Chami好用推薦：多謝@cosme抽中試用 雪肌精首次進行升級既 **藥用雪肌精美白化妝水〈透亮精華版〉** 自從幾年前喺日本酒店用過雪肌精嘅sample，我已經入坑成為咗雪肌精嘅粉絲💓 但當時我用嘅係MYV系列，今次見到Cosme有試用機會，即刻報名希望體驗埋雪肌精藥用系列。根據產品簡介，今次升級版有甘草同和漢植物嘅萃取成份，擁有美白同保濕嘅雙重功能😍，抑制肌膚炎症嘅發生👍🏻 呢條line價錢雖然比較親民，但試用完發覺效果一樣冇得彈👍🏻 我成日都聽到人哋話呢款化妝水有好重酒精味，所以未用過之前都有啲卻步。但我自己試用時就聞唔到，搽上面都冇任何刺激敏感嘅反應。 化妝水倒出嚟嘅顏色呈奶白色，我嘅用法係：早晚洗完面後，倒落化妝棉全面抹一次，幫塊面做二次清潔。 即時試用感：化妝水質地好清爽唔黏笠！係有少少嘅味道但可接受👌🏻 美白效果就當然要啲時間去感受吓～ 當我試用完兩個禮拜禮拜之後，開始有好明顯嘅分別。 原本我嘅膚色係偏黃，加上毛孔粗大缺水，就算用好多護膚品都覺得吸收唔到，皮膚經常暗啞無光。 但係兩個禮拜之後，起身照鏡已經發覺自己有白淨咗少少，皮膚透亮咗，雖然毛孔都仲係比較明顯，但短短兩個禮拜有

EL好用推薦：多謝@cosme 邀請試用藥用雪肌精美白化妝水<透亮精華版>200ml 本身我皮膚係白底偏黃，一向都對美白有追求，以前曾經連續使用雪肌精美白化妝水一段時間，係明顯見到膚色明亮白淨左。由於有之前使用體驗，可以做個對比，普通版化妝水嘅顏色係透明，質地係水狀清稀，而呢款透亮精華版一倒出黎已經覺得係濃d嘅版本，顏色白好多，質地比普通版潤少少，味道2枝分別唔大，都係清香舒服嘅味，搽開好快吸收晒，潤而爽嘅感覺。手背搽完細紋微微減淡，手感柔軟。由於轉天氣嘅原因，近排面部係偏乾有皮屑，我開始用咗呢枝化妝水<透亮精華版>後，有明顯保濕平滑嘅效果，早晚持續用2個星期後，本身有啲暗瘡印同埋膚色不勻都褪左，成個tone明亮同透白左好多，我諗繼續用夏天黎到我都可以保持白淨嘅皮膚❤️如果大家都想見到明顯美白效果，呢枝真係大推👍🏻

Beautygirl好用推薦：頭髮乾旱，未用護髮素，就咁用呢款洗頭水，用完頭髮已經好柔順，又唔會覺得油笠笠

Karman28好用推薦：呢支洗頭水用左好多支啦，十分喜愛。用完頭皮唔會太乾太油，亦無頭皮。

二寶mamama好用推薦：大家去到日本，真係一定要買這個！ 我化左廿年妝，油眼，會用眼影打底的，用過煲數咁多眼線液🤣 心目中有top 2, 地位不相伯仲！ 一枝係Kissme 果枝眼線液 一枝新寵就係D-UP 易畫度：D-UP勝Kissme 持久度：D-UP勝Kissme 顯色度：D-UP勝Kissme 耐用度：D-UP勝Kissme 價錢度：Kissme勝D-UP 熊貓眼度：兩個都唔會 易買度：兩個都易買 如果budget少d, 買Kissme 如果價錢唔大concern, 試D-UP 最近見到化妝師Yoyo Yip都有推，真係識貨～～ 香港多數人用黑同啡，D-UP有好多好多色揀 去日本平香港一半，閉眼入吧！

ririlily好用推薦：已回購n支 以前用過kissme/dolly wink/仲有各種各樣牌子 全部都覺得唔好用 1 day tattoo用過一排 但用過dup就返唔到轉頭🥺💕 筆頭幼細易操控 墨水量穩定 有佢號稱嘅絲滑感 眼出油/流眼水都唔會甩(除非你特登捽啦😑) 從來冇出現過甩到一粒粒嘅情況 持妝10hr都同啱啱完妝冇乜分別 畫上眼線/下睫毛都得~ 唯一唔係問題嘅問題就係 唔知點解好快用曬🤣🤣 明明唔多化妝 但都幾個月-半年就用曬一支

Giselle 好用推薦：Essential 水漾防毛燥洗髮露 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* Essential呢個牌子算係平價洗頭水牌子入面其中一個比較出名嘅( •̀∀︎•́ )✧︎呢隻算係佢其中一個常駐嘅系列，主打係滋潤防毛燥( ˶ˆ꒳ˆ˵ ) 作為一個有漂染頭髮+每日set頭嘅人，我會覺得呢支嘅防毛躁效果唔係太明顯₍ᐢ ›̥̥̥ ༝ ‹̥̥̥ ᐢ₎洗完頭唔會覺得啲頭髮有變得滋潤咗or毛燥少咗，頭髮有無變得順滑咗(´._.｀)就好似用咗等於無用咁₍ᐢ ›̥̥̥ ༝ ‹̥̥̥ ᐢ₎唔太建議同我一樣頭髮比較乾旱嘅小夥伴入手(⌯︎˃̶᷄ᗝ˂̶̥᷅⌯︎)

Karman28好用推薦：洗頭水通常我會幾個牌子輪住用，呢個係其中一個常用既牌子。清潔力唔錯，使用後我既頭皮油脂分泌都好穩定。

Cy好用推薦：入手原因係呢支當時好hit，加上以佢價錢黎講佢嘅保濕力係幾出色，用量多啲攞黎濕敷全面都唔肉赤，佢係呈乳白色液狀，但用後就有少少笠，味道方面話明日本酒就真係有啲啲酒味🤣但唔會刺激皮膚，保濕效果都唔錯～性價比高完全唔需要慳住用

GinGin好用推薦：#我的最愛化妝水，依款化妝水係我用過最好用又最抵用只係幾十蚊價錢仲好用過大牌子，無論春夏秋冬都適用真係勁高保濕度，而且唔會出油，冬天又好夠保濕，大大力推薦

chasiutung好用推薦：Senka專科滋潤面膜 吾知係太潤定點 敷完大過敏 敷嘅時候已經好痕 敷完超黏笠 洗完面個膚感都好吾舒服 第二朝塊面起好多粒粒 皮膚泛紅 同埋好乾 明明係保濕面膜 我又無敷過耐 皮膚反而變乾？ 不會回購 不會回購 不會回購 ❌

iliya 好用推薦：呢款面膜嘅精華液係多啲，不過就唔係太吸收，有種黏笠嘅感覺🫠🫠🫠

Flora好用推薦：近年畫眼線只畫眼尾 眼尾皮膚薄，有啲眼線筆會好卡好難畫 呢隻完全無問題 不過cosme好似無賣（定無貨？）cassis brown呢隻色，我係喺日本買的

Noel好用推薦：我本身和筆芯眼線筆八字不合，多個品牌的皇牌，在我眼皮都會暈染得好勁。但 dejavu 是少數不會暈到下眼皮的眼線筆，個人喜歡比較個性的淡紫啡色，可配 cool tone 眼影造型🤍 眼線筆筆芯為楕圓形，使用時更順手，容易畫到貼近睫毛位置，新手會覺得易掌握。在手背上畫比左眼皮畫更順，用這枝眼線筆時，要多用陰力啊🤣 眼線防水的效果不錯，運動時使用都ok 👌 使用6小時左右，眼尾會有少許暈染，整體而言都幾值得試啊！

Nicnic好用推薦： 03 暖陽奶茶 04 南瓜烈酒 05 乾燥無花果 持久度：🌕🌕🌕🌕🌑 妝感：glossy 閃粉：❌ 佢個質地係潤但又持久嘅，打破平時潤就一定唔持久嘅定律😂。佢甩嘅先甩光澤、潤嗰part，但係顏色仲係stay喺嘴喥💋即使印落紙巾喥，都無乜色，好神奇！🤣🤣唇紋方面，唇紋深嘅人表示唔覺有好明顯嘅修唇紋效果，不過都冇加深嘅～☺️ 不過佢有染色效果，所以愈補唇膏，個顏色會愈濃郁。而且都要比啲心機卸妝～ 03 暖陽奶茶 我最鍾意嘅色，淺淺嘅奶茶色，任何時候唔想用腦諗搽乜之選，好白搭，基本日常妝都襯到。因為佢色號淺，愈補愈深色嘅情況唔明顯。 喜愛度：❤️❤️❤️❤️❤️ 04 南瓜烈酒 南瓜色底調嘅紅色，薄搽好顯氣色、精神，厚搽好顯膚色同牙白。呢隻色嘅妝感比較明顯，素顏搽就會有啲奇怪。 喜愛度：❤️❤️❤️❤️ 05 乾燥無花果 顏色係無花果色，有少少紫調嘅紅色，薄搽，厚搽會成熟啲，有機會顯老😗。潤澤嘅質地令佢喺陽光下閃閃發光✨✨ 喜愛度：❤️❤️❤️💕

綺羅香好用推薦：Kate怪獸唇膏順滑滋潤唔再講，能夠將帶透明感嘅光澤型唇膏做到持久不脫色真係好犀利，唔駛再驚係飯宴時唇色甩到一撻撻咁尷尬，都唔駛出街就要諗搵廁所補唇膏，因為顏色好多，為咗揀色號做咗好耐功課，等到決定要買嗰時，貨架所剩無幾，難得偶然撞到補貨，再唔買真係對唔住自己，一口氣掃咗4個色號，因為怪獸唇膏全部顏色都係黑色長條形包裝，淨係得底部label標明色號，為咗方便自己唔駛逐個打開嚟確認顏色，痴咗label上去方便辨認 我係白皮+偏深唇，今次分別買咗2號甜潤果紅，3號暖陽奶茶，5號乾燥無花果同7號荊棘玫瑰，呢4支都係非常熱門色號。 2號係偏粉嘅玫瑰紅，如果化淡妝可以薄搽呢隻色，我有時想偷懶唔化眼影，淨係上底色+畫眉+眼線+胭脂，加上2號色唇膏，會顯得個人有氣色同睇落後生啲，極端啲素顏薄搽都仲得，不過比較啱白皮，黃皮慎選 3號係淡橙杏桃色，本身好怕偏橙偏黃嘅唇膏，搽上去好似病人咁，但係3號低飽和反而容易接受，黃皮白皮都啱搽，而且非常百搭，好適合配搭春夏妝容，有時眼妝偏向濃重嘅時候，就會配3號唇膏，薄薄一層唔會太突兀 5號係超熱門色號，不過呢隻係官網圖標係藍調偏暗嘅泥土色，換句話黃皮慎選，亦

Fng好用推薦：#119 新版沒有舊版咁滋潤，舊版搽一次已有滋潤感覺 ，新版要搽三次先有。

Noel好用推薦：購買這款 OPERA 唇膏N，主要因為品牌在日本很火紅，又是 @cosme 唇蜜 No.1，加上它的金管唇膏使用效果不錯，所以就入手了一枝❣開架品牌而言，這個 product 有10色選，橘、紅、粉都有涉獵，滿滿誠意！ 基本上單塗這個唇膏，就能打造光澤感，像果凍一般，很Q很水，日系可愛妝容適用❗唇膏滋潤感不錯，不用護唇膏打底也可以，塗到唇上很流暢👍囗罩不用帶了，塗塗光澤感唇膏就無錯了！唇膏持久度一般，容易 transfer 同沾杯，顯色度4成左右，不能飽和。

natanatalie好用推薦：感覺非常滋潤，能夠撫平毛燥，把它塗在髮尾和開叉的地方，用了一段時間後，感覺髮尾也健康了開叉也減少了。

Winnie好用推薦：洗頭後濕髮用吹頭一流，絕對不要乾髮用，乾髮太難控制分量，濕髮用時不用客氣用量，我用差不多一元分量(算多)，髮少請自行小心用量，因為纯山茶花油，真是非常油，但以修護角度看的確好。我是曲髮，用完吹頭曲髮非常好看，因此一直回購，已經最少3瓶。乾髮請用其他髮尾油。