呢排要長期返夜，作息唔定時搞到臉色很差，眼周肌膚仲缺乏水份同彈性，搞到有嚴重黑眼圈，眼周肌膚老化得好嚴重，眼旁同眼下仲因為唔夠水份搞到好多皺紋，令我好困擾！😰 CT眼霜質地好豐盈，滋潤感好高，一搽上眼就有好舒服嘅感覺，係一種享受！高效修復成份可以滲透眼周皮膚底層，撫平到一早起身嘅浮腫眼周，而且有輕微減淡細紋嘅效果，用左佢再上眼妝會好好多，係我最中意嘅眼霜！👀 #我的崇光感謝祭必買眼部護理

質地好水，好易推開，05N色號上面剛剛好，好耐冇見過上面有柔焦效果嘅粉底，粉底就好似融入左你皮膚入面，加埋妝前底霜，有種自然天生好皮膚錯覺，但當觀察多陣，發現上妝後未定妝情況下會有甩皮，係成塊好薄好輕易甩出黎，甩嘅位置都係皮膚偏乾或者曾經敏感過嘅地方，所以皮膚好乾嘅朋友仔未必岩用，冬天用應該會脫得仲勁，定左妝之後皮膚真係好無瑕，如果皮膚狀態不錯又想令皮膚望落好好可以試下 #火熱新品

質地好似silicon，呈藍透色，上面好滑好推，推推下感覺有水份，見到有修飾到毛孔，面上有微微光澤感，令後續粉底更貼服，唔會焗到生瘡、夏天用幾好 #火熱新品

有同系列嘅香味嘅一款乳液，質地好滑好易推易吸收，呢個系列可以減輕敏感，有泛紅時塗上面無即時減低個泛紅，所以使用效果一般，冇乜好大驚喜。 #火熱新品

試過舊款，新款整個質感同舊的差唔多，呈黃色慕絲絲滑感覺，第二日皮膚狀態好飽滿，紋理少左，新款效果比舊款更明顯 #火熱新品

質地比般pad滑身，好多精華，非常黃色，抹完面以為會變淡色但原來唔會變色，抹完面皮膚變得超滑身，我一般係晚上時用，但由於塊棉太滑感覺係去唔到角質，但用完皮膚滑同埋水潤好加分，暗瘡印都有減淡，面色都有均勻 #火熱新品

香水一噴出果刻香味好濃烈，果種香味係非主流好有型格嘅人身上嘅味道，噴完係皮膚殘留餘香突然變得好清淡，淡到要好近先聞到，變得驟然唔同嘅感覺，比較親膚，聞耐唔俗氣嘅自然雪松香， 我會想像到係打扮全黑型格時會用嘅香水 #火熱新品

Light Blue 香水以柑橘基調，佛手柑清新愉悅嘅香氣做開頭，中調就以熟透時桃子營造甜蜜氛圍，後調以雪松木作為結尾，我認為佢好適合夏天用，令人感覺有活力同熱情！ #火熱新品

好用！真係好好用，自然得嚟又夠實色、筆頭又夠軟，好易畫，而且好持久個條眼線可以hold好耐❤️喜歡💕

最新好紅既Olay精華水，同其他精華水比，佢其實稀啲似化妝水，但係攞嚟濕敷會夠清爽唔笠！枝水保濕度高，肌膚狀態唔好時，用佢會改善到缺水、粗糙嘅情況！ 但話會唔會即刻變到好有光澤、好plump plump飽滿又未至於🤣 但持續用一排，係真係feel到膚質也改善，呢個價錢值得一戰！