shu uemura 植村秀

unlimited 無限輕透持妝粉底液

今次收到@cosme 嘅試用邀請，試用Shu uemura植村秀嘅無限輕透持妝粉底液
色號係564 中性色調
官方顯示屬於中調自然色

本身係混合性偏油肌

粉底液質地偏水，延展性高，好容易就可以推開，推開之後會比較清爽，好快已經成膜
由於乾得好快，所以好 適合無咩時間 化妝要快既我


妝面係半啞光，摸落去乾爽嘅，幾貼膚，輕薄唔會重粉感，未定妝唔會摸到有手指印或者粉痕

本身以為質地咁水遮瑕力一定差啲，點知本身既暗瘡印都遮到七八成，完全有驚喜🧡
日常已經夠用
搽一層粉底加遮瑕膏已經可以出口


自從無帶口罩之後皮膚一直都唔太好🥲
以下係上咗一層粉底液之後

整體嚟講，效果滿意😃
🧡🧡🧡
再次感謝@cosme分享試用俾我，令到我唔帶口罩出街都有番啲自信😌