La Rose de Versailles 凡爾賽玫瑰

早安保濕面膜

行過海港城既@cosme時發現到佢，當初入手既原因完全係為左個包裝（我係凡爾賽玫瑰粉絲XD）多於渴望佢既功效，錯有錯著，用到好野。

面膜帶種清清涼涼既感覺，務求令你一敷醒神。呢款早安面膜清涼既原因來自添加左薄荷精華，用完仲見到毛孔收細左唔少，帶有清淡既橙香🍊，相對其他同類產品佢既面膜偏厚身D添。

化妝前用夠5分鐘當日已經無咩點浮粉仲唔易出油，有日夜晚我仲用左佢黎做Deep Clean後敷既mask效果都完全唔失禮，唔會黏笠之餘塊面摸落仲滑左好多 ，大約10分鐘到已經補夠濕。

係云云非獨立包裝既面膜黎講，CreerBeaute 呢款既效果同當中精華液既吸收程度都令我眼前一亮，如果要買呢類多片包裝面膜我都二話不說會再揀佢。