天氣回暖，意味夏天愈來愈接近了！@cosme HK 都注意到，大家開始留意防曬用品。
有很多人以為防曬系數愈高愈好，事實並非如此！
如果不是長時間戶外活動，使用太強的防曬，不但多餘，分分鐘反而讓皮膚變差⋯⋯所以說，防曬系數真的不是「多多益善」的！

大家切記要因應情況，使用適當系數的防曬。而我們今次，就根據大家不同需要，挑選了不同程度的防曬及精選網友評價予大家，希望幫助各位找到合適的產品。

MaggieWong：
「Atorrrege係一個日本牌子黎，標榜孕婦和嬰兒都可以放心使用，佢出左2個防曬，一個係cream狀，另一個就係圖中liquid 狀態，兩個都係物理防曬黎～
因為自己本身係痘痘肌膚又有時會敏感泛紅(｡ ́︿ ̀｡)
以前用其他牌子防曬產品，即使係gel 狀我都係會生暗粒，有啲會好大浸防曬味，所以就買左呢個，點知有驚喜（*＾3＾）

佢吱出嚟係比較流質，圖中入邊嗰少少已經可以推開晒成個手背(⁎⁍̴̛ᴗ⁍̴̛⁎)
佢上咗面之後嗰1分鐘其實係會覺得得有少少油膩，但等左兩三分鐘就好清爽，好似冇查嘢咁，油肌人唔使驚會黐立立～佢之後都唔會變咗話霧面肌或者特別有光澤，係透返你平時嘅肌膚狀況出黎，同埋佢會輕微嘅亮白效果，唔係死白個種，至於泛白我就冇乜點覺得有呢個情況。

痘痘油肌人覺得呢個唔錯，佢做到最基本嘅防曬效果，冇令我變黑(・ω・)ノ
同埋最重要嘅一點係，佢冇令我再生多左粒粒同暗瘡(｡ì _ í｡)
呢個對暗瘡肌係好重要。同埋物理防曬查完就已經有效果，唔使好似化學防曬咁要等30分鐘，趕時間好方便( ´▽｀)」

mandy：
「是專為油性肌而設的防曬產品，質地柔滑。即使保濕力不錯，卻具有輕盈清爽、不油不笠的質感。因此，不同膚質在夏季都可用這款防曬。

在防曬效能也達 SPF30 PA+++，如需進行户外活動已很足夠。
同時添加抗氧化成分，實行防曬兼護膚！」

choichoi：
「帶著紫藍色的夢幻包裝，絕對會吸引女性眼球，質地超水潤清爽，不會有防曬產品的悶感亦沒有致痘，油肌用後亦不黏膩不泛油光 ，算是易推勻且推勻後不會泛白，味道帶點點香氣不是完全防曬的味道。

使用後，膚色能明顯提亮及帶光澤而且不死白（特別是黑皮的朋友），不過沒有改變膚質狀況與遮暇的功效喔，用在臉部和身體都適合的防曬，可以偽裝一下漂亮的色白素肌。

雖然看著防曬系數很高，但是以當中的防曬成份和防水度普普的原因來說，比較適合日常上班 / 約會出門等部分時間於室外走動才使用，要是遠足或運動之類有機會曬黑，並不建議使用。是「美肌型」的防曬多於「對抗陽光紫外線」的啊！」

estherpapa：
「本身係因為包裝設計好靚而入手嘅。呢款我通常會搽完cream時搽，冬天ok，但夏天就會覺得太油。網上睇到佢有兩款刺激皮膚的成份。而且我每次的用量都是大概一蚊銀的大小，但感覺自己有曬黑。雖然價錢平又有潤色效果，但因為我係痘肌的關係，我就不會再入手了。」

Noel：
「台灣旅行+血拼，相信一定離唔開 Sofina 美妝產品，各種 Base 同 Sunscreen，都係我既購買清單之中~
而Sofina 衆多防曬中，個人最喜歡的一枝： jenne 防曬！

jenne 防曬，個人目前試到，唯一一枝，真正做到水油平衡，滋潤又不膩的防曬乳液。乾燥皮膚既朋友，我誠意推介這一枝！乳液係白色，絕不泛白；流動性高，延展性良好！注意，使用前記得搖勻啊~

使用方面，塗到面上，第一時間會感覺到滋潤＋油油的，這時請等一等，防曬乳液很快會變得滋潤，油膩感消退。接著，再上粉底液或 BB Cushion ，產品都可以很貼服。個人已經長時間使用，用完2瓶，沒有曬黑啊。」

YuzusWendy：
「入手嘅原因，係因為有次暑假去camp，個訓練員同我地一樣大量暴曬左兩個禮拜。但因為佢用左Anessa，全個camp得佢一個完左活動都無黑過；而其他人就黑到成舊炭咁（事後我用左起碼3個月先變翻原本膚色）。

回歸正題，防曬上臉舒服，可以推到好薄，透明無色唔泛白，而且好快乾，乾左之後摸落感覺有層薄膜，對於乾性皮膚嘅我來講，好似上完護膚油咁，但完全無粘膩感，只係覺得滋潤。

防水防汗非常有感，持久度非常好，全日都會聞到防曬果陣柑橘香味，就算夜晚先翻到屋企都feel都臉上仲有防曬，唯一唔比滿分嘅原因係有d貴，對於學生仔來講有d負擔，但由於每次用量唔多，而且防曬非常有效，個人認為性價比極高，會回購。」

Snow：
「夏天UV光線完全係女仔既天敵，而Biore水凝長效保濕防曬乳，絕對幫到我呢啲咁怕曬黑既女仔。
呢隻防曬好容易推開，搽完上去完全無癡lup lup既感覺，質地好透薄，好輕盈。仲可以當妝前底霜咁用，令到之後上妝更加貼服。
真心好愛呢枝防曬，推薦比大家使用，可以過一個開心既夏天。」

jenny_leung：
「好處：已經回購兩次，價錢平，份量多，全身用一流。最重要係質地清爽，偏水狀，不會起暗瘡，防曬度 (SPF50) 足夠。
壞處：無
總結：平價之選，一年四季都可以用，清爽不會笠，平時用某產品會出暗瘡，但這個產品不會阻塞毛孔，十分貼服皮膚，一定要存貨。」

Chi：
「會回購！
高防曬，防水防汗，戶外活動怕曬黑好岩用，呢個牌子出嘅防曬我好放心，而且都好多報告顯示佢嘅防曬係好有效。
我記得呢個牌子出嘅防曬對海洋又好，係笠少少同貴少少，但因為上面既因素，我覺得值得。」

本次挑選的實力心得中，網友的使用感都描述得很詳盡！

我們在近200篇的心得中，花了不少時間，最終挑選了10位網友，在此恭喜：YuzusWendy、MaggieWong、Snow、jenny_leung、mandy、choichoi、estherpapa、Chi、Noel、可。