ettusais

魔束捲翹睫毛底膏

多謝@Cosme的試用邀請。
其實我由呢款睫毛底膏未換包裝既時候，已經開始用緊，前前後後用左3-4支。
新包裝轉為磨沙黑色簡約風令佢睇落更有質感更好用。
佢係梳頭設計，所以易於使用，唔需要擔心會手殘整花個妝。
簡單地夾完睫毛之後，將底膏由睫毛根部「１」字向上梳就已經有輕微延長睫毛效果，而且做到根根分明。
同睫毛液最大分別係黑得好自然，底膏採用透明黑色加黑色纖維配方，用左就好似天生擁有靚睫毛咁樣，所以如果大家日常以淡妝為主，其實基本上一支底膏已經可以當埋睫毛液用。
至於持久度，我都真心表示欣賞，Hold足全日，防水、防汗、防涙、防皮脂，即使係油眼人都唔洗怕，不過卸妝嘅時候就需要用返眼唇卸妝液。
總括而言,我暫時未搵到取代品。