唇妝風格 推薦好用產品

Fish Tse好用推薦：就黎又到聖誕啦！出去玩梗係要化返個靚妝影多d靚相去紀念下個節日啦！ 唇膏係唔少得既環節，揀岩唇膏可以令個氣息睇落去差好遠，想係聖誕受矚目，可以考慮哩款啞緻柔滑唇膏 唇膏既外殼係黑色配搭金色唇膏殼比人有種高貴既感覺令人愛不釋手 我買既係63號色ESSENTIELLE，哩款唇膏有荷荷巴油衍生物同埋乳木果製成柔滑配方好順柔睇落去雖然係咁啞緻桃紅色，但都有種濕潤盈滿既感覺 仲有一點佢既顯示度非常之高，搽一層已經充滿色彩，用既時候直接搽上唇上由中心向外塗抹就可以了

mandy好用推薦：Chanel ROUGE ALLURE VELVET LUMINOUS MATTE LIP COLOUR 啞緻柔滑唇膏 #58 rouge vie $380 啞緻柔滑唇膏一如其名完妝效果是Matte啞緻， 成分以保濕及抗衰老成分為主， 所以使用感並沒有一般啞緻型唇膏的乾燥， 而且持久度也很好，喝水後唇妝還在， 只是大吃大喝後需要補一下唇妝。 顯色方面是零色差，#58(為贈品)是較深的紅色， 顯皮膚白，比較顯成熟及適合在晚妝使用。 含保濕成分: 荷荷芭酯, 氫化蓖麻油, 乳木果, 醋酸鹽維他命E 及 矽靈 抗氧化成分: 乳木果, 醋酸鹽維他命E 及 維他命E 抗衰老成分: 乳木果, 醋酸鹽維他命E, 維他命E 及 棕櫚醯三肽-1 鎮靜消炎成分: 乳木果, 醋酸鹽維他命E 及 維他命E 油性滋潤成分: 乳木果 控油成分: 氧化鋁 及 矽石 美白成分: 維他命E

jhope0725好用推薦：呢枝真係#此生摯愛唇彩！ 呢支唇彩一如其名，質感好似棉花一樣輕薄，唔會抽乾嘴唇水份，唔顯唇紋，疫情之下戴住口罩，查咗佢都唔會覺得笠、而係形成咗一層薄膜喺嘴上面。好light，好舒服。 佢顯色度、飽和度都好高，輕輕一層，已經令到成個嘴好立體，影相會好精神。我用嘅顏色係14號，上嘴唔會太紅~ 佢持久度算中上，未至於可以全日都唔補妝，但係維持四、五小時都冇問題~ 相片中嘅我搽咗呢支唇膏，會見到飲筒上面都有紅色唇印，但係出乎意料地，唔影響成個唇妝嘅效果，食完飯輕輕印下個嘴已經ok，唔一定要補妝！而且佢嘅好處係落妝會好乾淨同方便，唔會好似其他tint咁食死左個嘴唇。 唯一美中不足嘅就係，呢支唇彩嘅掃我略嫌太大，未必可以準確勾畫嘴唇嘅輪廓，如果大家係屋企化妝，有多啲工具，可以配合棉花棒，紙巾等等，如果出街補妝，輕輕由嘴唇中間上色，再自然合上嘴唇抿開，就會natural d! 私心推介，希望大家都搵到啱自己嘅色號！ 

瑪拉好用推薦：持久唔掉～就算飲水食嘢整到都只會掉少少，我呢個係11號色，本人黃二白，暖皮膚搽上嘴係好靚嘅玫瑰色～

Milo101好用推薦：🌟 非常方便，很適合日常出外使用，已經用了好一段時間了 🌟質感不會太乾，蠻滋潤的 🌟買的是唇膏芯，可以隨意配在同品牌的唇膏殼裡使用

royu3好用推薦：不捨得用的Paul and Joe 唇膏，貓咪圖案的紙製唇膏筒配搭唇膏上的橙花壓紋，包裝佔了很多分數！色號312為偏暖色的紅，非常顯色，而且滋潤不乾燥，帶自然光澤。但持久度不高，會沾杯子，飽和度較高的顏色還好，但顏色淺的色號較快脫色。 若非為了它家的精緻包裝，其實還有其他更好選擇喔！

emily好用推薦：平時因為怕麻煩 多數都會買唔使望鏡都搽到嘅唇膏 好少買唇彩 dior呢支觀望咗好耐 終於買咗🩷 化妝師細心揀咗幾隻畀我睇 最後揀咗呢隻027 就咁睇會覺得佢比較紅 但係搽上口會有少少珊瑚色 一打開就聞到濃烈嘅雲呢拿味 鍾唔鍾意就好個人 我自己係ok嘅 唇掃細細地幾好用 上嘴我個人嚟講唔算好遮到本身嘅唇色 比較自然😗 涼涼哋幾舒服 有啲人話會好辣我就唔太覺 滋潤度足夠 持久度就一般 佢呢隻質地我諗大家都會抹咗先食嘢😂 大牌子嚟講唔算太貴 顏色選擇都夠多 攞出街都開心 整體都滿意

Emma W好用推薦：唇彩是我最種意、不斷買的唇彩之一。其具有很好的保濕效果，讓嘴唇感覺柔軟且水潤，適合乾燥季節使用。搽上嘴上涼涼的，聞到淡淡的甜香味，仲有少少薄荷味。另外，搽上去顏色飽滿且鮮豔，能夠輕易提升整體妝容的亮度，也減少唇紋的增生，及令唇紋不是太明顯。令人驚喜的是，其持妝力又唔錯。雖然不如唇膏持久，但若果脫色，又會好似唇部上左色咁，仲會有少少色殘留。 適合肌膚：任何，但G6PD 人士唔知有冇影響 成效度：5/5 保濕度：4/5 質地：Glossary 光澤度：5/5 持香度：3/5

YolandaAuYeung好用推薦：Excel化妝品一向靠譜，打底霜、粉底、乾粉、蜜粉、眼影、眼線筆通通用過了，每樣也十分岀色！第一次試用它的唇膏，果然沒有令我失望！ 唇膏質地幼滑貼服，塗上唇後沒有起皮，而且還帶岀水潤感，光澤感大增，令咀仔十分sexy，誘發岀一股知性美！ 圖中使用色系: GB07 #此生摯愛唇彩

橘子貓好用推薦：#GB06 紅棕色，熱賣斷貨色。唇膏光澤感強，挺滋潤。外型也跟一般開架不同，黑金金屬包裝更有質感。

Verna好用推薦：這品牌的唇膏很經典，我記得我讀書時，偷偷地拿媽媽的唇膏來搽，也是這個品牌🤭 這款麗采唇膏是品牌最經典和皇牌的產品之一，它的質地透薄，搽的時候好像搽奶油般順滑，搽完不會有黏住雙唇的感覺，而且很顯色，雙唇也很滋潤，就算忘記用潤唇膏打底也不會很乾 年末的時候，臨近聖誕節、冬至和元旦，特別多party、聚會和約食飯，當然要打扮得美美地見人，唇妝當然不可少 它的顏色選擇很多，有超過20個顏色，連質感也有4個選擇，包括柔潤、啞緻、珠光和亮澤，總可以選擇到合心水的唇膏。我買了#775 Super Red 和#225 Rosewine，#775 是經典正紅色，適合濃妝和比較正式的場合，而#225就有點像豆沙色，適合日常的自然妝容

Ming好用推薦：Revelon呢支唇膏顏色好自然，搽上口個人即刻精神咗，顏色都last得耐，持久，不過查完之後都係用紙巾印一印會好一點，然後再搽上透明唇蜜效果會更加好。卸妝都好方便好容易。評價中中等等。

Fng好用推薦：366#burnt rose，特別顯白，天鵝絨質地，用起來貼服顯色又持久，不顯唇紋。

susanchiu9好用推薦：我首先係買#Plum 嘅色號體驗唔錯，就再買多支#Cranberry 色號，容易上色，自然又唔乾的唇膏 #我的命定唇彩

LorraineTsung好用推薦：性價比好高嘅一支唇膏😍 色號雖然唔算好多選擇 但無論係顯色度 滋潤度 上嘴嘅感覺我都好鍾意🩷 . “星塵炸彈水光唇膏” 完全做到嗰種blingbling 玻璃唇😍 而且係超順滑！上咗亦都唔會乾👍🏻 遮蓋唇紋嘅效果亦都好好！ 但佢冇任何染唇效果，所以食嘢飲嘢都會甩 另外膏體比較軟 所以用嘅時候要小心啲唔好咁大力🧐 同埋有一陣軟膠糖嘅味道(我個人可以接受) 呢支唇膏真係極度推介👍🏻 . 八月頭喺門市買嗰陣係$198 最近見佢好似加咗價係$208 不過都好建議入手 但深唇既就建議入手深色少少既色號

Kura好用推薦：我用嘅色號係06，一搽上嘴就好有驚喜嘅顏色，真係超靚，非常潤，搽完令到膚色都非常顯白，呢款唇膏絕對值得包色 #火熱新品 #火熱新品 @cosme

Anna好用推薦：初時都唔係好信朋友的介紹，但誠意拳拳下，我還是買咗支黎試下，一試之下，真係覺得非常滿意，我買既係02色號，回購咗兩支，真心推薦俾各位朋友仔。

LenaC好用推薦：彩妝私心推介♥️ Kiss me 嘅呢款唇釉筆完美結合唇膏、唇掃功能 好鍾意佢柔軟扁平既掃頭 濃密得嚟柔軟 擠出嚟嘅量啱啱好 唔會太多而且個掃嘅設計手殘人士適用 輕易勾畫鮮明輪廓唇蜜質地好完美緊貼唇部肌膚 塗抹後令唇色更均勻亮麗 提高水感光澤 亦唔會好黏膩 持久度都ok 唔會易甩色呢款係我迄今用過最好嘅唇釉蜜

mandy好用推薦：NARS AFTERGLOW SENSUAL SHINE LIPSTICK AFTERGLOW悅光水凝唇膏 $280 悅光水凝唇膏完妝時是帶自然光澤的唇妝， 使用感滋潤舒適不乾燥，不用事先上潤唇膏也可以，上唇妝一整天也不會感到不舒服。 悅光水凝唇膏相當易於塗抹上妝，比較不顯唇紋，即使是新手初上唇妝同樣零難度。 悅光水凝唇膏特別增添了極多的高質養肌成分， 如:保濕、抗氧化、抗衰老及鎮靜消炎等成分， 具修護效能及令雙唇持久不乾燥。 AFTERGLOW悅光水凝唇膏的唇妝持久度還不錯，只是大吃大喝後就要記得補唇妝了。 價位合理又易入手，性價比方面在專櫃品牌的唇膏來說算不錯，而且悅光水凝唇膏不論使用感、成分或外觀都是無可挑剔。NARS的唇妝產品銷量一向不錯，若有喜歡的心水色號就請快快入手。 #888 DOLCE VITA 稍為具血色感的粉紅色，帶自然光澤，非常適合配搭不太誇張的閃爍眼妝。 顯色較淡，作為上班或約會妝容都可以，很有偽素顏的感覺。 #777 ORGASM 這是NARS 的皇牌色號，自然紅潤感帶珠光光澤的粉紅色。 如果大家喜歡較淡及自然的唇色，不妨嘗試此色號

popocarcar好用推薦：係一支好潤嘅唇膏。 就咁睇支唇膏好似好閃，但其實上到嘴就睇唔到閃粉，而且因為潤，所以顏色好透薄，效果有Lip gloss 嘅感覺但毫無黏膩感。 #火熱新品

Nicole 好用推薦：號是neutral rose，乾燥玫瑰色，粉調豆沙色，我覺得塗上令人感覺溫柔知性☺️ 上色飽滿、潤滑，而且質地非常滋潤，不顯唇紋，持久度也不錯；深唇淺唇也可以用，它能很好地覆蓋原唇色。 我認為不適合素顏，比較適合日常妝容使用更好，更能凸顯它的美。

Ceci好用推薦：最近愛用嘅一款唇膏就係Bobbi brown嘅霧面唇膏，顏色係boss pink，類似豆沙色、上嘴好靚好自然，唔需要化全妝，平時出街簡單搽一搽就即刻顯得精神左🤭雖然係霧面但唔會好乾，並且十分持久，食完野唔會甩哂👍🏻

Verna好用推薦：我看youtuber介紹這品牌的唇膏，真的有點心動，想買來試試 我在個人護理店閒逛時看到這支唇膏，它的金屬外殼真的很有質感，我選了色號#05 roasted brick，是經典的秋冬色，顏色很美。它的質感很順滑，而且很顯色，還原度高，最重要是塗上咀後不太乾，所以它是我這個冬天的大愛❤️ #火熱新品

choichoi好用推薦：潤一層已相當顯色，膏體也相當柔滑，持久度高不易脫落，令我印象不錯的一個台灣品牌

mavis好用推薦：顏色靚保濕度高 出嚟角色好自然唔會太深色 少少玻璃嘴嘅感覺，但係唔會黐頭髮

kiulam好用推薦：用緊04號色，上咗嘴之後顯色度雖然唔係太高，但有晶凝通透嘅效果！如果係乾唇嘅應該會幾鍾意，又潤又唔顯唇紋！

Desse好用推薦： 【歲末】有咁多party.. 點可能少得一支靚靚嘅lip blam❤️ #112 號色嘅小銀條💡 想當年要配貨先入到手..🙂‍↕️ 而家易買咗好多🌟 YSL嘅唇膏不論顯色度同滋潤度都做得好出色💡 #112 蜜桃奶茶 屬自然柔粉色調🧏🏻‍♀️ 適合淡妝使用🌟 即使素顏.. 搽少少都可以提升成個人嘅氣息💡 滋潤度大約做到4個鐘.. 食飯嘅時候補一補就ok.. 完全遮蓋唇紋🥰 相入面係薄塗一層嘅色調.. 顯色足夠.. 好靚嫁💋

Lumi Kwan好用推薦：一睇就知我係fans. 兩大唇膏品牌YSL 同Dior都係我大推，但如果講大愛大愛，一定係YSL。我都未影晒，但目標係想話俾大家知質感。 第一支係我好常用嘅啞緻唇膏，睇我連number 都冇左就知我成日帶出街。佢好好用，好易查，啞色但好滑，又唔易甩。 我個人係中意唇釉，漆亮系列水凝膠質地為雙唇帶來清爽，唔同平價品牌，佢係好long lasting，又唔會好閃令令，太糖果感覺有時會好油膩，佢就剛剛好，帶點小性感。而金蓋系列就係啞色，佢更long lasting又唔乾，好嘅lip tint唔乾真係好緊要！ 至於唇膏，圖中小銀管有粒銀星星，所以啲閃粉一查就會出晒黎。 對比之下，絕色唇膏較實色，顯色度係最高。亮彩唇膏就自然d，但都有啲色系有閃粉，可按個人選擇。 我再加一張”落妝一次圖”，就知邊款最long lasting .

mavis好用推薦：顯色度非常高，搽一層已經好足夠，滋潤度都好足夠，唔會令到個嘴好乾，冬天都啱用

iliya 好用推薦：真我水潤唇膏非常水潤一啲都唔乾，保濕力十足，而且顏色都比較百搭，配搭唔同妝容都得，特別係日系妝容！

shadow影子好用推薦：去韓國旅行嗰陣時買嘅，鍾意佢顯色度很高，可以打造雅致嘅唇色，輕鬆打造性格妝容，超適合秋冬天使用。詢問度很高喔。

yykk88好用推薦：#夏季戀愛感妝容 雖然係戴住口罩，但同男朋友約會個陣唔少得會有去沙灘、去餐廳食野無戴口罩既情況出現，所以我夏季依然會用唇膏（同埋買左唔好浪費嘛haha!）～ 之前睇facebook廣告就睇中左Clio既唇膏顏色，於是就係佢到一買買左4支！自己中意查啲自然啲既coral色！查完之後個人望落都精神左！男朋友都忍唔住錫多幾啖，仲話呢個色睇落白啲同自然💕 我有咬嘴皮同搣嘴皮既壞習慣，所以個嘴成日好乾同有嘴唇紋～用左clio既唇膏可以幫我修飾返啲唇紋，睇落無咁乾～用左靚靚唇膏就忍左手唔搣唔咬嘴皮！推介大家試下clio既唇膏，價錢都好相宜 非常適合我呢啲小資女成日換色🥰先至一次過買4支！ 總括而言：| (• ◡•)| 質 地：♥︎♥︎♥︎♥︎♡︎ 價 格：♥︎♥︎♥︎♥︎♥︎ 保濕度：♥︎♥︎♥︎♥︎♡︎ 顯色度：♥︎♥︎♥︎♥︎♡︎ 持久度：♥︎♥︎♥︎♥︎♡︎ 推薦度：♥︎♥︎♥︎♥︎♡︎

Noelle S好用推薦：順滑唔乾，薄塗都好顯色。焦糖紅棕118 burning clay，成熟柔美，日常淡妝用。厚塗會俾人感覺有點aggressive 再mature啲。食完lunch都留到五六成色，番office先補都ok。想買新velvet nude系列，專門店試啱心水兩款。107 cozy taupe 好鍾意，低調粉棕，21/22N膚色都carry到，夏天用應該幾fresh。320 cheerful goji 珊瑚色就lively啲陽光啲，但真係有太多支唇膏啦⋯⋯心思思考慮中。

mandy好用推薦：MAKE UP FOREVER ROUGE ARTIST 霧光唇膏  $190 MAKE UP FOREVER 新推出的霧光唇膏有著特別的尖挺外型, 質地滋潤柔滑, 易於上妝, 很適合在秋、冬季使用。 霧光唇膏結合了霧面唇膏的高顯色及滋潤型唇膏的自然光澤。 霧面唇膏一般都容易顯唇紋及令雙唇變得乾燥; 霧光唇膏完全沒有這些問題, 而且潤而不笠, 使用感極之舒適, 是令人一試愛上的唇妝名品。 此外, 霧光唇膏的美麗顯色跟秋、冬妝容配搭得很好, 更能突顯女性美。 MAKE UP FOREVER 這次共推出60個不同色調, 應該能滿足大部分人的喜好。 如此多的顏色, 也只有像MAKE UP FOREVER 這個專業彩妝品牌可以做到。 #170 ROSE FLAIR 是很優雅的玫瑰色調, 不同膚色都可以駕馭, 也是很百搭的顏色, 日妝、夜妝及不同場合都可用到。 #320 VIRTUOUS GOJI 是帶一點啡調的紅色, 不太深色比較接近中間色, 很顯白。 #408 VISIONARY RUBY 是經典莓果紅色, 看上去特別精神。

Noelle S好用推薦：買了107號cosy taupe，偏紅的裸橘色，感覺自然溫暖。本來想要更nude的顏色，一直找其他美牌，但都不顯色、太粉too young 或不搭膚色。唇膏matte但有少許光澤，裸色中算比較深色(照片中比實際顏色深)。搽上不乾舒服，春夏合適。

Kura好用推薦：呢款唇膏可以令到我輕鬆打造到一種好高級嘅妝容，首先唇膏搽上嘴嘅效果好靚，顏色選擇多，包裝都好靚

Ressie14好用推薦：5月底玩NARS官網遊戲時 免費獲得POWERMATTE玩魅啞緻唇膏試用裝。感謝NARS慷慨送出。 試用裝沒有附上唇掃, 正好俾個機會我試下最近自購既CHANEL雙頭唇掃。 試用色號有#115 Thunder Kiss, #131 Dragon Girl, #133 Too Hot To Hold, 同埋 #112 American Woman。 今次試搽「染唇妝」#133 Too Hot To Hold mix with #112 American Woman ~第一步, 用唇線筆填補嘴唇缺陷! 係打造完美唇妝基礎! 之後利用CHANEL雙頭唇掃, 圓頭一端為下唇內圍填上窄窄的一層#131(深色),我用點描法避免拉出唇紋; 然後用另一端輕輕將#131邊緣色拉鬆; 做好漸變效果後取#112填一填上下唇既外圍, 然後又慢慢+有心機地拉鬆顏色.. 我好同意佢「零重力」、顯色度高既講法, 另外有驚喜既係佢唔顯唇紋, 出街過左3個鐘頭未曾抹嘴既情況下冇令唇部變乾(唔知係乜黑科技), 妝容整體上有驚喜。POWERMATTE啞緻唇膏 $280 1.5g, 基本上係好夠用了, 因為佢matte質地你

Nicole 好用推薦：色號是132Dragon Girl，顧名思義就是經典大紅色調，帶點玫瑰粉色，非常顯白，霧面質感、飽和度和延展性都很好👍🏻適合喜慶日子或者大濃妝用

Noelle S好用推薦：絕色絨霧啞光唇膏1299焦糖拿鐵，係萬記先買到。霧面橙紅色，質感柔滑，顯色又唔乾。食野係會脫色的，但價格相宜，設計小巧精緻，係專櫃慢慢揀，試過鍾意就買咗啦。

mandy好用推薦： MAYBELLINE Color Sensational Creamy Mattes Lipstick #660 Kissed 絕色艷麗 柔滑粉緻唇膏                          $95 我在幾年前買過 MAYBELLINE 的 霧面唇膏, 持久度非常好, 顯色零色差, 可是用起來唇部實在容易乾燥, 而且要花很多時間才可把唇妝完全卸掉! 幸而 絕色艷麗 柔滑粉緻唇膏  雖同為 霧面唇膏，質感比較creamy, 滋潤度高，不會令唇部乾燥。Creamy 的質地也令唇膏更易上妝。 如果想用霧面唇膏又怕唇部乾燥，可以考慮用絕色艷麗 柔滑粉緻唇膏，實在是性價比高之選。 購入限量版色號#660 Kissed, 是啞緻的豆沙紅色, 非常漂亮 又不會太突兀。 是每天都可擦上的唇色, 很好搭! 含油性滋潤成分: 芝麻油 保濕成分:    醋酸鹽維他命E 及 蜂蜜 抗氧化成分:   醋酸鹽維他命E ，季戊四醇四（雙-t-丁基羥基氫化肉桂酸）酯 及 蜂蜜 鎮靜消炎成分:   蜂蜜