chasiutung好用推薦：D-up 超強力假眼睫毛膠水 我已經使用很多年了 非常好用 黏力極強而且防水防汗防油脂一整天假眼睫毛都黏得很牢固用卸妝水輕輕敷一陣就能輕鬆卸下 超細掃頭容易控制 它塗出來是藍色的 乾透是透明的不會有任何痕跡 而且很快乾 D-up 超強力假眼睫毛膠水使用的是醫療級黏劑不致敏也沒有令眼皮受到負擔 非常推薦俾愛黐假眼睫毛又成日會甩頭甩尾嘅朋友 價錢合理 性價比高👍👍

Kaying Yeung好用推薦：🌟回購無數次 超易上手嘅無敵膠水 呢隻膠水已經回購過無數次 · 超防水防汗：曾經使用過嘅特別場景：沙灘🏖️Camping⛺️野餐🥪船p🚢 而且我係有游水架！ . 易卸：用眼唇卸妝敷一陣輕鬆卸到 · 透明度高：膠水乾咗會變透明 但用太多會睇得出有少少透白咁 正常使用係隱形 · 快乾：等十幾秒就可以痴上眼 ·容易上手：由新手開始就係用呢隻膠水 都試過其他3-4隻 但係呢隻真係最正 亦都係容易上手嘅類型！

Fng好用推薦：較早前係官網買入 urban decay smokey 眼影盤，佢成個包裝好有質感，盒子雲石紋外表，成盤偏冷色調， 有三格係matte finish，其他都有珠光或閃粉，品質出名幼細，唔會飛粉，持久度十分高，有朝到晚都冇甩過妝， 如果喜歡淡妝，搽少少就已經夠， 因為佢顯色度非常之高。

Angie好用推薦：URBAN DECAY出嘅眼影真係好高真，無論係顏色配搭定粉質都100分❤️‍🔥 隨盒附送嘅眼影掃都好軟好好用

inkitsung好用推薦：之前買嘢送嘅sample仔，係要用化妝棉抹面嗰種乳液～ 質地明顯比較爽身，雖然都好快滲透，但用後塊面仲會覺得好乾～ 感覺比較適合混油嘅皮膚～

Kammy1209好用推薦：去counter本身只係想買健康水，但sale話有set，加上第一次接觸先乳後水的概念，於是腦波很弱的我便入手了🫣 這個滲透乳配合同牌的化妝綿使用會有一種莫名的療癒感，但效果來說個人用完一整枝後也感覺不太出來，所以用完之後暫時沒有回購，如果將來有優惠的話會再考慮回購 🌟總結: 用來提升生活中的儀式感🧡

chasiutung好用推薦：搽得多會結塊 一撻嘢咁 搽得少又吾顯色無乜效果 無臥蠶 嘅蓬蓬感 都無乜提亮效果 而且吾持久

Sccan好用推薦：Canmake化妝品一向親民又多新出品，近日都興打亮淚袋，依支淚袋眼影刷頭太粗，質地太硬，而且膏狀塗上眼會出現一坨，必須推開但又會推太開而不顯色。 色號：白色閃粉 質地：膏狀易散 效果：不顯色閃粉太少 容量：少

Kura好用推薦：呢款指甲油嘅顏色真係好少女，搽上手真係超顯白，非常靚，我通常會搽兩層，非常可愛 @cosme

chasiutung好用推薦：Canmake 指甲油嘅色好靚 基本上個樽見到嘅色同搽出黎嘅色係一樣嘅 味道吾會太刺鼻 刷頭軟硬度剛好 輕輕鬆鬆就能塗好 無刷痕都唔會塗得吾均勻好順滑 好快乾 塗兩層係半透效果 三四層就好實色 👍

mandy好用推薦：CHANEL LES 4 OMBRES BYZANCE #318 PARURE VÉNITIENNE $595 CHANEL的4色眼影盤粉質柔滑不飛粉，容易上妝。 4色眼影都可互相配搭到，非常實用，不存在癈色。 右下的眼影第一眼以為是白色，其實是很美的幻彩色， 可以用作眼影打底，具少許提亮效果。 左上的玫瑰粉色及右上的香檳金色均可以用作眼影主色， 可以按照喜好選其中一色作主色。 左下的啡色，可以用來描繪眼線，可有效放大雙眼。 CHANEL的4色眼影盤外盒設計簡約華麗而且貼心， 不佔空間，內附鏡子及眼影掃，方便隨時隨地上妝補妝。 顯色方面剛剛好，即使上多幾層眼影，也不會太鮮色或具濃 豔感。特別喜歡CHANEL的4色眼影盤配色，每個眼影色都很美很經典不過時，可以一個眼影盤走天下，在不同場合都可以派上用場。

Vlee好用推薦：色號 #268 顏色配搭非常適合黃種人皮膚 健康膚色使用唔會顯得污糟 雖然顯色度不算高，反而容錯率就高 非常適合新手使用，可以逐層疊加 啡紅色一格顏色唔會俗氣，易carry 偽素顏可以只使用啡色三格 夏天使用都冇溶妝，眼皮沒有出現摺痕 持久度算高 

KDing好用推薦：覺得呢款面膜用完之後，皮膚嘅光澤度係有提升到，除咗佢有基本嘅滋潤之外，佢各方面嘅效果都出色

angelchansn好用推薦：超級驚喜，敷15-20分鐘用完皮膚又白又嫩，效果keep到幾日。缺點係厚搽既cream狀mask，比較難洗，同埋價錢相對比較貴，個人覺得氣味無特別難聞

mandy好用推薦：UTENA PREMIUM PURESA 黃金啫喱面膜 (蜂皇漿精華) $65/ 3片 （原價） $38/ 3片 from HKTVmall 功效：保濕滋潤+抗衰老 如果大家用過黃金啫喱面膜系列，那也一定知道每片面膜都是精華液爆多的了。有時面膜並沒有黏著大部分的精華液，那就先放好面膜在面上，再將剩餘的精華液均勻塗在面膜上，這樣精華液就不會被浪費掉啦。喜歡爆多精華液的可以囤貨 黃金啫喱面膜系列，保濕滋潤度讓您絕對不會後悔。 黃金啫喱面膜 (蜂皇漿精華)的面膜紙跟我的面型 很接近，不會因為太細塊敷不到全面而失望。面膜挺貼面，敷面膜時可以玩手機，面膜也不會掉下來。 使用感是極致水潤保濕，很滋潤但又不會好笠好油膩，敷面時整個人都好放鬆心情。 使用後肌膚變得更水潤細緻飽滿，毛孔都隱藏不見了，我最介意的法令紋也變淡變不太明顯，這款面膜實在是乾燥肌及在意肌膚老化的靚靚們的急救面膜。大家最好常備至少1盒在家中，記得在特別的日子前夕好好用急救面膜護膚，可以讓您瞬間變美唷！ 含保濕成分: 雙丙甘醇, 甘油, 雙甘油, 麥芽糖醇, 聚乙二醇-6, 聚乙二醇-32, 海藻醣, 角鯊烷, 雙

Jan好用推薦：面膜紙薄身而且貼服 尺寸剪裁適合亞洲人五官 精華液是啫喱狀的 較為稠杰 分佈唔太均勻 感覺Ok滋潤唔刺激 面膜紙材質跟想像不一樣 以為係qq 的那種果凍面膜 整體體驗普通正常 …. 更正：發現選錯產品了 使用的是膠原蛋白款 刪除不了心得 有熱心網友或admin 可以指導下嗎🙈

Noel好用推薦：個人認為這個 cold cream 價格便宜，效果一般般。白色乳霜狀，帶中度流動性，無味。本來用作卸妝霜去用，彩妝清潔力一般，沒有太多乳化效果，eye makeup 只能卸下 30%左右，個人結論：只適合卸防曬。用作保濕的按摩霜使用，對大乾肌的我而言，潤澤效果亦不太出衆～

royu3好用推薦：見網上評價不錯，成分低刺激而且價錢又很友善，所以買來試試。 白色的乳霜質感，乳化程度不高，要過水兩至三次才能洗淨。 只用了兩星期，惡夢來了⋯ 乾肌且臉部很少長痘的我，整個臉頰都長滿痘⋯ 已棄掉，絕不回購🙅🏻‍♀️

Alicehui好用推薦：在屈臣氏買的揀錯了色號，揀了110號色，有啲太白了，因為之前買反孔特務藍色粉底液太乾，轉買了紫色這一款，在秋冬春用的確比較滋潤、易推開，但用一整天便會出現少少溶妝，要補多回些妝

Niki Ho好用推薦：雖然Maybelline FIT ME!水潤柔滑粉底液明示含有維他命C及E等成分,能帶來保濕和光澤效果,但使用結果並不盡如人意。 由於我的肌膚屬於乾性,需要較強的遮瑕力度和持久度。不過這款粉底的質地比較薄透,遮瑕力一般僅達中等程度。此外對我來說最致命的是,粉底經過幾小時後容易滲出油脂和甩粉,令全面的妝容變得暗沉不清新。 雖含有SPF等保護性成分,但整體保護力和維持力不如我要求。對於乾性肌膚而言隨時需要補粉維持妝容,使用起來並不實用。雖然價錢實惠,但對我個人來說效果一般,不建議長期使用。