CatzyC精華液 心得評價
b.glenC精華液
b.glen
C精華液
C精華液
5.1
心得評價:35 篇(25人覺得好用)
容量/價格:15ml / HK$369
看產品及心得
Catzy
年齡30膚質混合肌心得篇數6
5
2021.09.24 發表
多謝@cosme 邀請我參加今次試用b.glen嘅礦泥潔面乳同C精華液,有興趣睇我點評論同一系列嘅潔面乳,可以㩒入我嘅心得度揾嚟睇吓。

好,事不宜遲,我哋直入正題先。其實喺我第一次用嘅時候有個小插曲嘅,因為第一次用呢支精華液,未掌握到點精準啲咁滴到約2cm直徑嘅精華液喺手;另外,又因為我太心急未睇清楚晒說明書就直接拆開嚟用嘅關係,未搓暖就搽上面,我自己第一個感覺就覺得佢偏油,未必適合夏天呢啲易出面油嘅季節。就因為唔信邪,到Day 2我睇完說明書之後就知自己衰咗乜。
以下3個步驟好重要呀吓,等我point form list晒出嚟先:
1)喺掌心滴出2cm直徑嘅精華液(我自己就大概會滴1個2毫子size嘅精華液出嚟)
2)用雙手搓一陣到感覺佢開始有少少温熱嘅感覺
3)輕印上T-zone,再到面珠墩同下巴位,記得唔好忘記人中同眉心等細節位呀。

另外,記得朝早用完礦泥潔面乳洗完,搽完C精華液,再搽面霜,之後記得要搽返防曬呀。

等我再換個角度去分析下佢先,價錢上,佢反而喺芸芸精華液中,算幾抵買,$369 / 15ml,相比起同系列潔面乳,我覺得佢係去到抵買到暈嘅程度,出面一支簡單嘅保濕精華都閒閒地都五六百蚊細支㗎。

包裝方面,我覺得如果佢唔用唧出嚟而用滴管裝可以會好好多,我覺得廠商方面可以改一改佢呢個Product Package Design。

體驗方面,我認為佢都算一支幾好嘅精華,但個人唔太好啲會搓完一陣就會有啲温熱嘅感覺,如果真係一定要用,我會建議初冬季節用多過春夏。

P.S.:呢支都有機會再買,但可能都會屬於我秋冬section嘅產品。

今篇就講住咁多先,下次再見。如果再有啲咩產品想我又去試吓畀吓comments就留言話我知啦。
L
o
a
d
i
n
g
.
.
.