b.glen

礦泥潔面乳

因為@cosme STORE 第一次接觸呢一個牌子 但用過一次之後就忍唔住試埋呢個牌子嘅其他產品！

我對洗面產品嘅要求 其實就係用完唔會覺得皮膚乾 同埋keep到清爽嘅感覺。呢支洗面同平時唔同嘅係佢唔會起泡，第一次用嘅時候心諗會唔會清乾淨（因為平時用開起泡嘅洗面奶）但用完之後係有驚喜嘅！佢可以幫我清潔到面上嘅油份 而我用咗一段時間之後亦都覺得粉刺黑頭少咗好多，毛孔都真係有縮細到。亦因為唔會起泡嘅關係 好快就可以用清水洗乾淨 慳返唔少時間。佢幫我去油得來唔會令我皮膚過度乾 恰到好處。

我每次用都係一粒黃豆嘅份量，早晚都會用。而支洗面乳嘅容量亦都好大！用完之後上妝亦都唔會有乾嘅感覺 keep住全日清爽。

洗面乳入邊亦都有保濕成份，同埋佢係啫喱質地比較溫和，皮膚敏感同埋有痘痘困擾嘅 都可以放心用。 我可以肯定 呢一支會成為我不斷回購嘅洗面乳😛