款不同色的唇膏時，每次都要拿起來看一看……
<看全文>