特色妝容 推薦好用產品

cchristy好用推薦：Kate既眼線筆聽講好好用，今次試左陰影，都唔錯，盒入面連埋掃，不過個掃冇分開一格擺，所以每次都會掂到啲粉。陰影既色都幾岀，唔會太淺或深，對我黎講啱啱好。另外仲有一隻珠光款，不過我唔太中意閃所以就冇試。

bibubibu好用推薦：啡色陰影無閃粉 白色打亮部份有閃 妝效相當低調，用好多都好似冇用過咁 不過佢送嘅掃幾舒服 適合用做打陰影用途 整體唔算太推介 除非閣下嘅膚色比較白淨就可以一試

Lilyscl好用推薦：好啱冬天用嘅粉底，唔會卡粉，唔乾，而且唔易暗沉。但遮瑕力普通，唔太持久。

DorDor好用推薦：Estée Lauder 粉底液長效不脱妝，妝效自然有光澤，是會回購的粉底液。

jaye好用推薦：我呢支係淺啡色，支筆既包裝好靚，筆頭好尖細，較硬度適中，好順滑又易上色 ，可以畫到好精準幼細自然既眼線，顯色度夠高，而且好持久，防水防油都做得好好，性價比十分之高，準備買多支黑色用下！推介！！

YolandaAuYeung好用推薦：深炫霧感眼線液RL04 0.01mm極細筆尖可以自然刻劃出完美眼線，焦糖棕能自然放大眼睛之餘，又可帶出親切柔和的妝感眼線液內含美容精華，可以呵護眼部肌膚膚。防水防汗又快乾，任何天氣眼線也沒有暈開，而且還能維持整天，超讚！

Fng好用推薦：602號色， 橙色裸粉， 適合黃皮使用，夠顯白， 掃毛柔軟，唔會吉面，細細盒方便攜帶去旅行。

Verna好用推薦：這美顏胭脂的粉質很幼細，很貼服自然，它總共有5個顏色，而我這款的色號是270玫瑰紅，顏色很自然，一抹，氣色立即變好了，就算我疊加了幾層，顏色仍然很自然，沒有粉感，反而有種自身透出來的紅潤感 它細細盒，價錢又親民，cp值很高呢👍

Noel好用推薦：隨著年齡增加，現在少了以前任性地購買唇膏的幹勁🤔 遇上喜歡的顏色／特別版的 case，都會想多想，才決定。所以這枝 mini Dior 傲姿持色啞緻唇膏，絕對乎合我的 must buy 條件👍 最近更喜歡收迷你裝 deluxe size 唇膏： 1️⃣ 小小一枝，小廢包可塞得入 2️⃣ 以往入手的 4g貨裝唇膏，根本用不完，太浪費... 手上這枝是購自美國 Sephora 迷你套裝，Dior 傲姿唇膏#846 Concorde 蕃茄橙紅色。雖然顏色很冬天＋很韓風，但是輕力塗或者塗後用手指推開，會得到很精神的橘紅色，春天用也不覺 too much❣ 唇膏質感很順滑，膏體沒有因為啞緻而很乾！顯色度良好，基本上一掃就上色，能得到 6～7成顯色度，堆疊兩層近乎飽和✔ 唇妝係 soft matte finish，上嘴幾 light，沒有乾燥或，唇紋略略有點，始終係啞緻唇膏，可接受👌 Transfer 囗罩和飲水沾杯問題不大，也是可接受範圍，完成唇妝後用紙巾壓壓，就能解決❗ Ps 會考慮購入香港限定色 #884 Celebre

chasiutung好用推薦：Dior 持色啞緻唇膏 我買的是色號100 裸粉色 顯色度高 塗上唇感覺有點乾 有點顯唇紋 不掉色 持久度高 不沾杯 氣味好香💕

jaye好用推薦：胭脂唇膏兩用，方便快捷，摸落係有少少油感，搽上面需一點一點甘拍，否則重手得滯先推開會連底妝都甩埋，兩隻顏色都好自然顯氣色，都有少少水潤感，不過搽落嘴唇就爭啲，好快就會乾，同埋顯色度係嘴唇上都麻麻。試過便可以了。

橘子貓好用推薦：Lip & Cheek Cream N #BR-9 顯色，半啞光妝效。用作胭脂會比當作唇膏好，上嘴有點兒乾，會顯唇紋。

royu3好用推薦：包裝基本上與 Kate 三色眉粉沒有大分別，均是黑色小巧的有鏡盒子，配有迷你雙頭刷，除用於眉毛外、它還可用於修容、鼻影。 一粉三用，又可隨身攜帶，非常方便。Visee 這款特別之處，在於它的用色，共5色。 除基本的啡色，還有偏紅、偏紫色調，能滿足不同的髮色需要。我買的是BR-2。A：勾勒眉形輪廓 B：填補眉毛空隙 C：用於眉頭、鼻影 左邊是鼻影掃、右邊是尖頭眉掃的使用效果。粉質很細緻，而且單擦也是有足夠的顯色度，能畫成較淡色、自然的眉。（☝🏻本來眉毛量少的人還是需要先用眉筆畫好眉的輪廓喔） 這對新手來說也是不易出錯的好選擇！手殘也OK👍🏻除Kate以外，又多一個CP值高的好選擇！ #大人感妝容

綺羅香好用推薦：感謝@cosme較早前送嘅 visee三色眉粉，色號係BR-1，色調偏黃啡，應該比較適合有染淺髮色，由於我並無染髮，要溝一溝Kate眉粉先畫得比較自然啲 Visee 眉粉容量大啲，所以盒都長身啲，雙頭眉掃都比Kate好揸手，刀鋒掃毛實淨，可以描銳利啲眉尾線條，另一邊掃柔軟啲，輕鬆暈染眉頭，如果kate 嗰盒用哂，會因為呢支眉掃考慮轉Visee

rac好用推薦：我選了偏粉紅色Yukon。會較白。塗上面有小小偏粉紅。因為我面色偏青。上面後會變得好氣色。質地：乳液但偏水。我用手上面 再快速推開 再用粉撲印。因為佢較易乾。所以上面後動作要快啲。否則會有一撻撻。 上面及遮瑕度：能遮到大約8乘的瑕疵。連毛孔也能填補。就像有一層薄薄的紗在面上。但不假也不是面具感。在這方面很驚喜。下圖一有小小瑕疵 下圖二是使用後完全遮晒持久度：早上7點上妝 到下午3點未見溶妝。口罩也未見粉漬。最近天氣潮濕 只在額頭上有微油。用紙巾印走便可。甚至乎不用補妝。 結總：驚喜 絕對會回購 唯一不好係樽口位好易流出 要小心打開

UglyMaa好用推薦：剛買的時候我用過幾次，每次朋友都說恭喜我找到了最適合自己的粉底液了。這款粉底液遮瑕力的確非常好，看上去皮膚好像變好似的。 我原本也以為從此以後我不用再搜尋其他粉底液了，可是這款粉底液的保質期應該不過兩年。我後期使用的時候覺得它越來越乾，特別是在冷氣地方皮膚出現很多乾紋和眼皮多了幾層。 可能它只適合春夏天使用，長期在冷氣地方絕對不能使用。我還在猶豫要不要回購。

Fng好用推薦：Addiction Skin reflect fresh concealer palette 四色遮瑕盤 # 001 比較啱皮膚偏白嘅人用🤍，左上係遮黑眼圈嘅 右上係highlight ，左下係提亮色， 右下可以用只遮啲小斑點/痘印，基本上一盒已經可以處理哂全部皮膚嘅瑕疵， 質地水潤，不會卡粉。

Hoilly好用推薦：係膏狀既4色遮瑕膏～容易推開，不會顯乾紋。最愛是左上角既三文魚色，用黎遮 千年黑眼圈 一流👍🏻👍🏻！下面2隻色 用嚟 遮暗瘡、暗瘡印，直接上係重點遮瑕嘅位置再用掃慢慢係周邊blend 開佢。最後，可用右上個格作打亮，令妝容更立體！✨

🌸好用推薦：我買嘅係306色，使用感很好，色澤自然顯白，而且快乾唔易甩。

940727.0好用推薦：Dior革新演繹其經典的指甲油：美妝甲油成為Dior首款注入花卉萃取兼具護甲功效的指甲油。極致亮澤的指甲油，締造持久高級訂製時尚甲色。 受大熱潮流及Dior品牌新作啟發，全新美妝甲油配方添加牡丹花及開心果萃取，配上色澤和諧的色素粒子，散發前所未見的高級訂製時尚格調。

mandy好用推薦：Addiction  The Foundation  SPF12 PA++ HK$280/ 30mL 質地接近乳霜狀粉底，延展性不錯，可輕易推開，但不是很水潤。 妝容透薄自然。 遮瑕度挺好，可以遮蓋泛紅及毛孔。 Tube的包裝，乾淨衞生。 可自然美白提亮。 不帶香味。 防曬保護不足，須叠擦至少SPF30PA++++的防曬。Addiction另有推出UV PROTECTOR FOUNDATION SPF 50＋ PA++++，結合高防曬及粉底，不用叠擦防曬。 中度持妝, 午後T字位開始出油及輕微肌妝, 最好配合控油妝前底霜一起使用。 含優質護膚成分，如保濕、美白及抗衰老成分，化妝同時養膚。 價位在專櫃品牌中算很便宜，性價比高。 含保濕成分: 矽靈, 橄欖油 及 狗牙薔薇果油 防曬成分: 桂皮酸鹽 及 二氧化鈦 美白/均勻膚色成分: 維他命C, 維生素C棕櫚酸酯 及 維他命E 去斑成分: 維他命C 及 維生素C棕櫚酸酯 抗衰老成分: 維他命C, 橄欖油, 狗牙薔薇果油, 維生素C棕櫚酸酯, 洋薔薇花萃取 及 維他命E 抗氧化成分: 維他命C, 橄欖油, 狗牙薔薇果油, 維生素C棕櫚酸酯

Noel好用推薦：個人對於這枝 Addiction The Foundation 很意外，想不到可以找我的膚色 perfect match❗或者，都係日本品牌更會造黃皮膚的底妝？😂 這個粉底液，推介比愛自然妝效，又需要快速上妝既朋友💖 The Foundation 質感像偏稠的乳液，流動性中等，推開容易。個人喜歡用氣墊粉撲上妝，有助堆疊產品👍 粉底液可以打造比較自然的妝容，拍一層的遮瑕力大約3成，多上一層可以得到5成左右，感覺已經係極限😂 產品添加了：百葉薔薇精華、玫瑰果油及橄欖萃取油，有效保濕，乾肌使用絕對ok❗持久度個人感到驚喜，雖然遮瑕力不高，但就非常持妝❣亦沒有氧化或爆油問題👍 粉底有一點點味道，不太好聞，不過很快散去~ 而防曬系數算係一個 miss，只有 SPF12 PA++，個人使用時會覺得唔夠安心😥 粉底液膠管裝，使用時支出產品就可以了。這個包裝，好處係，萬一支多了，可以嘗試吸翻入去😂 不方便的地方，就係快要用完時，要剪開膠管，比較難處理！ 滋潤 🌟🌟🌟🌟🌟 遮瑕 🌟🌟 光澤 🌟🌟🌟 防曬 🌟🌟 毛孔修飾 🌟🌟🌟🌟 持久 🌟🌟🌟🌟🌟🌟 價格 🌟🌟🌟🌟🌟

shadow影子好用推薦： 啫喱狀容易塗抺，伸延度高，也不容易掉妝，容易畫出非常顯色的眼線。

lingbb好用推薦：- 新手適合，用極都用唔完。 - 要畫幾次先可以填好條線 - 適合d怕畫錯既新手。 - 佢既唔好處係會跌咗係眼肚位置，所以需要補粉係眼線上面， - 佢既好處係，用極都用唔完，每次用既份量好少就畫完雙眼。 - 我個人鐘意一枝枝既眼線筆

Conw好用推薦：covermark粉底已用了十年，每逢需要一整天長時間帶妝，我一定會用covermark粉底。 質感： 霜狀，盒內是固體但觸碰會感到是非常濕潤的霜狀。 延展性很好，少量已可上全面 妝效： 啞光，薄塗一層會有微微光澤，厚塗會較啞緻但未到霧面 中到高遮瑕，可無限堆疊視乎所需遮瑕度 出油後會變奶油肌 4，5小時後會稍稍暗半度左右，剛好會補一補乾粉，問題不大 使用感受： 不建議用掃全面上這粉底，相比其他粉底covermark較［啜］會較難上得均勻。 我通常是用打濕的美妝蛋輕輕印在粉底上取粉，在面頰中印第一下，再以彈壓方式上半臉再取粉再上另外半臉，再取粉上額頭。 薄塗的話取3次粉已足夠，要增加個別地方遮瑕度才需重覆上第二層。兩層的話眼圈已遮掉8成，不需另上遮瑕膏。😍 上完粉用美妝蛋不停印壓全面30秒左右，粉底會［咬］實皮膚，碎粉定妝後，這粉底維持一整天都不是問題。 時間長遮瑕度會降低但不會起白芝麻或一撻撻，補妝亦不會結塊。 色号方面建議靠櫃試試，fr色系個人覺得太粉，選fn色系會較好，日系粉底來說色號不算白，健康膚色也能用。 最重要是不悶痘！❤長時間帶妝都okay 👍

Nicole好用推薦：第一次用粉底霜就比咗Covermark，同另一款粉餅silky fit一齊買嘅，都係對乾皮膚好友好嘅底妝產品(*^^*) 之前都上網睇過唔少資料，當時都已經好心動下，去專櫃試嘅時候就馬上愛上依個產品，即刻比錢買咗 色號揀咗FN20，比較自然嘅顏色，中中挺挺唔會好似其他日本牌子咁偏黃 雖然望落去係膏狀，但上到皮膚嘅時候就變到好似液體咁好好推，完全唔會出現一舊舊或者上得唔均勻嘅問題！ 用好少就已經足夠上曬成塊面💕 我估一盒用大半年都唔係問題 依款產品本來就比較高遮瑕度，所以本身薄薄地上一層已經可以做到好優秀嘅修飾效果，我臉上面嘅毛瑕丶雀斑什至泛紅嘅地方都已經遮曬，我會係均勻膚色之後再用少少嚟做返重點遮瑕，真係未見過自己皮膚咁好，手機啲美顏相機app全部都Del得😭 上完之後會有少少妝感，但用量控制就好就唔會好厚重或者好似帶咗面具咁（好好好少咁上XD），都幾自然輕薄❤️❤️ 保濕力唔差，就算皮膚乾都值得一試，夏天掃多層碎粉就唔洗怕出油問題 至於敏感皮膚，我用完之後都未見泛紅、痕或者起粒粒 目前比較可惜嘅係比較貴，Refill就5XX，連盒買就$735 但搵到一款啱用嘅粉底，貴少少

olitong好用推薦：色號：451 natural coral 因為戴口罩而買的lip tint，搽完搵紙巾印走多餘的，然後便不會甩在口罩上了。 顏色挺持久的，剛搽上去很好看，印走之後會淺色一點，時間久了或乾透後會比剛搽時深色 （💡因此若要襯衣服的話要一塗便印乾，不然就不是珊瑚色了💓） 如果想要顏色深一點，搽完的時候可以在嘴唇上停留耐一點才再用紙巾印走，但我個人喜歡淺色一點。 ✅持久 ✅戴口罩適用 ✅顏色好看精神 ❌有點乾 ❌嘴唇乾的話要搽潤唇膏打底

Noel好用推薦：Dior 的唇部產品，無論包裝及質感，都是美美的❣這枝絕美的 Dior染唇液更加係新包裝，做了超好看的 Oblique 老花經典 logo，手刀買下了色號 #541❗ 染唇液帶點果汁味，不難聞。海綿棒沒有小尖頭，所以塗抹上有少許不方便，唇尾想 sheer out，就要用用手指幫忙了。顯色度良好，塗到上唇後，可以用手指幫忙掃到下唇，顏色飽和度高👍持久度極佳，滋潤感一般，但染唇類產品都沒有多大滋潤效果，至少沒有甩皮及乾燥👌 OK！ 留意，染唇液塗到唇上，不會全乾，約乾70％，建議先用紙巾壓一壓，吸走多餘的染唇液。之後就算帶囗罩，都不太沾😆 很推這枝超靚 Dior lip tint，附上圖三 before after 及 圖四全妝，過鏡後唇妝依然鮮明❣ #BA照 #BeforeAfter

nicolebuzz好用推薦：價錢不貴，但上唇顏色一般，如果當普通唇膏用還好。但如果係潤唇膏就不會再買，買返一般潤唇膏就好。

格仔餅公主好用推薦：滋潤度好夠，但係顏色唔好期望佢會好似有色唇膏咁樣好顯，主打清淡路線，簡單黎講，滋潤加埋少少提升返嘴仔氣息

Giselle 好用推薦：Canmake 花漾瑰麗胭脂（雙質地版）B01色 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款胭脂主打有兩種質地( •∀︎•` )分別係由2款珠光色同3款霧面色組成(๑´▿︎｀๑)♫︎*.;′°♪︎✧︎可以根據妝容去做返更好嘅配搭效果(´∀︎`,,人)♥︎*.今次入手嘅係比較貼近自然膚色嘅B01 色⸜(๑⃙⃘'ᵕ'๑⃙⃘)⸝⋆︎*對比另一隻B02色嘅偏粉紅色，呢款會比較偏橘( ˘͈ ᵕ ˘͈ )對我呢啲偏黃肌嘅人士友好₍ᐢ⸝⸝› ̫ ‹⸝⸝ᐢ₎ ❤︎ ︎ ❤︎ 同之前嘅canmake單質地胭脂粉全部都會帶有微微珠光好唔同( ⸝⸝•｡•⸝⸝ )呢款所有霧面顏色就真係完全無閃粉成份係入面，而2款珠光顏色都會比單質地canmake 胭脂粉都會更閃(✿︎´ ꒳ ` )♡︎2款珠光色混合一起用會呈現偏白色但會有少少橘色嘅閃粉(๑•∨︎•๑)輕輕一hi就已經閃粉顏色已經好sharp "(⌯︎¤̴̶̷̀ω¤̴̶̷́)✧︎推開咗之後就會變返做同單質地一樣細微嘅珠光閃片效果( ๑´•ω•)۶就算同埋另外3種霧面色混合使用，佢嘅閃片效果都係非常出眾ヾ

choichoi好用推薦：這盒色號「No.05 Matt Pumpkin 南瓜橙啡」 的調色非常適合秋冬，或是天氣較寒冷的時間使用，有種溫暖的感覺，而且很配合得到秋冬較濃艷的眼妝或是妝容！小小一盒攜帶方便、隨時補塗也沒有大問題，不過個人感覺持久度行超卓，特別是秋冬不太出汗的狀況，基本上是不用補塗的狀態啊；雖然價格偏平實但不顯！瑕！疵，這點也是我推爆的原因呢，真的相當驚艷，它還有其他配色相對較甜美的，有興趣不妨試一下 #秋冬愛用美妝

Tongtong Ho好用推薦：// 柔光透明蜜粉 仲係24小時持妝tim 粉質細滑 皮膚0負擔 0妝感 0卡粉 0浮粉 做到保濕同時控油嘅效果 輕鬆打造零粉感啞緻效果 出job都好中意用 絶對係化妝師大推之選！！！！ 上完蜜粉 過幾個鐘面部小小出油 更能妝蜜粉融合肌膚 塑造緞面陶瓷肌效果 非常自然貼服 用化妝掃以按壓方式上碎粉 更易set實個底妝架～ 柔焦效果亦可以輕輕幫你blur 走毛孔tim 已經空瓶左2盒🤭🤭絕對係私心推介😆

rleungyt好用推薦：粉質幼細，帶金色閃粉。個人覺得以定粉蜜粉來說太閃，我會用作highlighter 😅可能做表演者/出席event、要bling bling場合比較可以用作face powder/body powder

mavis好用推薦：顯色度非常高，搽一層已經好足夠，滋潤度都好足夠，唔會令到個嘴好乾，冬天都啱用

iliya 好用推薦：真我水潤唇膏非常水潤一啲都唔乾，保濕力十足，而且顏色都比較百搭，配搭唔同妝容都得，特別係日系妝容！

KDing好用推薦：呢款cc cream搽上面既面具感重D 同埋滋潤度唔高 用前要保濕一下打底

natanatalie好用推薦：非常適合學生肌膚，質地容易推開，比較水潤，有輕微遮瑕度，但用得耐都會焗到出粒粒。

Jcxjessie好用推薦：呢個牌子嘅睫毛膏打底同埋睫毛膏都係我暫時覺得幾好用嘅一set! 我隻眼會出油，所以有時用唔同牌子嘅睫毛膏都會甩咗落眼底，不過呢個牌子就冇出現呢個問題 同埋佢嘅刷頭係幼細嘅，睫毛膏打底嗰個就係好似梳咁，查完出嚟根根分明👁️👁️ 而睫毛膏嗰個係細刷頭，可以連眼尾嗰啲細細嘅毛仔都搽得到

LenaC好用推薦：平時用mascara 最驚有熊貓眼 我用過幾款mascara 始終都有少少熊貓眼 或者甩一兩條fibre mascara 可能因為我塊面比較易出油啦 但呢隻mascara 就keep得幾好 由晏晝到放工返到屋企都無印落去 質地方面 呢款mascara 望落雖然有啲糊狀杰杰哋咁 但塗上去出奇地貼服 眼睫毛根根分明 唔會幾條眼睫毛痴埋一齊咁 個刷其實就無咩特別 同其他mascara既掃差唔多 如果有機會 可能會試吓佢既mascara base 個掃刷好似把梳咁 不過作為一枝mascara嚟講佢都唔錯既 推薦 :)