ettusais

魔束捲翹睫毛底膏

大家唔使羨慕， 由於本身眼睫毛粗壯向下生，雖然睫毛好長但係好難夾得翹……用電熱睫毛機燙 、吹熱個睫毛夾 … 要夾得翹要花好多時間，仲要keep得唔耐好快drop然後溶落眼尾🙃 所以 老早就放棄用睫毛膏，通常畫眼線就算了
收到呢個睫毛膏試用，都係抱着平常心(諗住都係咁架啦╮(￣▽￣"")╭) 點知又有驚喜喇😍
輕輕一掃好自然，冇乜重量，而且根根分明唔會打kick痴埋一舊舊! 大熱天時仲要全日都冇溶
後尾睇返🤣 原來佢係base嚟，以往用過嘅 睫毛底膏係白色，今次呢個係透明黑色，即係話如果我再上黑色mascara都唔會有白色一舊舊。重點係我覺得單用都好OK!!!
再試一次認真夾翹啲毛毛先~ 好輕薄 掃多幾層都唔驚 又唔會變曱甴腳 入面嘅 纖維幼細 增長效果自然! 追求濃密效果嘅可skip🙈 但要偽素顏嘅 呢枝做到嘢!! 我有又長又翹嘅 睫毛喇(*☻-☻*)

圖1 & 4: 可以睇到一隻眼有化、一隻眼冇化 嘅對比 (見唔見到向下生嘅毛毛🥶 ) 即刻精神勁多
圖2: 梳頭型刷頭 好易用♡
圖3: 帶妝一整日嘅效果 見到增長效果好出色 drop低咗少少但都仲翹! 完全冇溶冇甩黑色點點

用落眼專用卸妝油敷咗陣先卸，卸極都好翹🤣 一度以為好難落…但用手摸係好乾淨的 surprise!!