b.glen

礦泥潔面乳

感謝入選b.glen 試用產品活動！
係參加試用產品活動之前，其實我未聽過b.glen呢個牌子，但我對今次試用嘅産品有興趣，所以報名參加。
先講下「礦泥潔面乳」嘅外觀 ，一個白色簡約嘅紙盒，前面寫住品牌 b.glen嘅名稱，左右會有日文同英文嘅成化表同其他注意事項，最貼心嘅位係後面會有使用方法嘅QR code俾你scan， 咁就唔怕買到番嚟唔知點用個產品啦！
然後瓶身一樣係白色包裝，軟管式設計，潔面乳本身係灰灰白白又有少少綠綠地嘅顏色。就咁聽礦 泥，會以為係又乾又難推，但佢軟身好推開，不過本身起泡量唔多，如果鍾意洗面有好多泡泡嘅朋友可能要考慮一下，我自己本身就不介意嘅。然後味道嘅話會有淡淡嘅礦泥味，同clay mask嘅味差唔多。
我皮膚屬於混合性乾肌，鼻最易岀油，面頰位最乾，用呢款 「礦泥潔面乳」洗完之後，唔會有緊繃嘅感覺，皮膚摸落去柔軟，證明佢可以保留番肌膚嘅水分。清潔力方面，我覺得未到超級強，作為一般使用會好足夠，有時候洗完會可以卒到小小粉刺仔岀嚟，但唔會話好多。
結論係我自己會繼續使用呢款產品，感覺長期使用會可以令皮膚減少粉刺，更加光滑細緻。