Vaseline

深層修護潤膚露

感謝@cosme邀請試用。今次呢個試用品非常之適合我，因為我皮膚好容易乾燥，一年四季都好容易痕癢，所以非常之需要用潤膚露。
呢隻凡士林深層修護潤膚露質地比較滋潤，適合秋冬時候使用，不過佢其實都算容易吸收，唔會好黏笠，搽完唔會覺得焗住，或者會整到衣服都黐笠笠。
佢有淡淡嘅大豆香味，香味比較淡，對香味敏感嘅人都唔怕用。
佢嘅保濕力好強，用完之後幾乎全日都唔會覺得乾，只需要用少量就已經好足夠，而且容量好大，可以用好耐。幾乎一日用一次都已經可以keep好耐，cp值高。呢個牌子真係非常之抵買又好用