LANCÔME

極致持妝輕透粉底液(已停產)

肌膚狀況
混合偏油皮膚，t字位同眼睛周圍容易出油，膚色偏暗啞，亦有黑眼圈，下巴位比較乾，鼻附近有較多暗粒。

產品外觀
樽口用嘅係泵口嘅設計，都比較容易控制份量。而用喺手試一下都容易推開嘅。

上妝效果
今次試嘅色號係Po-01，上手果下有擔心會唔會唔太啱，但意外地，推開之後比想像中更貼合本身嘅膚色，輕簿而唔會有一種假白嘅效果。本身瑕疵較少，多為暗粒，所以遮瑕力唔太清楚，但可以遮到黑眼圈。
總括嚟講，上妝效果係自然嘅，妝面效果偏霧感。

整體效果
哩幾日都比較熱，而經常會喺冷氣位出出入入，加上依家成日都會戴住口罩，所以都會較易出汗同出油。有用碎粉定妝。

外出幾個鐘之後，有少少嘅粉底會印上口罩，眼部係有少少甩妝，同埋鼻翼位會有少少班駁，但問題唔大，整體妝面都叫完整。(出完街太攰唔記得影）
由於最近下巴位比較乾燥，所以會有啲甩皮嘅情況出現，可能會建議使用前要用保濕產品。