溫水可卸睫毛膏 推薦好用產品

xxxcwing好用推薦：多謝cosme 抽中試用~ 因為我比較少化眼睫毛 所以技巧一般 可以比各位新手參考~ 首先講下佢個包裝先可能因為行簡約風格，所以都係同其他產品一樣有字同底色太似而睇唔清 不過都係一d 小問題 而佢嘅刷頭有別於一般睫毛產品，佢嘅刷頭係相對細而且材質方面係用膠，除咗方便刷出更幼細嘅睫毛之外亦相對衛生 之後可以睇下佢嘅質感 可以睇得出佢用上述嘅刷頭刷得出一條條根根方明嘅線，而且佢雖然有纖維但相對少同短，會比較自然同適合打底 而佢嘅防水防油效果亦相當不錯，用力捽都唔會化開 首先呢個係我淨係夾咗睫毛嘅時候 我本身嘅下眼睫毛比較少同短 上眼睫毛一般呢個係用咗睫毛打底之後 可以明顯見到有效令我嘅下眼睫毛明顯纖長咗 而上眼睫毛則做得到根根分明 雖然冇影到但我喺持妝8小時嘅情況下睫毛依然能保持根根分明，持久力不俗 總括然而呢款係我會回購嘅產品 因為佢化得出自然同根根分明嘅效果 而且亦能夠令我嘅下眼睫毛變得纖長，即使喺冇上睫毛膏嘅情況下依然有不錯嘅效果，如果唔想眼睫毛太誇張單塗亦不失為一個好嘅選擇。

wandywsy好用推薦：多謝Cosme 比我試用ettusais 既魔束捲翹睫毛底膏～ 平時出全日街都怕睫毛膏會暈染而唔擦既我今次試下加左眼睫毛底膏後整個妝容會唔會更加好 呢個係試咗上手的效果，可以睇到眼睫毛底膏裏面包含了一點點黑色纖維，而且顏色是半透明的，可以營造出比較自然的效果。 我先用睫毛夾夾了睫毛然後再上眼睫毛底膏，可以睇得出擦了底膏後眼睫毛會比平常更深色，整體比較翹又不會顯得誇張，營造出睫毛比平時更長同時又根根分明的感覺。 之後再上睫毛液，可以看出眼睫毛已經有束感的效果，整個眼妝都比較乾淨。 上了妝8小時後，係香港26度的天氣下，睫毛膏仍然沒有溶，眼下也沒有暈染，可以話係持妝效果比想像中更持久。 有點疑惑的是，上了睫毛底膏後（沒有上睫毛液的情況下），卸妝時用眼唇卸妝液，眼部竟然也卸不出什麼。 在上了睫毛底膏和睫毛液後，卸妝時也只卸得出一點點黑色的東西。 比我平日用其他品牌睫毛膏後卸妝的感覺不一樣。 總括而言，ettusais 既魔束捲翹睫毛底膏帶比我蠻不錯的感覺而其持妝效果也令人比較驚喜～

Kitty 好用推薦：KissMe睫毛膏真係眼妝救星！我本身睫毛比較短，平時用開其他牌子好易塌落嚟，但呢支刷頭設計好貼心，可以精準勾到每根睫毛，一刷上去即刻有纖長+濃密效果，仲唔會結塊𠵱！最驚喜係持久度超班，我成日眨眼又出油，但撐足成日都冇暈開，放工對眼依然好有神～卸妝方面都算容易，用支溫和嘅眼唇卸妝液敷多陣就ok，完全唔會扯甩睫毛。我呢隻係特別版，乾燥玫瑰色，刷上去顯得眼神好溫柔，幫眼妝加分不少，而家化日常眼妝一定揀佢，就算想加強妝感疊擦兩層都依然自然，真心推薦畀鍾意偽素顏或者韓系妝容嘅姊妹！

Nicnic好用推薦：夏天有好多水上活動，一支起防水嘅Mascara 係必備的，呢一支mascara超防水，船P都唔甩 ✅可濃可淡：上圖係較自然效果，用咗比較少嘅膏體都可以太陽花嘅效果，有自然放大眼嘅感覺。如果用得比較多膏體，就有濃密效果，不過就要小心啲唔好搽到曱甴腳。 ✅勁太陽花：最鍾意佢個curve 極靚 💯 ✅持久度高：不論淡同濃個curve 都hold 得住，大概6/7個鐘之後會drop 少少。而且唔會smudge 或者溶 👍🏻👍🏻 ❗️一定要用眼唇卸妝液卸妝 ❗️要小心控制用量

Kuma好用推薦： 呢支近期架妹最愛既睫毛液♪ 架妹對於透明感精緻妝容嘅執著真係無人能敵( ；´Д｀) —————— ♪ 束感效果：★ ★ ★ ★ ☆ ♪ 持久度：★ ★ ★ ★ ★ ♪ 使用難度：★ ☆ ☆ ☆ ☆ ♪ 性價比：★ ★ ★ ★ ★ —————— 對比其他開架品牌嘅束感睫毛液，感覺呢款既質地相對較為輕盈，好快乾，喺香港呢個喺頭髮狂噴hair spray出門都會秒塌既潮濕天氣都keep到全日捲翹，性價比黎講小資女生同學生都絕對可以閉眼入！♪ 睫毛夾夾翹睫毛後先用下面既梳頭整理好睫毛，然後用Z型束感梳頭時我會稍為喺睫毛根部停留1-2秒先梳上去，確保大部分睫毛液都係沾喺根部而唔係睫毛尾端（如果唔係會變曱甴腳><） 本身有用開佢地嘅mascara base，按照佢地宣傳咁講一齊使用，睫毛比較稀疏嘅我感覺會比起單用束感睫毛液效果更好～但份量要拿捏得好好，搽太多base再用呢支會變曱甴腳⋯所以手殘黨都係建議單用呢支就夠！ 留意返因為超強持久力所以只使用卸妝水係卸唔甩的！！溫水都卸唔到，只可以用卸妝油～ #火熱新品

wandywsy好用推薦：多謝Cosme 比我試用ettusais 既束感雙頭3D睫毛液～ 平時出全日街都怕睫毛膏會暈染而唔擦既我今次試下ettusais既睫毛液～首先可以看出睫毛液是有兩個頭的，齒梳用來打造根根分明的效果和梳順睫毛，另一邊用來營造束感的睫毛效果。 呢個係試咗上手的效果，可以睇到眼睫毛底膏顏色是淺黑色半透明的，比起其他品牌顏色可以算是比較淺的。 我先用睫毛夾夾了睫毛然後再上眼睫毛底膏。 之後再上睫毛液，可以看出眼睫毛已經有束感的效果，整個眼妝都比較乾淨。 第一次試用這個睫毛液手法有點生疏，結塊情況不算嚴重，試用幾天後可以輕易打造出束感的效果。 上了妝8小時後，係香港26度的天氣下，睫毛膏仍然沒有溶，而又保持到睫毛翹的感覺，眼下也沒有暈染，可以話係持妝效果比想像中更持久。 在上了睫毛底膏和睫毛液後，卸妝時也只卸出一點點黑色的東西。 比我平日用其他品牌睫毛膏後卸妝的感覺不一樣。不知道是不是要配合其他卸妝手法或用溫水卸妝呢？

manman好用推薦：2024年末回顧—愛用睫毛膏 * 質地輕盈柔順,單擦一層就能立即增加睫毛密度,效果自然又迷人。 * 塗抹體驗極佳,刷頭設計簡單乾淨,不會結塊或留下碎屑。乾得很快,使用方便快捷。 * 即使大汗淋漓也不怕,睫毛整天都保持捲翹動人。持久力出色,是戶外活動的最佳拍檔。 * 色系選擇豐富, 下次可以嘗試不同色號,為妝容增添更多變化,令造型更添精彩。 驚喜滿分!這支睫毛膏令人出乎意料地出色,能維持整天的完美捲翹,完全不怕溶妝。性價比極高,值得推薦, 絕對是必回購的好物。

Gladys好用推薦：這款睫毛液即使經歷整天的忙碌與活動，睫毛依然保持捲翹，不容易融妝，讓我不必擔心隨著時間的推移而失去妝效。使用後，睫毛的長度明顯增長，讓眼妝看起來更加立體且有神。即使我是短睫毛的人，也能輕鬆達到夢寐以求的長睫效果。不妨試試這款！

Becky32好用推薦：第一次用呢支睫毛液，有驚氣，搽下眼睫毛，好突出，依家一定搽埋先出門

PorscheB好用推薦： 日本旅行買咗支啡色嘅眼睫毛膏，但係搽出嚟偏向係比較紅色。 即使用咖啡色或者淺啡色嘅眼線筆都配合得唔好睇 以前用過黑色，就覺得持久好用。 下次應該要買返黑色😖

YY好用推薦：Ettusais 係 shiseido旗下開架品牌，質數有保證，依枝係魔束細緻濃密眼睫液👉🏻煙燻色 我會形容呢支Mascara係芝麻灰色，依隻色少有又靚，佢並唔係坊間嘅灰黑色，其實佢成條line嘅Mascara屬於而家新興嘅亞麻色調🩶 掃頭size不算大，連下眼睫毛都掃到。膏體順滑，唔會起結塊 ，全日都冇點甩過。我用shu uemura卸妝油，容易卸得乾淨。 由於佢冇延長纖維係入面，有時我會當埋eyebrow膏，眉妝都keep得到！ 2024年我染左亞麻灰髮色，上眼睫毛用依支芝麻色，下眼睫毛就用返黑色，襯埋落Love liner既Mocha色eye liner，絕配！年未出街我一定用佢😍

Daisy好用推薦：多謝選中我試用，這款睫毛底膏我已多次回購再回購，完全是不可或缺。 它是梳子狀，所以很容易使用，睫毛可根根分明，不會結塊。而且本身帶有黑色呢樣纖維，令睫毛很自然呈現出纖長感。右邊👉🏻是使用了睫毛底膏的效果，明顯較左邊👈🏻有纖長及增加捲翹感。持妝7小時，仍可持久不暈染。而且用眼唇卸妝液就可輕易卸除，大推睫毛底膏💯

Jcxjessie好用推薦：呢個牌子嘅睫毛膏打底同埋睫毛膏都係我暫時覺得幾好用嘅一set! 我隻眼會出油，所以有時用唔同牌子嘅睫毛膏都會甩咗落眼底，不過呢個牌子就冇出現呢個問題 同埋佢嘅刷頭係幼細嘅，睫毛膏打底嗰個就係好似梳咁，查完出嚟根根分明👁️👁️ 而睫毛膏嗰個係細刷頭，可以連眼尾嗰啲細細嘅毛仔都搽得到

LenaC好用推薦：平時用mascara 最驚有熊貓眼 我用過幾款mascara 始終都有少少熊貓眼 或者甩一兩條fibre mascara 可能因為我塊面比較易出油啦 但呢隻mascara 就keep得幾好 由晏晝到放工返到屋企都無印落去 質地方面 呢款mascara 望落雖然有啲糊狀杰杰哋咁 但塗上去出奇地貼服 眼睫毛根根分明 唔會幾條眼睫毛痴埋一齊咁 個刷其實就無咩特別 同其他mascara既掃差唔多 如果有機會 可能會試吓佢既mascara base 個掃刷好似把梳咁 不過作為一枝mascara嚟講佢都唔錯既 推薦 :)

Emma W好用推薦：睫毛液能夠持久保持妝效，即使在潮濕夏天、或者落雨出汗時，都不容易晕染。 另外，比一般睫毛液，其令效果更長更纖細，又不易起塊狀凝固物，增強了眼部的立體感。 最怕就係防水產品難卸妝，但其唔會有依個難處。用濕左化妝棉輕抹兩三下，就已經卸咗妝，不會對睫毛造成傷害。 適合肌膚：任何 成效度：4/5

cc好用推薦：真係超好用！個掃好細好易用，下眼睫都刷到～適合新手使用，唔會有曱甴腳！ 睫毛纖長效果好好！十分推薦！（我配合埋canmake既持久睫毛液，可以keep住眼睫毛全日都好靚！）💕

Kura好用推薦：係我用過最好用嘅睫毛底霜，我嘅眼睫毛天生好短好幼，用完呢款睫毛底霜之後就可以好容易刷到好靚嘅睫毛，同埋用完之後睫毛嘅形狀會變靚好多，同埋就算夏天出街用完呢款睫毛底霜之後睫毛都可以keep到好耐都唔溶，真係睫毛膏嘅好排檔，同埋呢款睫毛底霜有好多纖維，搽上睫毛後可以好容易打造出睫毛嘅根根分明感，同埋呢款睫毛底霜嘅顏色係藍色嘅非常特別，真係平靚正嘅睫毛底霜首選，強烈推薦俾大家，快d去試，你都值得擁有咁好用嘅睫毛底霜，產地係日本 #平價彩妝 @cosme

wintonggg好用推薦：係深藍色嘅睫毛底霜，不過日常當睫毛膏用都幾好，定型唔錯，都可以刷到好長

Tobimak好用推薦：從香港屈臣氏購入，性價比極高。搽上睫毛後根根分明及很顯長。唯一美中不足就是略嫌刷頭沒有一邊專供下睫毛用，所以趕時間時會有不便。 #平價彩妝

橘子貓好用推薦：Extend Curl Waterproof Mascara #黑 曾經最愛的Mascara，粉色、藍色和棕色包裝都入手了。粉色是經典的黑色睫毛膏，纖長、捲典、持久、防水，方方面面效果都不錯。屬於全能型睫毛膏選手。去台灣有買1送1必買。

mandy好用推薦：D-UP Perfect Extension Mascara for Curl 完美纖長鬈翹睫毛膏 #RUBY BROWN 寶石紅棕 功效：纖長+自然鬈翹 建議大家先用mascara base打底， 之後再上完美纖長鬈翹金膏就會更容易掌握。 完美纖長鬈翹睫毛膏可以完成既纖長又自然鬈翹的睫毛。 想要纖長的睫毛，只需多掃幾次睫毛膏便可。 完妝時，睫毛膏鬈翹纖長不暈染不溶妝， 持久度非常好，而且睫毛根根分明。 睫毛膏的掃可以好好的抓緊短小的眼頭睫毛及下睫毛， 而且可以輕鬆畫下睫毛而不暈染。 此外，完美纖長鬈翹睫毛膏暖水可卸，不傷睫毛。 含保濕成分: 聚乙二醇-45M, 水解透明質酸, 維生素原B5 及 水解蠶絲蛋白 鎮靜消炎成分: 維生素原B5 及 銀杏葉萃取 抗衰老成分: 人參根萃取, 銀杏葉萃取 及 枇杷葉萃取 抗氧化成分: 人參根萃取, 銀杏葉萃取 及 枇杷葉萃取

Lumi Kwan好用推薦：顏色都係低飽和度嘅顏色，係現時化妝界最熱門嘅色調，我買嘅係淺啡灰色同埋淺啡黃色，無感比較強，適合化一啲淡水妝，妝容篇冷白色調嘅效果會更加適合，不論顏色，兩支睫毛膏嘅持色度都非常之好，而且冇甩色嘅情況，掃頭都好容易控制，易於描繪。

Nicole 好用推薦：彎月刷頭，帶有纖維，刷出來又長又濃密的感覺，但不會是蒼蠅腿，比較適合精緻妝容🫶🏻 超强防水防汗，持久力強不會暈染。

zetalhc好用推薦：好容易就可以做到令睫毛根根分明同埋更加濃密嘅效果，亦都唔容易起粒粒，總括嚟講性價比幾高，但係落妝嘅時候比較需要多花時間同埋用卸妝油會落得乾淨過用卸妝水

chasiutung好用推薦：Kate極致大眼睫毛底膏 透明gel狀質地加幼細黑色纖維  毛毛搽上眼睫毛會變有乳白色嘅絨毛感 乾左睫毛會定型但吾會生硬 感覺好輕 一d都吾厚重 之後搽平時用開嘅睫毛膏疊塗上去 可以做到纖長根根分明嘅豐盈效果 Kate依支眼睫毛底膏防水防汗防皮脂 好似我依種又大汗眼皮又油嘅人士都可以用 一整天睫毛依然捲翹完全無塌 而且一條纖維都無甩 👍非常好用 一直回購

tammpt好用推薦：呢個睫毛底膏係白色 夾完睫毛搽一次會有纖毛痴住本身嘅睫毛 有加長同加密嘅效果 要另外再搽自己嘅睫毛膏去遮返啲白色 有時遮唔曬會變咗好似塵痴係睫毛咁🤣

zetalhc好用推薦：可以做到令睫毛更加纖長同埋根根分明嘅效果，同時亦都做到防水同埋持久嘅效果，但卸妝就比較需要時間

Hazel好用推薦：買嘢時送嘅小禮物，刷頭細細反而易控制，掃得根根分明，真係有纖長效果，而且幾持久，唔易甩妝但又唔算難卸，妝效自然唔誇張！

Fannie好用推薦：刷頭好幼細，刷完真系做到根根分明，好自然，試佐好幾款睫毛膏都會試過暈染到下眼檢位，哩款用完暈染情況不太明顯，解決佐我嘅煩惱😆會再回購！

CC1997好用推薦：本身一直用開Dejavu嘅睫毛膏，可以話係咁多年嚟唯一長期使用同回購嘅睫毛膏品牌！我用開紅色同粉紅色大炮，最中意嘅賣點係佢地嘅睫毛膏可以不斷疊加但都唔會起曱甴腳。 呢枝同平時紅色粉紅色嘅效果好唔同，夾左睫毛再搽左之後有個種去做左角蛋白嘅感覺，根根分明同纖長，但就比較無濃密嘅效果。適合化淡妝、想營造自然美女嘅感覺時用。同其他款一樣都係可以疊搽，唔易起曱甴腳的。 持久度方面，春天去行完一日山都仲見到睫毛係纖長同翹，不過有少少黑色粉跌左係下眼位置，可能比較適合短時間外出用。或者唔介意嘅話中途抺一抺下眼簾就可以。 呢個係出左半日街後，抺走左跌係下眼位置粉抺嘅效果： 對比番未上妝前，可以睇到睫毛係長過原本，亦都加粗左，比原本明顯但依然係根根分明。 易缷程度一如既往，溫水可日卸。 總結嚟講，推薦俾日常出街或者番工想化淡妝嘅時候用。

wookayee02150好用推薦：魔束捲翹睫毛底膏(黑色):有別於平時用粗大刷頭, ettusais用了梳頭設計, 更適合亞洲人的眼型,夾好睫毛後搽上,就能輕易刷出根根分明的睫毛, 連下眼睫毛都好易就搽到, 唔怕成日拮到眼, 整體妝感自然, 亦有防水效果, 沒有暈染的情況。

tulip_beautyshare好用推薦：Ettusais艾杜紗魔束捲翹睫毛底膏－纖長版 *由粉紅色轉做黑色包裝 呢枝睫毛底膏應該係我22歲女目前用過最好用嘅睫毛打底，完全令我明白睫毛底膏嘅重要性，可以話係冇咗佢唔得😂 眼影可以唔用，但眼睫毛就一定要化，因為眼睫毛長同翹真係可以令眼睛放大無限👀✨ 優點💕 -持久鬈翹，眼睫毛係唔會塌落嚟✨ -添加黑色纖維，做到加長同濃密眼睫毛嘅效果 -透明嘅底膏，唔會好似其他眼睫毛底高嘅纖維係白色（可以單獨使用👍🏻） -防水防汗防皮脂能力高，可以令眼睫毛持久而唔會暈染 -添加毛髮修護成分(氨基酸、透明質酸)，增長眼睫毛同時可以做到保養

Suki好用推薦：Kiss Me 的超級防水濃密眼睫毛液，結果有點小失望呢！這個睫毛液的防水效果確實很強，但效果卻讓我有點尷尬。 首先，它的包裝真的很可愛，粉粉嫩嫩的顏色讓人心情愉快，開心地想要試用。 #使用感受 不過，當我塗上去的時候，睫毛看起來有點厚重，像曱甴的觸角一樣，完全不是我想要的自然效果。雖然濃密是它宣傳的賣點，但對我來說，反而覺得有點太過了，妝感顯得有點污糟。 #防水效果 至於防水效果，我承認它真的很出色，一整天下來也沒有暈染。但如果要選擇的話，我寧願妝感更自然，而不是這種濃密得讓我有點不自在的樣子。

Lilyscl好用推薦：用完唔會太誇張，但要小心用量，重手左會有機會曱甴腳。最緊要係防水，唔會好易甩，夏天用都唔驚熊貓眼。性價比都ok!

Winnie好用推薦：對我來說，刷頭太大了，不太合眼型，應該比較適合眼大的妹子。有增長及增量的效果，整體效果滿意。

lingbb好用推薦：我連埋下睫毛膏一齊買，佢刷頭好大我反而覺得幾好掃，但同下睫毛膏一樣必須要打底先痴到我既眼睫毛，佢做到貼住眼睫毛唔會有曱甴腳，如果佢有增長或豐盈款就更好， 總括來說，中規中矩！ 

Winnie好用推薦：專塗下眼睫毛的產品非常少見，我是第一次嘗試，刷頭是特別設計，不容易弄髒下眼睫部位，而刷頭及刷毛非常细，的確比較容易處理稀少的下眼睫毛，值得一試的產品。

lingbb好用推薦：我係一個揸完上眼睫毛就一定要揸埋下眼睫毛既怪人， 一直都諗緊會唔會有品牌出下睫毛液😂 呢個牌子出名睫毛膏同眼線。 買哂上下睫毛膏。 下睫毛膏個刷頭細細，個刷頭設計幾好，但個睫毛液就比較難痴住我既睫毛，必須要打個睫毛液底上毛比較有顏色，都算係防水同油，用係我身上開頭無溶妝，去到後段就開始溶妝；係時候要換枝新的！

迪迪好用推薦：係日本旅行時見到藍色幾得意入手，但後悔了，可能唔太岩出眼油多女仔！因為佢都幾厚重，同埋都溶得幾快，變左藍眼圈🥹而藍色又唔顯色，如果追求有藍色同埋多眼油的女生，唔太建議入手

🌸好用推薦：我買呢個係薰衣草紫色，睇落冇咁單調。使用時順滑易用，唔會起結塊。用咗之後妝感自然，睫毛明顯捲曲咗，即使化裸妝都冇違和感。妝效持久唔甩妝，仲好易卸，值得回購！