彩妝功效 推薦好用產品

YY好用推薦：MJ持久鬈長激場睫毛液 學生年代睇YouTube開始興起，已經撤出香港市場多年😿去親日本旅行一定買返3-4枝，啡色黑色都買。 平價好用，質量好。超多纖維，好易刷到好纖長嘅睫毛 我唔會夾眼睫毛，過份捲撓style唔適合我， 淨係鐘意用纖長mascara，mj睫毛液刷完2層就好夠。我會刷完之後會用眉刷刷返順啲睫毛，咁就好靚。之後再噴setting spray撤回都冇甩，乾得幾快。 出咗全日街有少少溶，用Shu uemura潔顏油都落得好乾淨。到2024仲係我心目中既top one睫毛液 🥇

Water好用推薦：MJ 睫毛液一向主打平價好用，真係由學生時期就開始有用佢。呢一支纖維好多，好容易會黐到眼皮，要好小心使用。 明明以前用係好防油防水，但呢一支我溶到一塌糊塗，唯有等乾燥啲嘅時候再試吓啦 😩

freezingheart27好用推薦：首先要多謝@cosme 跟benefit 提供共7色試用，今次分兩種唔同嘅質地，Plushtint 柔霧Matte Finish同 Splashtint 水漾滋潤左起色號：絲絨柔霧02 12 20 26 波光水漾05 09 17 以下係上唇試色： 素唇 - 唇色淡而不均，有較多唇紋02 Cream Puff 杏桃粉色可增添少女感，提氣息，很適合裸妝日 常12 Purrr 無花果色，溫柔嘅顏色，唔會太濃，亦適合日常妝扮20 Red Velvet 寶石紅色，高貴顯白，薄塗都唔會太誇張26 Quilty Pleasure 薔薇木色，提氣息，多塗一層會更顯色05 Honeymooner 暖和玫瑰色，自然裸色，帶水光感09 Isle Style 明亮珊瑚色，偏橙調，散發青春活力感17 Heat Wave 石榴紅色，顯白顯色，成熟感較重由於本人係萬年乾唇，易起死皮，相對需要做多啲護唇工作，兩款質地都易推，冇乜黏膩感，持色度大半天都冇點甩，以下係17 Heat Wave 半天持妝效果：幾小時需補一下，但持久度還在，但過後卸妝需要徹底，深色系會有食色到唇紋嘅情況，但卸後唔會感覺好乾，唇紋遮蓋大約有7-8

Jennn好用推薦：中咗@cosme嘅試用新產品活動～自己一直偏愛日系妝容，最近都鍾意一啲偏淡嘅唇色，見今次Benefit除咗比較大路嘅紅色之外，都有啲粉嫩啲嘅色，即刻試試先。 下面左上係自己唇色，偏深唔乾，全部試上嘴之前都有先用遮瑕膏打底先再上唇釉，今年都比較興有光澤度嘅唇，所以先試Splashtint。 05 Honeymooner完全係my lip but better，非常適合素顏想要好氣息或者淡妝，09 Isle Style現實睇飽和度會再高啲，有少少似韓國好鍾意用嘅瑩光色，17 Heart Wave就係最紅但係未去到大紅唇感覺，出嚟都係自然。 Splashtint係光澤感唇妝，係依家比較流行嘅妝感。如果好似我咁有用遮瑕打底會有遮瑕膏卡紋問題，但係佢又未去到可以cover本身唇色，似乎就咁用會比較適合。 下面係4款Plushtint霧面唇妝，一樣有先用遮瑕膏打底。 霧面呢隻就算有遮瑕打底都完全冇顯唇紋問題，02 Cream puff 有驚喜，裸色自然嘅唇膏，試過唔用遮瑕打底都可以有裸色效果，26 Quilty Pleasure同12 Purrr非常似，不過26偏紅啲12偏粉啲，20 Red

green好用推薦：今次想講講Chanel 銀管唇膏，呢個系列個名係ROUGE COCO BLOOM，我用緊110 Chance 色號。 呢隻顏色比較粉嫩，帶有小小三文魚色，有啲提氣色，唇淺同膚色淺會更加合適。雖然我膚色有啲黃，但化淡妝時候查呢隻色都好有氣色同好顯氣質，就算唇色有啲深都唔怕，因為佢質地有6成遮蓋力，比較滋潤唔染唇，易卸。唇色深搽都有提氣色既效果，唔同唇色搽出黎都唔同，所以買之前最好試試，呢隻唇膏我都幾鐘意，好春夏溫柔感覺，有機會會再買😊。

Fng好用推薦：喺專門店買咗406號色😍顏色偏棕紅色，非常之顯白，同埋一啲都唔顯唇紋，搽咗之後唔會乾，飲完嘢，食完嘢之後，都有五成顏色係上面，怪唔得知啲人對chanel唇膏讚不絕口，暫時都冇發現另外品牌可以比得上。🥰🥰🥰🥰

Hamiii好用推薦：見個盒幾靚入手 金色同紅色諗左好耐.. 最後入手金色🙃 呢4隻色既組合係幾靚既 屬於橙金色 絕對唔係橙啡😂 非常建議額外➕隻米白眼影打底先上隻橙色 因為佢實在 好 顯 色！ 一個唔覺意抓粉多左好易會出事 但整體黎講係幾靚 幾滿意既 唔太飛粉 顯色 價錢又唔貴 可以入手玩下：）

Cosmeemee好用推薦：初頭係俾佢包裝吸引到所以買 主要係我好鍾意食呢款朱古力😂 用落覺得顏色好百搭🤣 除咗閃粉之外，其他顏色都唔容易飛粉🙌 但閃粉嗰一格就要輕手啲使用🤫

jhope0725好用推薦：呢枝真係#此生摯愛唇彩！ 呢支唇彩一如其名，質感好似棉花一樣輕薄，唔會抽乾嘴唇水份，唔顯唇紋，疫情之下戴住口罩，查咗佢都唔會覺得笠、而係形成咗一層薄膜喺嘴上面。好light，好舒服。 佢顯色度、飽和度都好高，輕輕一層，已經令到成個嘴好立體，影相會好精神。我用嘅顏色係14號，上嘴唔會太紅~ 佢持久度算中上，未至於可以全日都唔補妝，但係維持四、五小時都冇問題~ 相片中嘅我搽咗呢支唇膏，會見到飲筒上面都有紅色唇印，但係出乎意料地，唔影響成個唇妝嘅效果，食完飯輕輕印下個嘴已經ok，唔一定要補妝！而且佢嘅好處係落妝會好乾淨同方便，唔會好似其他tint咁食死左個嘴唇。 唯一美中不足嘅就係，呢支唇彩嘅掃我略嫌太大，未必可以準確勾畫嘴唇嘅輪廓，如果大家係屋企化妝，有多啲工具，可以配合棉花棒，紙巾等等，如果出街補妝，輕輕由嘴唇中間上色，再自然合上嘴唇抿開，就會natural d! 私心推介，希望大家都搵到啱自己嘅色號！ 

瑪拉好用推薦：持久唔掉～就算飲水食嘢整到都只會掉少少，我呢個係11號色，本人黃二白，暖皮膚搽上嘴係好靚嘅玫瑰色～

agnessstang好用推薦：我用緊嘅色號係3.75 Warm Medium Brown 偏深嘅啡色 易畫 十分顯色 可以輕手少少畫 如果唔係會太深色🤣 好容易勾勒到自然嘅眉型 防水持久 顏色自然 有12隻色 可以配合翻自己嘅髮色選擇～

Blueblueblue好用推薦：平時係用開幼筆款眉筆，今次買粗頭嘅試，一樣咁好用。 如果有替換筆芯買就好了。

LorraineTsung好用推薦：羽毛眼影系列都係偏大地色 我用既係BE-3 質地好順滑上眼持久又唔會飛粉 而且配色點搽都好靚🥰

Hamiii好用推薦：呢盤眼影做得相對唔錯 顯色唔飛粉 基本上由頂開始做打底 一個style 閃粉暈染 眼line 搞掂晒 新手日常番工好方便 但想多少少變化 就… ..買多盤啦

mandy好用推薦：Sana New Born 3 in 1 Eyebrow New Born 3 in 1 自然柔和眉筆 #B7 (Marron Brown 栗子啡色) $66.90 (已打85折） from Don Don Donki 3 in 1 =眉筆+眉粉+眉刷 Sana 的 3合1眉筆在開架品牌中非常具人氣， 定番的色號亦有8款，除了B2偏向黑色系之外， 其餘7色都是不同調的啡色系， 很能配合不同的髮色。 而當中最熱賣第一位是B6，第二位則是B2。 使用方法： Step 1 : 用眉筆一根根勾畫出理想眉毛形狀 Step 2 : 再用眉粉順著眉毛形狀均勻塗在眉毛上 Step 3 : 用眉刷梳理好眉毛 橢圓形的眉筆頭很好描繪眉毛， 令畫眉更順暢及容易。 顯色方面是自然啡色系，而且深淺度剛剛好，不會太深色或偏向啡金色系。 眉粉可以均勻調整眉毛由眉頭到眉尾的顏色， 並且令整條眉增添柔和自然顯色的感覺。 最後用眉掃整理整體眉形，眉掃很方便易用，只需輕輕一掃便可完成眉妝。 SANA New Born 3 in 1 自然柔和眉筆 的持久度很好，不是那種一卒就消失的眉筆， 基本上一整天不用補妝。

agnessstang好用推薦：朋友推薦嘅眉筆👧🏻 已經用緊第3/4支 眉筆眉粉眉刷3 in 1嘅設計好方便 不過得一邊有蓋 好搞笑🤣(唔影響使用) 我用緊嘅色號係B10 Dark Brown同B14 Smoky Brown B14好似係限定色 係日本買嘅🇯🇵 B14帶少少灰 B10就係普通深啡色 性價比高 易畫 好容易勾勒到自然嘅眉型 持久度ok 顯色度方面帶妝係冇問題 如果係素顏(完全冇搽任何粉底/素顏霜)嘅話要大力啲畫/畫多幾下先顯色 顏色自然 有>10隻色 可以配合翻自己嘅髮色選擇～

Sccan好用推薦：眼線液用開都係Kiss me, Dolly wink, Loverliner 三大人氣開架品牌，一向鐘意眼線筆自然妝感但眼油多易暈染， 所以都會揀返啡色系列嘅眼線液，日常通勤妝岩晒。 對比Dolly wink 同 Loverliner ，兩個牌子都好進取，成日出改良版同限定色。Dolly wink 出嚟嘅效果係我比較喜歡，Loveliner 好顯色但好硬， 而且多眼紋嘅話，會順住眼紋化出去。 Dolly wink 就好自然，有啲似用眼影沾水畫眼線嘅效果。 色號：05 淡啡 效果：透明感十足，持久度不錯，捽完都只係甩少少，依個色可以畫埋卧蠶 質地：液狀，水較少，但好貼服 缺點：可能得揀淡啡所以顯色度一般，但加多幾筆都唔會起刷子膠碎；用量大容量少好快會無墨咁

Nicole 好用推薦：色號是03 PINK BROWN 啡粉線條令眼妝增添甜美和亮眼效果，筆尖極細只有0.1mm，而且柔軟有彈性，纖細筆頭可以任意填充睫毛縫隙，畫出來的眼線不會分叉，並且隨著力度不同，能畫出可粗可細的線條。

Chami好用推薦：多謝@cosme 抽中俾我有試用既機會🫶 收到既係canmake 絲滑眼影液01 啡紅色，係同系列眼影液中比較深色既。 （按官方網站資料：01 啡紅色；02 淺粉紅；03 酒紅色；04 裸粉色） 一開始見到實物咁深色，都有啲擔心唔係好適合自己，因為平時偏好淡色/大地色眼妝。但blend開之後又接受到wo🤣 blend開後顏色偏向啡，紅既比例較少，好啱平時返工用👍🏻 最鐘意係佢啲閃粉唔係啲大粒閃粉，推開之後好似珠光咁好靚。推既時候都好順滑，唔會推推下kick住變到一撻撻。 使用心得：第一次用直接點落眼皮再逐點推開，但覺得份量控制得唔太好；第二次用就嘗試先點落手，再用手指逐啲逐啲點落眼皮，會比較自然👍🏻 試用完呢支01，有啲心思思想買其他顏色試試，因為真心用起上黎方便快捷又靚🥰 #火熱新品

candybbyeah好用推薦： 呢個係一支液體嘅眼影 細細地一支 但係個容量都幾多 顏色係偏啡色嘅香檳金 係幾百搭嘅一種顏色 佢個用法都幾簡單 打開佢裏面會有個綿頭掃 個size有啲似棉花棒大少少 用佢將啲眼影液查上去個眼皮上面  我覺得支捧唔係幾好用，佢個面頭有啲大 本來佢個用法係要想係個眼睫毛附近嘅位置 但係因為個頭太大，所以好難將啲眼線液畫得咁仔細 變咗好容易上得太多 佢呢個眼影液上咗皮膚之後好快就乾 所以要快啲用手指去推開佢 鋪出嚟嘅顏色就會好自然好靚

Ki Lyko好用推薦： 一直聽說這支遮瑕膏很好用, 因為價錢實在太貴,所以考慮了很久才終於買了, 唇膏狀, 用掃上會比較好, 別看他小小的一支，但其實每次只需用少量就可以了, 所以可以用很久, 上手效果 : 其實它遮瑕度算很高, 只要用少量也能夠把凸起的暗瘡也瑕得很好, 比想像中滋潤, 不太乾。

Ko好用推薦：最近去咗日本，喺免稅店買咗 Cle de Peau 呢個牌子嘅遮瑕膏。佢質地好滑好易推開，輕薄咁塗上去都唔會有負擔感，印象中免稅店好似得四隻色，我買黎遮黑眼圈。遮蓋力算強，可以輕鬆遮掉黑眼圈同埋其他面部瑕疵，不過因為我係千年黑眼圈，所以要喺個眼底度調左色先再上呢一支遮瑕膏。我眼底一向好乾，但佢用落唔會乾，修飾眼紋嘅效果中上，我眼紋好深，所以無論用咩遮瑕膏都會現形，所以中上其實我都算滿意㗎啦。不過佢價錢有啲貴，我盡可能都會喺免稅店先買，可以平差唔多2百。 圖1，2產品圖 圖3 搽虎口，可以見到啲紋唔會遮得哂 圖4 遮瑕力算係幾好

橘子貓好用推薦：Matt Touch Blush #10 多年前朋友送贈的台灣手信，當時香港還未有essence的櫃枱呢！ 朋友選色很有眼光， #10色是粉西柚色帶微微珠光，淺淺掃一層上臉顯得好自然，再多掃一層是元氣的粉紅珊瑚色，一點都不會有螢光感，顯白有年輕感！ 腮紅粉質也很不錯，細滑不太飛粉，上臉很細緻，也貼膚。顯色度中上，壓粉挺實，每次取粉不用太多已經足夠，5g用到很久很久，性價比極高。 看腮紅凹凸押花已經被用得近乎平掉，就知道我很喜歡這款腮紅❤️簡直是平價開架彩妝必入單品。 #平價彩妝

Tiffany好用推薦：產品算得上係平，$30左右有交易 顯色比想像中更持久，平價之選 順帶一提，比粉餅好用多

Milo101好用推薦：🌟 非常方便，很適合日常出外使用，已經用了好一段時間了 🌟質感不會太乾，蠻滋潤的 🌟買的是唇膏芯，可以隨意配在同品牌的唇膏殼裡使用

royu3好用推薦：不捨得用的Paul and Joe 唇膏，貓咪圖案的紙製唇膏筒配搭唇膏上的橙花壓紋，包裝佔了很多分數！色號312為偏暖色的紅，非常顯色，而且滋潤不乾燥，帶自然光澤。但持久度不高，會沾杯子，飽和度較高的顏色還好，但顏色淺的色號較快脫色。 若非為了它家的精緻包裝，其實還有其他更好選擇喔！

chasiutung好用推薦：03號色 豆粉色 質地輕薄 剛搽上嘴 質地水潤 易推開 乾左會變啞光 不黏杯 持久度高👍

Kura好用推薦：係我最鍾意嘅一款唇彩之一，價錢好平，但顏色超靚，搽上嘴唔顯唇紋

popocarcar好用推薦：BA 教筆GEL可以當眉GEL用之餘，仲可以用作眉筆用。 買咗支迷你版試，效果好滿意。

UglyMaa好用推薦：我非常喜歡到Benefit修眉，因為蜜蠟修眉省時間，而且我個人覺得沒那麼痛。 因為我本身也有足夠的眉毛，以前不懂得畫眉，還覺得畫眉很假，修完眉之後如果可以直接用眉膏梳整齊眉毛便可以了。尤其在頭髮染淺色之後，更加有需要染淡眉毛的顏色。 Benefit微高的顏色選擇很多，而且很容易上色，重手也不會令到眉毛很假，適合要求不高的新手。

Nicole 好用推薦：白管色號914，顏色偏橘調，質地水潤和帶光澤。 本身唇色不淺不深，塗了一次基本上是看不到變化，要多塗幾次才看到唇色有少少顏色，顯色度比較低，持久度也不高，要經常補。 所以它只適合淺唇使用，整體來說它只是有色潤唇膏。

Fng好用推薦：chanel 91# 唇膏顏色夠持久，食完嘢都仲有六成顏色喺唇上面，同埋淡淡香味 ，搽上咀有滋潤感覺，唔會起死皮 ，唔顯乾紋，就算個嘴狀態差， 搽上去都即刻修復嘅效果。

Karman28好用推薦：仲未識畫眉果陣，買左呢支眉粉黎用。對新手黎講，真係好friendly，好簡單就可以幫眉毛補色，睇落精神d。佢顯色得黎，係非常自然。但如果要畫好sharp 既畫尾，都係要靠番眉筆。

Blueblueblue好用推薦：眉粉畫眉比較柔和及自然。 可惜筆頭係一枝棒，完全唔可以精準地畫眉頭眉尾。

Fng好用推薦：MAC Eye Shadow Pro : Royal Rendezvous (右上角), matte 妝效，粉紅棕色系，妝感溫柔， 粉質幼細，顯色貼服。

940727.0好用推薦：呢款單色眼影好用，顯色度高，完全唔會食走啲粉，上唔到色。如果想顯色度高嘅話，用手指上會更加好。另外仲有好多款顏色揀,我比較鍾意外國品牌嘅原因係好多顏色選擇，唔會只係單單得大地色。 

Sophia好用推薦： 這次入手的是Dior鏡光誘惑唇膏Rosemania限量外殼和558 Bois De Rose色號唇膏。 Rosemania外殼以浪漫的淡淡粉紅色為主調，並飾以精緻浮雕的Dior monogram，散發著高貴優雅的粉嫩氣息。而558 Bois De Rose是一個非常溫柔的玫瑰木色，帶有一絲絲的無花果調，不偏粉也不偏橘，是一個非常百搭的顏色。無論是日常淡妝還是正式場合，都能輕鬆駕馭。它的質地非常水潤，上唇非常順滑貼服，之後感覺亦非常輕薄舒適，滋潤得來不會有黏膩感。即使是嘴唇狀態不好的時候，也能很好的修飾唇部，讓嘴唇看起來飽滿有自然光澤。 Dior鏡光誘惑唇膏外殼不時推出各樣限量款式，包括近期的巴黎和聖誕主題等，都很精緻優雅，可隨時按自己心情裝扮𨍭換外殼，亦令人忍不住珍藏。總體來說，無論是唇膏外殼還是唇膏品質都非常出色，是一款兼具顏值和實力的唇膏！💖✨️

Tobimak好用推薦：呢支係Dior鏡光誘惑唇膏❤️我第一眼望到已經好鐘意，因為覺得成個外殼黑色好高貴好酷。 而我手上呢支就係527色，實物偏向豆沙色，好適合我呢啲黃皮既人，而且仲係唔化妝都carry到既色，超適合日常便用。 佢質地好滋潤，搽上咀會有光澤感。 十分推薦呢支唇膏比大家👍🏻

黯然仙人掌好用推薦：刷頭太大，唔啱亞洲人，同埋膏體好濕好重，軟弱毛未出門就已經dup 哂，唔會再回購

Sarah好用推薦：防水又持久，但刷頭太大，好易畫過界。妝感比較誇張，可以做到好濃密眼睫毛的效果，但又好易結塊，唔太適合我，可能自己唔識用掛😖