Kiehl's

金盞花植物精華爽膚水

尼支金盞花爽膚水絕對係一款居家旅行必備既護膚品。

用左半個月，最大既感覺係平衡到T字位既油脂分泌。佢既質感偏水潤，感覺到有一層薄薄既水份，加上清甜既草本味道（有少少似菊花味），好舒服。

早晚洗完面後，我會先搽尼支爽膚水。我好懶，係直接倒係手上，拍上臉（不得不說，佢既出口設計雖然其貌不揚，但容易控制份量，唔怕錯手倒多左）。之後就做返平日既步驟。

我既膚質屬於混合偏乾，T字位容易出油，鼻同下巴成日生粉刺，清完隔幾日又會冒返出黎。好多時，保濕又易吸收既護膚品，都係避免唔到生粉刺既問題。但用左尼支打底之後，鼻同下巴出油明顯少左，鼻同下巴摸上手唔再有明顯既粉刺突出黎。

除左基本保養程序，我會係清完粉刺之後濕敷，毛孔會有立即舒緩既感覺。倒啲入有噴霧頭既樽帶出街用，一流：）

總結而言，係一款平易近人既爽膚水。