Dior

恆久貼肌亮澤粉底液

早排日本有好多美妝youtuber都大推DIOR forever嘅遮瑕液，自己都被燒到買咗，結果用過之後真係愛不釋手，自此就對DIOR嘅底妝產品好有興趣。非常幸運今次可以試到同系列嘅恆久貼肌亮澤粉底液，之後可能都會keep住使用😍

質地: 液體搽係皮膚上好絲滑好易推開，泵少少就已經夠一塊臉。

妝感: 透薄得嚟有7成左右嘅遮瑕度，加上粉底液加入了86%護膚成分，令到佢有自然嘅光澤感，令皮膚望落好靚好健康，適合化偽素顏妝。過敏紅印同灰灰嘅痘印搽一層就可以搞掂，而黑眼圈就要重點重疊，但都唔會卡眼紋(好勁！

持妝度: 哩個真心好厲害，係近日氣溫30幾度，晴雨不定濕粒粒嘅天氣下，可以真係由朝早帶到落夜晚都唔甩色/乾燥甩皮/卡紋/暗沉。連鼻翼位都好完整!
(🔽大約係化妝8小時後，夜晚影總結: DIOR恆久貼肌亮澤粉底液 已經好赤裸裸，名符其實咁將佢嘅強項寫咗係個名度🥰另外佢添加了花卉護膚成分，變相每次化妝都可以同時做緊護理，減少皮膚受損，用咗一個星期都冇出現泛紅/乾燥/生粒粒，可見佢真係一件值得投資嘅產品~