Charlotte Tilbury

魔法面霜

呢款妝前保濕霜滋潤度啱啱好，係綿滑奶油質地，好易推開，吸收得好快，唔會油，佢有淡淡嘅香氣，聞落幾舒服。我用咗佢長期喺冷氣地方都可以保持皮膚水潤，上妝後無平時咁易出乾紋，令妝容更貼服持久，而且膚色亦提亮咗一度，有自然光澤。最驚喜係我塊面有少許敏感甩皮嘅位置，搽咗呢隻cream令甩皮位好似即時隱咗形咁，唔再卡粉，睇落皮膚好咗! 我用完佢就唔駛再特別搽妝前打底，可以慳咗呢個步驟，好方便!

有時唔夠休息，皮膚狀態唔好，毛孔粗大膚色唔均勻又易出油，就算上咗底妝都好快溶妝。我試用咗呢款Airbrush Flawless Finish 輕盈無瑕蜜粉，真係好好用，非常推薦俾各位。佢嘅質地非常輕身同細滑，可以做到柔焦效果，好似開咗美顏濾鏡咁，令毛孔同面上各種瑕疵都變得無咁明顯，而且控油效果非常好，維持到一整日都唔怕浮粉，亦唔會出乾紋，令妝容保持空氣感，如果想化裸妝效果都非常適合。