LANCÔME

Genifique 升級版嫩肌活膚精華 (小黑瓶)

今次分享小黑瓶x極光水7天試用體驗，夏日炎炎，首先要講吓最近嘅皮膚狀況，T字位瘋狂出油，面頰就 乾爭爭，係典型嘅混合性皮膚，仲有啲敏感肌，膚色暗啞。
試用前，當然要好好清潔咗皮膚先啦！再用極光水，使用前必須搖勻，唔好慳，要用夠份量，咁先可以發揮最大功效，第一次用已經覺得好補濕水潤，之後再用小黑瓶，上面後，精華唔會覺得黐立立，有獨特嘅氣味，但完全可以接受，而且好快吸收 ，好適合夏天使用，因為本人真係好討厭立痴痴嘅感覺，眼霜都好緊要，最後當然要塗防晒啦！咁就萬無一失。
堅持 早晚使用7天後，真係好神奇，改善咗T字位出油狀況，雙頰唔再甩皮，最明顯就係 膚色均勻咗，有自然光澤，塊面好似飲咗1公升水，咁水潤 ，敏感肌都適用，我絕對會課金買貨裝繼續使用！