JILL STUART

loose in liquid

坦白講本來對呢款粉底液係好大期望，
只可惜希望愈大失望愈大。
佢嘅外形係Jill Stuart品牌內比較簡單嘅設計，
粉紅色膠樽再加塑膠感濃嘅多面切割球形樽蓋，
都幾顛覆品牌一貫嘅甜美公主風格。
佢嘅設計係塗改液式，
每次用前都要先搖勻，
粉底本身係流動性高嘅水狀，
帶有淡淡蜜桃香味。
佢嘅延展性高、遮瑕度唔錯，
可以輕易地推勻全臉，
敗筆之處係佢嘅持久度非常低，
標榜適合油性肌膚但溶妝速度無論喺夏天定冬天都好快，
而且溶妝之後必定會出現「白芝麻」同結塊，
重災區係鼻、下巴同嘴唇邊緣。
我曾經因爲唔信邪而多次改變使用方法同輔助產品，
譬如用長效持妝底霜打底、用唔同形狀同密度嘅粉底掃去上呢隻粉底，
可惜結果都依然冇變，
所以依家雖然未用曬都好想斷捨離同佢講bye bye！
絕不推薦！