海外美妝 推薦好用產品

chasiutung好用推薦：Ysl持色亮澤水唇釉 色號207 質地偏水狀 不黏立 成膜後不掉色 乾左會有點顯唇紋 顯色度高透薄玻璃唇妝效 剛上唇是偏淺橙色 會慢慢變深 味道怪怪的有點苦

Kaying Yeung好用推薦：YSL610 黃皮顯氣色❤️色彩測試Spring light適用！ 亮面水光唇嘅質感 優點：顏色對於黃一白嘅我真係好適合，唔會話特別濃或者好唔自然嘅南瓜色 而且色tone顯白 缺點：食嘢唔小心掂到都係會好容易甩 我另外都有大熱嘅612色 但係覺得冇咁適合黃皮

lingbb好用推薦：lancome名氣好高嘅睫毛膏，有Lancome花點綴顯得高貴，而且透明樽身令花朵更有立體感。 扭開帶有五邊掃型刷頭幫助睫毛掃得均勻，而且係曲線棒方便使用。上睫毛液時好輕易沾上睫毛而且好墨黑，掃頭雖大但我係使用上唔會好易hi到眼周位置。如果本身油眼就最好用碎粉為睫毛同眼底定妝。 但我用咗幾次發現用係上眼睫毛一段時間後，會出現下垂冇左曲線，反而下眼睫毛做得出色，每一根都好輕易沾到睫毛液，因我平時用好多睫毛膏用係下睫毛搽完冇乜存在感，所以我推薦俾搵緊下眼睫毛液嘅朋友。

Over.here好用推薦：作為一個唔用睫毛夾既懶人，平日掃兩掃都有自然濃密既效果。防水，唔係用暖水抹得甩。呢個mascara沒有特別多人推介，但對我來說係回購最多既一款。喜歡！

Hamiii好用推薦：見個盒幾靚入手 金色同紅色諗左好耐.. 最後入手金色🙃 呢4隻色既組合係幾靚既 屬於橙金色 絕對唔係橙啡😂 非常建議額外➕隻米白眼影打底先上隻橙色 因為佢實在 好 顯 色！ 一個唔覺意抓粉多左好易會出事 但整體黎講係幾靚 幾滿意既 唔太飛粉 顯色 價錢又唔貴 可以入手玩下：）

Cosmeemee好用推薦：初頭係俾佢包裝吸引到所以買 主要係我好鍾意食呢款朱古力😂 用落覺得顏色好百搭🤣 除咗閃粉之外，其他顏色都唔容易飛粉🙌 但閃粉嗰一格就要輕手啲使用🤫

Jane好用推薦：六色足夠撘配完成一個眼妝，最深色延展性好強，其餘五色顏色偏自然。內配既掃唔太好用。

Rin好用推薦：當初是被美妝YouTuber介紹下對這個牌子產生好感的 台灣製造CP值算不錯，六色也才100左右 此盤大地色系實用色，亦顯色 但是相對來說粉質算細但會飛粉，特別是閃粉色 我已經用手指印，不到一個鐘眼下就有閃粉 所以記得要壓粉 帶出去旅行還是很方便的 另外他送的掃沒有用，我建議他多放一格粉在那邊更好🤣 而且我沒有買很久但有一個色不知道為什麼已經有點潮（？

Circlecyy20好用推薦：遮瑕度高 但質地較厚同埋流動性唔高 唔太適合用係眼底 會好易起乾紋

格仔餅公主好用推薦：遮瑕黎講屬於濕潤度高唔洗打底都唔太洗擔心會kick粉眼底勁醜怪，兩隻色但好實用岩哂遮眼圈同痘印或者色素印

Verna好用推薦：我看youtuber介紹這品牌的唇膏，真的有點心動，想買來試試 我在個人護理店閒逛時看到這支唇膏，它的金屬外殼真的很有質感，我選了色號#05 roasted brick，是經典的秋冬色，顏色很美。它的質感很順滑，而且很顯色，還原度高，最重要是塗上咀後不太乾，所以它是我這個冬天的大愛❤️ #火熱新品

choichoi好用推薦：潤一層已相當顯色，膏體也相當柔滑，持久度高不易脫落，令我印象不錯的一個台灣品牌

LorraineTsung好用推薦：呢款就算最白色 色顯都好暗！ 而且帶妝耐左仲會暗一個色號 但其實妝感好靚 持久度都好好 除左暗各方面都可以

Haidy好用推薦：人生只空瓶過兩個牌子的 粉底液 mac和guerlain!!! 我混合偏乾 四季用這個粉底液都可以！ 妝感超級讚😍很貴婦感的粉底液 夏天要注意定妝 待妝一整天會變奶油肌🥰 如容易出油的一定要帶補妝出街 鼻子的位置較容易脫妝 不過妝感真的很美很美！✨✨

Desse好用推薦： 【歲末】有咁多party.. 點可能少得一支靚靚嘅lip blam❤️ #112 號色嘅小銀條💡 想當年要配貨先入到手..🙂‍↕️ 而家易買咗好多🌟 YSL嘅唇膏不論顯色度同滋潤度都做得好出色💡 #112 蜜桃奶茶 屬自然柔粉色調🧏🏻‍♀️ 適合淡妝使用🌟 即使素顏.. 搽少少都可以提升成個人嘅氣息💡 滋潤度大約做到4個鐘.. 食飯嘅時候補一補就ok.. 完全遮蓋唇紋🥰 相入面係薄塗一層嘅色調.. 顯色足夠.. 好靚嫁💋

Lumi Kwan好用推薦：一睇就知我係fans. 兩大唇膏品牌YSL 同Dior都係我大推，但如果講大愛大愛，一定係YSL。我都未影晒，但目標係想話俾大家知質感。 第一支係我好常用嘅啞緻唇膏，睇我連number 都冇左就知我成日帶出街。佢好好用，好易查，啞色但好滑，又唔易甩。 我個人係中意唇釉，漆亮系列水凝膠質地為雙唇帶來清爽，唔同平價品牌，佢係好long lasting，又唔會好閃令令，太糖果感覺有時會好油膩，佢就剛剛好，帶點小性感。而金蓋系列就係啞色，佢更long lasting又唔乾，好嘅lip tint唔乾真係好緊要！ 至於唇膏，圖中小銀管有粒銀星星，所以啲閃粉一查就會出晒黎。 對比之下，絕色唇膏較實色，顯色度係最高。亮彩唇膏就自然d，但都有啲色系有閃粉，可按個人選擇。 我再加一張”落妝一次圖”，就知邊款最long lasting .

royu3好用推薦：趁Black Friday 入手了一枝水漾潤澤系列唇膏。 先講外觀，使用了亮面外殼，值得一提的是唇膏芯刻上了M.A.C的logo，非常亮眼！質感水潤不卡皮，不用潤唇膏打底也OK👍🏻但遮蓋力及持久度相對較低。我購入的是色號508 hug me，是很日常很溫柔的裸色調。這個色號較適合唇色淺的人，唇色深的話需要先遮瑕。 總體而言我是很喜歡這個系列，秋冬用也不怕顯唇紋，而且M.A.C 的土色調做得很出色，令唇膏加分不少！有意購入此系列其他色號呢！

AC好用推薦：第一次買Mac 潤唇膏就係SOGO thankful week 買, 價錢平顏色又多選擇。潤唇膏潤得來又唔笠, 質地唔會太腍，而且都顏色都幾持久。性價比高。

Nicnic好用推薦：近期冇腦快速上妝精選，偏暖嘅啡橙色應該好多人都啱用～ 色號004 Timeless Gold 顏色（消腫，污糟）：佢係偏橙嘅大地色，絕對係唔洗用腦之選！個啡色調色啱啱好，可以消腫，一啲都唔污糟～💕 🧡淺膚色：我會大範圍喺眼皮打底，佢帶有少少同細粒嘅閃閃，提亮到個眼皮。如果有時想淡妝好清透嘅妝容，我會淨係上呢隻色。用咗一個月多啲，呢隻色已經凹凹地。🥹 🧡橙啡色：呢個色好靚，明顯又唔誇張，黃昏時間嘅天空就係喺我嘅眼上🥹 🧡深啡色：因為我單偏小內雙，我鍾意用呢隻色做眼線位，畫完眼線再按top加多少少smudge 開，消腫一流 🧡閃金色：我日常比較少用，佢係冇底色嘅，係比較大粒鬆散啲嘅金色閃粉。 質地：好smooth,，好滑，一啲粉感都冇。同掃拎都唔飛粉~👍🏻 持久度：日常使用冇問題，到夜晚唔會唔見咗 妝感貼膚，啲粉唔會好乾，唔會令到眼紋好明顯 閃粉：四隻色都有閃粉，深啡色嘅閃粉比橙色同膚色嘅大粒少少 暈染：容易blend 開，冇用eye primer 都唔會結塊～👍🏻 飛粉：唔飛粉的🤣🤣 喜愛度：4.5/5

綺羅香好用推薦：感謝@cosme送 addiction 眼影盤😍，好早之前已經收到，因為顏色偏秋冬，所以一直未有機會用，依家拎出嚟用正好 呢盤眼影嚴格嚟講唔係屬於晴藝眼影組合，而係癮炫訂製入面嘅006號First Romance，外盒係會反光漆黑鋼琴面，幾易留指紋，要經常抹，四格眼影排位同其他有少少分別，啡色霧面色放咗係右上角，左上角就係好靚金橙閃片，下面分別係帶紫調嘅磚紅緞光同帶暗閃嘅紫啡色，眼影質地好順滑，顯色度好高，正好適合配合化一個聖誕party妝，既浪漫，又嫵媚

chasiutung好用推薦：Etude house 水蜜桃10色眼影盤 粉質一般不夠幼滑 塗上眼不容易推開 顏色會一撻撻咁 配色沒層次感 上眼隻隻色都差唔多 會顯眼腫 不推介黃皮膚色吾夠白人士使用 上眼會顯螢光橙色 不好看而且不持久

Hazel好用推薦：尼盒眼影盤雖然出咗好耐已經唔係咩新嘢，但係勝在顏色夠多變百搭，由粉嫩嘅妝容到閃粉到深秋嘅酒紅同啡tone都有齊，秋冬天都用到，粉質幼細好易blend開，顯色度適中，真心好抵玩！ #我的秋冬愛用彩妝

Tongtong Ho好用推薦：// 柔光透明蜜粉 仲係24小時持妝tim 粉質細滑 皮膚0負擔 0妝感 0卡粉 0浮粉 做到保濕同時控油嘅效果 輕鬆打造零粉感啞緻效果 出job都好中意用 絶對係化妝師大推之選！！！！ 上完蜜粉 過幾個鐘面部小小出油 更能妝蜜粉融合肌膚 塑造緞面陶瓷肌效果 非常自然貼服 用化妝掃以按壓方式上碎粉 更易set實個底妝架～ 柔焦效果亦可以輕輕幫你blur 走毛孔tim 已經空瓶左2盒🤭🤭絕對係私心推介😆

rleungyt好用推薦：粉質幼細，帶金色閃粉。個人覺得以定粉蜜粉來說太閃，我會用作highlighter 😅可能做表演者/出席event、要bling bling場合比較可以用作face powder/body powder

LenaC好用推薦：Visee 呢款肌底乳深得我心 在肌膚一抹 由白轉變粉紅色 皮膚瞬間充滿自然紅潤感 輕鬆打造透明感美肌 潤澤度：🌈🌈🌈🌈🌈 （添加 91%美容液成分 上粧同時滋潤肌膚） 延展度： 🌈🌈🌈🌈 （輕抹可塗勻全面） 透明感：🌈🌈🌈🌈🌈 （瞬間提亮肌膚 打造瑩亮美肌） 遮瑕度：🌈🌈🌈🌈🌈 （ 有效修飾毛孔） 持久度：🌈🌈🌈🌈🌈 (能夠吸附多餘油脂 維持長時間不易泛油光） 防曬度：🌈🌈🌈 （SPF30 保護肌膚不受紫外線傷害 冬天夠晒數） 重點：無添加香料 敏感肌適用❤️❤️ #派對完美底妝 #火熱新品

Verna好用推薦：這款妝前乳是白色的，很容易推開，推開後感覺都幾清爽，完全沒有黏笠感 戴了口罩後，我已經很少用粉底，但我仍然會用有修飾功效的primer打底。這款妝前乳搽上面後，皮膚明顯變得有光澤，而且有點紅潤感，毛孔也變得不明顯，所以我通常搽完它，再薄薄上一層碎粉，就出門口了 而且它有SPF30 PA++，如果不是有戶外活動，只是平日返工行街的話，我有時也會貪方便，只是搽它而不另外搽防曬乳 #火熱新品

🌸好用推薦：#火熱新品 我一直以來都係YSL嘅粉絲嚟，得知佢哋推出咗新嘅遮瑕膏之後，就迫不及待買來試啦❤️ 我喺專櫃購買嘅時候，佢仲贈送咗一張試色卡畀我，可以體驗吓唔同嘅顏色。我買嘅顏色係LC2 我本身都係偏乾嘅皮膚，成日都好驚啲遮瑕膏會乾巴巴，搽咗之後會起裂紋。呢隻遮瑕膏嘅質地水潤貼服，質感透薄自然，而且遮瑕度相當驚人！我用咗我自己粒癦嚟試畀大家睇。呢個係使用前：呢個係使用後：粒癦係完全遮蓋咗🤣睇落相當之自然。專櫃嘅職員仲教我深色啲嘅遮瑕膏可以當shading咁樣使用，竟然可以一物二用，正！ 佢完全唔乾，非常透薄，妝感接近零，一年四季任何場合都適用。

Ressie14好用推薦：#火熱新品 當我在尋求遮瑕液產品時, 剛好碰上了YSL Beauté 在香港上市「恆時輕透霧光全效遮瑕液」。 本身想試LM牌 很火的遮瑕液, 但身為YSL fans既我都係要俾機會YSL先。 買左兩支，一支LC5 (黑眼圈用），一支LW7（面部瑕疵用）， $370一支。 呢支新恆時輕透霧光全效遮瑕液, 遮蓋黑眼圈效果我好滿意;上妝6小時後輕微積線在所難免 ; 但勝在水潤度高, 好貼服。 至於遮蓋肌膚瑕疵方面 就表現一般; 例如我腮位有一處深色but平滑既暇疪, 10小時後係會甩左啲（8am化完，6pm觀察）。 一支遮瑕液可以高達15ml容量, 而且包裝酷酷的, 櫃姐推介可以作當埋出街溶妝時補妝用途。 往後呢幾個月就日日用佢啦。

Noel好用推薦：Guerlain 小燈泡粉底，一試難忘的底妝產品，輕易打造靚靚奶油肌，個人感覺完勝同一品牌的 24k 小金條粉底液❣產品含有 97%天然成份及 SPF20~ 我在 02W 和 02N 之間想了好耐，最後入手 02N🤗 粉底液質地很 creamy，手指觸感密著，流動性較低。要提一提，粉底的味道有少少難聞，但上妝後會消散👌上妝工具而言，我比較喜歡用 氣墊粉撲 / 美妝蛋 去apply，氣墊粉撲有效堆疊出遮瑕度，而美妝蛋就能使底妝更清透❗ 上完妝的一刻，會覺得妝感自然，就像自已的皮膚一樣；過了5分鐘左右，可以發現光澤感慢慢透出，很美很自然。小燈泡的遮瑕力不錯，可堆疊到約有7成，暗瘡印和斑點等等，都要加一點遮瑕膏👌 持妝力也出色，化妝大半天，都沒有脫妝問題，晚上觀察，就只出了一點油，妝感仍在，感覺很驚喜💕 遮瑕 🌟🌟🌟🌟 滋潤 🌟🌟🌟🌟🌟🌟 光澤 🌟🌟🌟🌟🌟🌟 毛孔修飾 🌟🌟🌟🌟🌟 持久 🌟🌟🌟🌟🌟🌟 價格 🌟🌟🌟

natanatalie好用推薦：非常滋潤，但個人覺得滋潤度太高，唔太適合油肌，好易溶，不過乾肌應該大愛

shadow影子好用推薦：去韓國旅行嗰陣時買嘅，鍾意佢顯色度很高，可以打造雅致嘅唇色，輕鬆打造性格妝容，超適合秋冬天使用。詢問度很高喔。

yykk88好用推薦：#夏季戀愛感妝容 雖然係戴住口罩，但同男朋友約會個陣唔少得會有去沙灘、去餐廳食野無戴口罩既情況出現，所以我夏季依然會用唇膏（同埋買左唔好浪費嘛haha!）～ 之前睇facebook廣告就睇中左Clio既唇膏顏色，於是就係佢到一買買左4支！自己中意查啲自然啲既coral色！查完之後個人望落都精神左！男朋友都忍唔住錫多幾啖，仲話呢個色睇落白啲同自然💕 我有咬嘴皮同搣嘴皮既壞習慣，所以個嘴成日好乾同有嘴唇紋～用左clio既唇膏可以幫我修飾返啲唇紋，睇落無咁乾～用左靚靚唇膏就忍左手唔搣唔咬嘴皮！推介大家試下clio既唇膏，價錢都好相宜 非常適合我呢啲小資女成日換色🥰先至一次過買4支！ 總括而言：| (• ◡•)| 質 地：♥︎♥︎♥︎♥︎♡︎ 價 格：♥︎♥︎♥︎♥︎♥︎ 保濕度：♥︎♥︎♥︎♥︎♡︎ 顯色度：♥︎♥︎♥︎♥︎♡︎ 持久度：♥︎♥︎♥︎♥︎♡︎ 推薦度：♥︎♥︎♥︎♥︎♡︎

WSY好用推薦：遮瑕度一般，上面不卡粉。但嚴重明顯的瑕疵還是需要多上一次，才能勉強遮住

KDing好用推薦：質地偏厚 遮下痘印都幾岩用 效果幾好但係遮暗沉地方就差咁D 要少量上

zetalhc好用推薦：性價比好高，十分推介俾學生！個人覺得呢支眉筆算容易控制，而家畫兩三下已經好顯色，最緊要係附送嘅刷頭好好用，可以令到眉型更加自然！

royu3好用推薦：已回購好幾次，慣用色號為炭啡色，適合自然深髮色。扁平的筆芯頭，方便勾畫出眉型，但新手可能會太粗較能控制。眉掃用來掃開眉頭的顏色，讓眉型更自然。持久度一般，搓揉幾下有輕微脫色的情況。雖然如此，綜合價錢和各功能，一枝包含眉筆與眉掃 ，仍是高CP值的平價之選👍🏻 要注意的是，要緊記放在乾爽地方，否則易因潮濕而結塊！

Ressie14好用推薦：絕色唇膏NM大熱色, 我覺得佢可以稱之為「裸色唇妝」先驅。顯色度高，好易用亦好啱我呢個年紀用。 櫃姐建議可以雙色齊用, NM做底色再上其他鮮艷唇色。 但我懶 ， 都係單色使用，已經好顯氣色；佢係我最近自選為「本命色」、閉眼用既唇膏，滋潤持色度滿意～ 日常LOOK效果就咁樣 (透明防曬+碎粉only)大家又覺得點?

Fng好用推薦：N8裸粉色， 很日常的色調，適合普通素顏搽，都唔突兀，亦唔顯唇紋，使用感覺良好。

Noel好用推薦：本身係 Guerlain 彩妝的 fans，加上 YouTuber Tati 的化妝示範，她用了這枝 makeup base 之後，明顯地看到 instant lift 的效果 OMG❗所以見到 Sephora 出了 luxe makeup kit 就衝著這枝 24k L'or 妝前，收了兩套😅 24k L'or 呈啫喱狀，流動性中高，帶有金泊，非常 luxury ♥ 並帶有淡淡香氣，塗到面上不久就散去。至於金泊，塗到面上就會不見了，現在也搞不懂到底係去了哪裡😅 塗到面上，感覺滋潤，同時還算清爽。塗完後，雖然沒有 Tati 的面部瞬間提升，但我能感覺到皮膚緊緻，飽滿感大增❣愛了❣感覺比抗老面霜更強大！而且它有效牢牢抓著粉底， hold到 10－12小時，沒有太多出油，表現理想💕 #我的秋冬愛用彩妝

winhaha好用推薦：首先包裝精美，見到金泊個人都開心哂😘 保濕，不黏稠，唔會卒岀擦膠碎！淡香味， 打底非常貼面，妝感一流！ Keep 到一日妝容，係鼻翼位會岀fd 油，可接受。最重要無令粉底氧化變黃。 呢支base 最好配番嬌蘭黑瓶粉底液使用，finishing 超靚😊