50惠

養潤育髮精華素

多謝@cosme 邀請試用50惠養潤育髮精華素！產品包裝說明好詳細，列出多種珍貴嘅藥材成份，相對於一般髮用產品明顯無咁「化學」。第一印象已感到佢好有實力。

馬上開始6星期嘅試用！

首先講講佢嘅texture，雖然係「精華」，但質地並非油劑，而係非常輕盈，好似化妝水咁，顏色為茶色，有清香嘅草本味，所以完全唔會𣲷，唔會對頭髮造成負擔。

用嘅時候將噴咀緊貼頭皮，輕按噴咀。我就會分別晌頭頂、兩側同埋後尾枕位按一兩泵，然後用指頭輕輕按摩。隔一陣就會感受到一股清涼，晌炎炎夏日用，特別爽啊！

實際又有無效呢？經過6星期嘅試用，有以下觀察：

我係中短髮，有染髮。相比個半月之前未開始用50惠，我洗頭／吹頭／梳頭時嘅掉髮量，的確減少左！

至於頭頂分界線／髮際線，就無太大分別，可能因為本身沿住界嘅頭髮唔算禿啦😂

用完後亦感覺髮量豐厚，無以前咁塌，尤其是洗完頭之後搽50惠再吹頭，覺得有彈性左。

試用效果非常理想，會繼續使用！