KISSME

纖細眼線液

屋企長備一支KISSME纖細眼線液看門口，偶爾都會試唔同顏色嘅眼線筆打造唔同嘅妝容，但黑色眼線液真係不可或缺嘅化妝品。有時簡簡單單想個人望落精神啲，用嚟畫條眼線就出門。

KISSME眼線液出名防汗防油，真正水洗都唔甩，加上毛筆頭設計，粗幼比較容易控制。而眼線液另一個優點，就係顯色度比較高，適合打造硬朗少少嘅妝容。本人眼皮位置比較容易出油，加上香港嘅夏天對化妝品嚟講真係一個重大嘅考驗，通常朝早化好妝出門，到咗夜晚，眼尾位置都會出現化開嘅情況，但整體條眼線都可以keep到八成嘅。其實5月去日本旅行嘅時候都用過呢款眼線液，真係完完全全keep到一整日，所以眼線持久度都同當地嘅天氣有關啦。

整體嚟講KISSME眼線液都係令人滿意嘅產品，加上價錢親民，所以絕對值得入手一支。