PorscheB好用推薦：官網既介紹 NARS Light Reflecting 原生光蜜粉餅推出全新2色，更能貼合不同色調。適合所有膚色。質地輕盈和輕易混合，這款標誌性配方將美妝定妝一整日，塑造出輕盈潤澤的妝效。粉末中的聚光複合物（Light Reflecting Complex）完美折射光線，有效柔化臉上細紋瑕疵。糅合Photochromatic Technology自動感光科技，妝容可自動調節適應不同光源，令膚色與光線完美融合，不論真人或上鏡、任何角度和光線下，都能綻放自然光采，無時無刻展現最佳狀態！ 網上睇setting powder 既介紹 一定會見過人地推介nars 呢盒 依盒已經係第二次hit 到底🫶🏻 真係十分好用 ，上妝效果好好 好滑， 妝感好靚 控油效果好滿意 雖然盒裡面有塊 薄薄既棉 比人補妝用 但試過幾次，都完全唔知點掌握先會用得好。 所以自己都係屋企 用掃上。 對於自己混合性皮膚黎講 一年四季都岩用，不用令到皮膚摱摱緊。

Kakar好用推薦：之前係用NARS既蜜粉，用哂之後轉左蜜粉餅，都好好用！！！見有好多人都講過原裝既粉撲好難控制，我自己係用掃/長毛d既粉撲攞粉，然後輕輕印上面，就好輕易上到粉。上完粉過左十幾分鐘之後，妝容係最自然。然後呢個牌子既蜜粉令妝容持久度十分高，一整天過後都唔覺得有脫妝。 最近呢盒粉餅用完，轉左另一隻粉之後，深深明白到呢盒粉既持久度有幾高，控油能力有幾好。依家用其他牌子既蜜粉，兩個鐘就開始脫妝，仲要額頭油到反光。 同埋呢隻粉係珠光色，唔會誇張，但令個妝更加靚。

Carmen好用推薦：好開心收到Cosme送出嘅試用裝❤️ 今次會試用Dior新出系列🥳🥳傲姿唇膏💄💄 一如以往Dior採用深藍色包裝，有種好高貴嘅感覺 今次收到2款不同訂制嘅唇膏， 包括係999號色嘅絲滑唇膏同埋720號色嘅啞緻唇膏💄 999號絲滑唇膏，產品同Dior所介紹嘅一模一樣。999號色屬於正中紅色，好顯色，超級順滑，完全唔會繃緊，亦都唔會黏笠。 皮膚偏黃嘅寶寶 用完之後立即會顯白❤️ 如果嘴唇偏乾，多唇部細紋，建議入手絲滑唇膏。佢會令你嘴唇保持滋潤同鎖水唔會咁容易出死皮。適合旅行同去party用。只需要帶一支唇膏就可以出街☺️ 720嘅啞緻唇膏，係屬於玫瑰豆沙色。比較適合秋冬嘅妝感，搽上咀會令個人即刻變得好溫柔，好適合拍拖同男朋友出街嗰陣用。會令到對方好想錫你😘😘 唇膏輕輕一搽就已經好顯色，雖然佢係matte 系列嘅唇膏，最重要係唔會令個咀顯得更加乾會保持到滋潤但又做到啞色嘅效果☺️☺️

auntiemuscle好用推薦：先多謝 @cosme 抽中左我試用 得到一支正貨裝同refill, 可以試到兩隻色 原來唇膏都有出refill,又為環保出一分力😀 Dior唇膏一直都冇機會試 因為覺得價格都貴 今次收到 772 Classic Matte 同refill 720 Icone Satin 兩隻都顯色度高 遮到原唇色 我冇用潤唇膏打底 一搽上咀質地都好柔滑 唔會kick住 啜着 同埋係好易搽 係跟著個唇型搽 唔會好易化開 唔會好難搽暈 好易控制 不過我都係鐘意用手/掃鬆返開個唇邊 自然啲 同埋一啲都唔乾！好貼咀 耐左都唔會繃緊好似有層野漿住個咀咁 亦都唔顯唇紋 同埋係都好持久 飲水唔係印走左  再講下分別兩隻色 一般matt色啞色唇膏都比較乾 但呢支一啲都唔乾 classic matt 就真係同名一樣classic 覺得係比教岩日常淡妝用既唇色 真係可能內眼線加睫毛 一用772就好夠精神有氣色 同埋佢個啞色係唔令身 又未去到啞色到乾果種 係粉粉地既深裸色 溫柔感重 同自己用開既nude色有啲唔同 另外720 satin icone 就絲滑妝效 水潤啲既質感同埋因為有啲光澤 係立體感重好多 個唇型立體

Fng好用推薦：ysl water stain我買咗612號色，佢質地偏厚， 係有少少帶橙色嘅鮮紅色，非常顯白， 同埋進食後就算甩咗面頭嗰層，個嘴都會有五成顏色喺度，但滋潤度就一般。

chasiutung好用推薦：Ysl持色水唇釉 質地偏水潤 不黏立 成膜後不掉色 不顯唇紋 顯色度高 剛上唇是偏淺粉色 會慢慢變深 味道怪怪的有點苦 606 色號 淺唇塗顏色偏粉嫰 深唇塗會紫粉 色

Akassoo好用推薦：見簡介話係素顏用完可以當偽素顏，對於平時懶化妝嘅我嚟講好似好啱用，不過用完發覺其實只係好似加咗層霧化 / 柔焦嘅感覺，但實際係零遮瑕同埋零防曬作用🧐 所以如果係嘅話可能化完妝用嚟當定妝更加有實際功用🧐🧐。 上完粉底之後用呢一個蜜粉嚟定妝，配合返佢嗰個粉撲，就會變咗霧面嘅粉底。

raissa好用推薦：已經用左大半年，無論係用黎定妝定作為素顏粉黎用都試過。好鐘意佢霧面嘅感覺，同埋擦完會白左一度，但又唔會好假。最美中不足係佢嘅香味，一開始聞覺得好香，但過左一排，就覺得唔想再聞，但擦上面係冇味，只係開蓋聞到，所以都可以接受

zetalhc好用推薦：性價比超高嘅睫毛液，纖細嘅擦牌可以令睫毛根根分明，又唔會起一粒粒嘅膠，非常好用。唯一就係比較難卸妝，就咁用卸妝洗面奶卸得唔乾淨，一定要用卸妝油。 

940727.0好用推薦：以極纖細三角睫毛刷，將睫毛自根部向上提起，營造纖長睫毛 1.無須擔心纏繞，三角刷頭刷長設計 三角刷頭設計，可使睫毛自根部起刷出較原本眼睛更為深邃的眼妝。 2.無須擔心下垂，維持纖長 可防止下垂，有效長效維持纖長。 3.無須擔心暈染，乾淨俐落 有效防止脫妝、暈染，可長效維持妝感。 使用方法 1.自睫毛根部起，順之字形，略為施力地來回塗抹。 2.輕輕細細地以刷具描繪前後之睫毛。 3.如描繪眼線，可打造更有神之眼妝。

Ka Wai Yip好用推薦：已經用緊第3枝(*≧ω≦) 夠水潤又唔會笠 令之後嘅化妝品更貼膚 唔脫妝 因為係乾肌(｡ì _ í｡) 除咗妝前外 仲可以加一泵喺粉底入面 令粉底更滋潤 帶出健康皮膚嘅光澤:) 用beauty blender印上面 真水光肌咁 所以真係會不斷回購♪(´ε｀ ) 而且敏感肌用完都冇事～ 如果想搵保濕嘅base呢個真係力推啊~ 呢枝base + 同系列嘅粉底真係絕配！ 下次會試吓佢個護膚油!☻ ☻ ☻

wingbks好用推薦：一直都想搵秋冬嘅化妝底霜，用完佢發現化妝底霜都可以好保濕嘅～ 佢係帶少少肉色，但偏亮白嘅顏色（佢唔係有閃份嗰種），所以抹上面後，令膚質有種透亮感。 此外，佢非常流質，瞬間就可以均勻塗抹全面，塗完有種提亮膚色嘅功能，如果唔想化full make up，用完佢，直接上碎粉都可以～ 保濕度非常高，乾燥到面紅紅用佢都掩蓋無痕，仲滋潤肌膚，十分適合秋冬使用打底。 不過控油度就一定冇咁好，春夏天可能要轉其他化妝底霜。

Lesleyy好用推薦：Bobbi Brown Intensive Skin Serum Cushion Foundation SPF 40 PA ++++ 色號：Porcelain 香港專門店售價：$475 如果有留意Bobbi Brown嘅都會聽過蟲草粉底 今次佢地出咗cushion版就即刻吸引到我 以養膚型粉底嚟講，價錢唔算太貴 蟲草粉底一向都係sell光澤感，cushion 版妝感再細緻啲，好透薄🥹 如果鍾意霧面粉底嘅朋友可能試吓配合控油碎粉，都可以做到霧面質感㗎！ 但鍾意Bobbi Brown 嘅水潤光澤感嘅我，就會用定妝噴霧，會有種令人覺得皮膚好好嘅錯覺🤪 講吓用後感先 粉底屬於中等遮瑕 可以build up 遮瑕度 我自己本身瑕疵唔算多，對我嚟講都幾夠 質感好水潤透薄，唔會有焗促嘅感覺 粉底好快就融入到皮膚上妝後： 粉底嘅滋潤度真係好好 比較容易卡粉同甩皮嘅位都控制得唔錯 唔會上極都上唔到粉 亦都唔會話大風少少就吹乾曬嘅皮膚 但滋潤型粉底嘅缺點就係控油力一般 我皮膚比較乾就好啲 上妝6個鐘左右先會有少少油光感 呢個時候上少少碎粉就可以補返個妝 出街補妝都好方便 產品壽命 今次為咗準確

Carmen好用推薦：平時我都好鍾意用Cushion化妝，夠快夠方便！ 每日返工邊有咁多時間慢慢化妝，用Cushion就岩晒😬😬 首先，Bobbi Brown呢個Cushion，外表包裝好靚，帶出街補妝一啲都唔失禮！ 佢嘅養膚成份對我呢啲每日都一定要化妝出街嘅人係非常之吸引。用上面係好保濕，除左鼻翼位置一定要做好打底，第一次用時，一上鼻位就乾乾地，其他位置冇問題。第二次用，做好鼻位置嘅保濕就冇問題啦。 遮瑕方面，我覺得都夠。手腕示範圖係薄薄上左2層嘅效果。最surprise 係就算戴口罩都唔太甩妝👍🏻👍🏻 好可惜嘅係，今次試用得到最最最白既色Porcelain。本身我都白皮膚，但呢隻色白得黎粉粉灰灰咁，唔岩色😥😥 整體黎講效果都唔錯，下次可能會回購，買返隻岩用嘅色🤭

羅小白好用推薦：呢個牌子防水防汗嘅效果從來都冇令我失望過，同埋用落都幾好，好上色，同埋好容易上手，不過佢嘅筆芯實在太幼，稍為用力都會壓斷咗支筆芯，亦都有可能係因為我唔識用啦，我畫一條眼線都可以壓斷兩次，反而同牌子另一個系列就冇呢個問題，建議可以將支筆芯整得硬啲，新手會容易啲上手。

SKY好用推薦：之前一直使用Kate的眼線膠筆，用了不下10支，逛Cosme看到kissme也有眼線膠筆，於是買來試試看，畢竟一直聽說kissme的眼部產品很好用。 然而，這支眼線膠筆令我十分失望。極其難畫！畫在手上沒問題，但上眼就不行了，一直不上色！在內眼線的位置來來回回畫了幾次才上得了色！而且第二張圖片可以看到，這款眼線膠筆不耐磨，下面是剛畫好的，上面是用手指磨擦幾次就掉光光了。 不會再回購了！ *本來是想給1星的，後來想了想，我也不能拿100分的來比較啊，畢竟它也不算雷，起碼一天下來也沒有暈，只是畫眼線的時候需要平時兩倍的時間而已⋯⋯就給個3星吧⋯⋯ *又給了它第二次機會，今天用它來化眼線，同一個位置的眼線來回5遍以上還上不了色，果斷換回Kate！換回1星吧⋯⋯

auntiemuscle好用推薦：大推excel呢盒眼影 呢盒cx05(推出之前一路私心想買cx04因為鐘意綠色）同埋之前做左color test我係岩autumn啞我就試下呢個tone晚眼影😀 雖然佢價格比其他開架高少少 但絕對性價比高 眼影粉好滑 唔飛粉 想透薄啲就用掃上 想實啲顯色啲就用掃疊/印上去 同埋好多日系都透明感重 響我呢啲「小麥肌？」就唔係好顯色同埋冇妝感 佢左上第一格都唔會顯腫（當然唔好搽到上眼窩） 反而覺得有啲元氣 鐘意佢右上同左下格閃 有啲偏光 chrome 啡色果格佢係啞色有少少光 做眼線我嫌佢唔夠色 但疊眼線上面做過度色就好靚岩岩好 個啡係少少偏藕色 同埋！keep到全日冇溶！

JessicaB好用推薦：🌈一盒四色（共6種顏色）即可塑造漸層質感，質地顯色亮澤，仲有保濕成份💦，眼妝貼服不乾燥，化妝新手都可輕鬆使用🙌🏻！系列所有顏色都換上新色及質感，隨住你嘅ootd任意配搭。 👧🏻Caca今次用咗「CX02 窩夫粉紅色」同「Cx05 暖橙啡色」帶出健康甜美嘅感覺。 🪄隨💗配搭最新6色： 💓Cx01 亞麻奶茶棕色 一 型格超脫米色及奶茶啡 💓CX02 窩夫粉紅色-甜美華麗粉紅帶啡色系 💓CX03 復吉淡紫色-精緻淡紫色調 💓Cx04 都會卡其綠色-柔和綠色調 💓Cx05 暖橙啡色-暖橙色調，展現健康妝容 💓CX06 波爾多葡萄色-明亮嘅波爾多色調

Kpl6be6好用推薦：標榜24小時都用得～果然用上後皮膚毫無負擔感～啱哂唔想全素顏但又懶得坐定定化妝嘅時候用～最近於飛機上乾燥嘅環境使用～保濕效果比預期中好卻又能有效吸附面上多餘油脂～唯一要注意嘅係～少量多次搽上面～否則有機會出現泛白狀況～

Ruby Wong好用推薦：🤍睇清楚個名：係素肌！素肌！素肌！重要事要講三次！因為佢真係唔可以同一般蜜粉相比較（期望值不一樣）遮瑕力係完全無既 🤍雖然冇遮瑕，但勝在方便，薄薄一層氣色好咗，面色柔和咗，而且我覺得佢控油效果係唔錯嘅，我塗完佢同系列嘅底霜，再搽呢隻蜜粉，經過一個香港夏天嘅下午，都算係清爽。 🤍真心，大家各自心目中的偽素顏係有d唔同既，如果要做到吹彈可破既肌膚，咁一定唔係呢款產品。但如果好似我咁，落樓下買啲嘢想遮下醜，拎返小小自信心，咁呢隻產品係足夠用的。 🤍另外佢外型可愛，而且價錢平，好適合中學生，由其是啱想化妝返學但係又要扮無化妝果種😛