LANCÔME

極致持妝輕透粉底液(已停產)

係秋冬天嘅膚質: 兩頰部分位置皮膚會偏乾，鼻會比較易出油，下巴咀角位置較浮粉，皮膚問題係膚色唔均勻同有泛紅位

粉底質地:
質地易推順滑，雖然比較易乾，乾左就難推左，但重點係唔黏笠，而我係用化妝蛋上妝，亦試過用化妝掃或手上都冇問題～

用後感:
呢支粉底主打全日持久，無懼脫妝，底妝細緻完美，而我覺得佢都大部分做得到～但我就略嫌佢保濕度唔夠，要好好加強妝前保濕～
。
粉底妝感比較輕薄所以遮瑕度較弱，始終粉底液係for均勻膚色，佢都做到令我膚色均勻，泛紅位都遮到，所以大瑕疵交返比遮瑕膏！
啱上完妝妝感自然，一整日落黎妝感會變到自然光澤奶油肌感，幾中意佢完全唔粉感！亦都冇脫屑同浮粉情況發生～整日落黎都只係有1度咁多嘅暗沉感，表現已經算係出色了！冬天中意用佢！持妝度好滿意👍🏻冇用碎粉嘅情況底下，持妝6個鐘返到屋企都只係沾左少少粉底係口罩！！勁輕微估唔到！