LA MER

精華柔潤乳霜

話說上年年尾我諗好多人屋企附近都係咁俾人大量放有毒氣體。而我因為咁，全身都出現皮膚敏感同肚痾。醫生都只可以開藥俾我食同搽。再買個勁空氣清新機。但12月尾擺酒，時間好緊急。同埋可能空氣太毒，朝早搽完藥到中午又再起一撻撻敏感，突然醒起之前8卦買左lamer cream試。當時係淨係覺得保濕，但記起佢修復好勁。所以攞返出黎用。

神奇嘅事就發生嗱~我塊面唔洗搽藥膏都唔會再起一撻撻，朝早起身塊面無再紅。不過可惜返到公司塊面就開始發紅(圖2)，於是我去左lamer 資詢，最後買多幾樣野，lamer the treatment lotion, the concentrate, the treatment lotion hydrating mask，而且由lamer cream轉用soft cream(因為BA小姐話我可以唔洗用咁潤).用完依幾樣野，3日後塊面已經唔再紅。回復晒。可以係擺酒前2星期變返正常。

另外，soft cream比cream更輕，更易吸收，好舒服。平時加班到好夜，趕住瞓，淨係搽佢都已經好夠力，同keep到膚況同無咁易出壓力敏感，就算唔夠瞓，朝早起身都唔乾，上粧唔浮粉。