MAYBELLINE

FIT ME！反孔特霧粉底液

從活動收到的貨品，本身個人混合肌，冬夏天都係t位好出油。
第一次用呢款粉底液，用了幾個situation、不同上妝方法來分享體驗。
*照片全部關了美顏。

1）本身選嘅係103號色，收到103，112，115三隻色號
103/112上臉blend開之後睇落差不多。
pump頭易用方便。⬆️ 左上係妝前，右上係薄薄一層foundation後
全妝用手指上
左下可以睇到遮毛孔效果

8小時以上出門行街後，鼻頭同兩邊出油嚴重有啲油光，但其他位置是keep到啞面效果。
由於第一次試想要個raw啲嘅效果，所以妝前乳，其他牌子遮瑕一律冇用，只係fit me foundation上面用了100樓下嘅開架粉餅同噴了下定妝噴霧。


2）第二次試，今次先上了paul&joe primer, 全妝用手指上。
今次唔知係咪hi得太多液，搞到一開始有啲卡/顯鼻頭毛孔一粒粒咁。
5小時後基本都係鼻位出油同眼鏡位會甩粉，其他位大致良好。


3）今次係返工試用，有落primer 同其他牌子的遮瑕。今次用了sponge上粉，都係薄上。
用sponge上妝按一下嘅份量已經可以上晒全面，之前兩張圖係用手指上，用了約兩下份量。
左上妝前，右上妝後，臉粒紅色野係就咁foundation遮的效果。
下圖係13個鍾後，食左兩次飯，都係鼻位比較hold 唔到，側臉係keep到啞面。


總結：
呢個價位性價比不錯，冇好wow但都冇失望，做到我喜歡的啞面效果仲好kum用。
建議薄薄一層，用拍打/印上臉，落太多會易卡毛孔。
比較適合日常用，油皮可能要花多啲心機打底同印油。
107號提亮效果幾好，睇色版選冇偏差。
拍攝時有頂同正面燈，另外因為相機有小小自動sharp相所以毛孔同瑕疵比我自己肉眼睇仲明顯。