LANCÔME

極致持妝輕透粉底液(已停產)

本人皮膚偏乾，容易出油，毛孔粗大，膚色偏黃暗。
產品外觀方面，個樽身係磨砂玻璃好高級，外觀100分！🤣
產品顏色方面，b01號色抹開呈青綠色，但上臉不會令臉變成青綠色，係自然提亮嘅感覺，出街一日都唔會暗沈得好多。
質地方面，粉底容易抹開，只係鼻翼位置需要注意抹開，否則容易積粉。出來的妝效自然唔會望落好厚粉。用呢隻粉底出油速度比其他粉底慢，用左亦唔會令皮膚差左。
持妝力方面，用左碎粉第一次除口罩嘅時候只係得好少好少好少粉底會係個口罩度；第二次除口罩嘅時候就會甩多少少。
Overall鍾意粉底樽身嘅設計，因為自己唔係用過好多大牌子嘅粉底所以比較唔到，但係我覺得呢隻粉底都唔錯，適合中性至油性肌膚使用，乾性皮膚可能就要做好保濕先用到。