呢支我大學用到而家，都已經用左9年 用佢會令到皮膚狀態比較穩定 唔會有粒粒暗瘡個d 同埋記得一定要配合埋化妝棉！ 照咁用手搽效果會差少少 仲有提一提大家 佢係可以買refill 如果用完一支覺得適合 可以去專櫃買refill版轉返個按頭就可以🫶 P.S. 香港呢一，兩年天氣變化太大 如果皮膚有轉變記得去專櫃做測試洗唔洗轉清爽啲/滋潤啲 (我用過3號 最後都係揀返2號最適合我皮膚) #我的崇光感謝祭必買乳液

啱啱入秋天氣好乾燥，呢支曼秀雷敦潤唇膏，冇香料，成份又天然，買一支放手袋看門口，非常適合，好滋潤，而且又持久，價錢平平哋，做緊特價，即時可以舒緩乾燥，唔使成日喺度咬嘴唇🫦😄

之前見到呢款髮膜喺@Cosme有好多好評，但係之前一直都冇減價，而家突然做緊大特價， 呢款係Minion聯名新出，$59，差不多半價，好抵！即刻買來用。 @Cosme嘅用家嘅評價都好中肯，首先香味好正，洗完頭之後都仲有，確實係香水髮膜，洗完頭之後擰乾水，搽上髮膜等一陣再沖，頭髮好柔順，吹完頭之後頭髮都好蓬鬆，感覺好好，應該要買多幾樽放喺屋企慢慢用。😉

大愛The Body Shop嘅士多啤梨味hand cream，佢哋士多啤梨味產品浸味唔會假，而且味道濃郁，好甜好有少女feel，搽上手都夠滋潤，會無限回購。

質地好水潤，搽上面容易推開，即時feel到肌膚水嫩咗滑咗，但係我覺得保濕效果唔算好持久，而且搽完之後覺得塊面有層膜，會同後續嘅化妝品打交。

又平又有效嘅美白精華！我會朝早用The Ordinary Niacinamide+Zinc嗰支，夜晚就用呢支精華，兩支精華互相配合，皮膚明顯比未使用之前白晢透亮咗。不過，呢支精華茶搽上面之後質地比較黏立，所以我會選擇夜晚用，介意者就唔建議入手。

呢支peeling solution我會當面膜用，喺有粒粒嘅位薄搽一層，等5-10分鐘再洗走，一星期用兩到三次，會感覺到粒粒少咗皮膚平滑左。不過，呢支AHA同BHA嘅濃度較高，對於敏感肌嘅人較大刺激會有刺痛嘅感覺，要謹慎使用。

我T字位比較容易出油，毛孔相對較大，上網睇咗好多相關資訊，見到唔少人都推薦呢支精華，而且成份簡單，價錢又唔貴，就入手左一支。用咗半個月明顯感覺到T字位出油情況有改善，毛孔細咗，仲要皮膚變得更有光澤。無諗過咁抵嘅價錢已經可以做到咁嘅效果，冇乜預算嘅朋友可以考慮入手。

每晚用依個精華搽完都覺得雙眼舒服左，佢個頭係可以按摩眼周放鬆哂一日嘅疲累

化妝前必用，佢嘅質感好似mousse咁，搽完之後幾乎就會睇得出九成嘅毛孔都會遮得到，而且最想粉底嗰陣時皮膚啲細紋都幾乎睇唔到 ，呢一款真係回購咗幾枝，好推！