LAURA MERCIER

柔光透明蜜粉

非常感謝@cosme抽中我可以試用Laura Mercier「極致持久鑽光氣墊粉底」及「柔光透明蜜粉」，其實之前一直都想試Laura嘅氣墊粉底同碎粉，今次終於有呢個機會啦😆

首先講返我本人係混乾肌(主要係鼻翼位同下巴）同埋係有瑕疵嘅皮膚，日常帶妝都要大約10小時。

咁講返我收到嘅「極致持久鑽光氣墊粉底」先啦、初初試上面已經feel到係好水潤，佢嘅光澤度我自己係覺得岩岩好，唔會覺得係成塊面都喺度出油個種反光，以我嘅皮膚有少許泛紅、痘印嘅位置，係我唔用遮瑕膏嘅情況下、佢嘅遮瑕力都好好👍🏻，係已經可以遮到八成半到九成，佢連遮毛孔都遮得好好，以氣墊粉底來講佢已經做得好好，同埋鼻頭、鼻翼都係我比較注重嘅位置，上面後、呢2個位都俾咗好大驚喜我，首先鼻嘅位置唔會「一達達」鼻翼位亦都好貼妝、唔卡粉，加上佢原本就有SPF 50 PA++++，所以，遲咗起身、趕住出門嘅用呢個氣墊粉底已經可以一take過。

另外，佢嘅小缺點係如果黃一白嘅皮膚跟返官網揀1W1出嚟嘅效果係會自然，所以中意妝感比較白一啲嘅可以試下1N1。

🌟化妝小tips:按完粉底後、利用佢嘅蓋拍走多餘嘅粉，咁樣做個粉底就會均勻地喺粉撲度、同埋，一定係小量多次咁拍上塊面、咁出嚟嘅妝感亦都會比較薄！！！

化完個底妝，就梗係嚟翻個「柔光透明蜜粉」做定妝啦，佢個粉質係細膩輕薄、上面後冇出現結塊、卡粉同假面嘅問題、同埋，可以做到修飾毛孔、柔焦妝效，仲有、用完氣墊後再定妝依然會有光澤感，正阿👍🏻咁上完妝、經歷左流汗、曬太陽、涼冷氣、比口罩磨擦，大約10小時、除左個鼻會有少少出油，整體依然冇點樣甩粉👍🏻
仲要佢一罐散粉有29G,每次用少少已經足夠，所以都係可以用好耐❤️佢嘅缺點就係少咗個粉撲