b.glen

礦泥潔面乳

首先多謝@cosme同埋@b.glen抽中我參加今次試用活動，令我有機會試用b.glen 礦物泥洗面乳同埋 長效防曬水潤肌精華。

係參與今次抽獎活動之前，都曾經係行cosme store既時候見到呢支b.glen 礦物泥洗面乳，見到呢個洗面乳長期係推薦列排首位，都有店員姐姐推介過呢個產品比我，但見到$309一支洗面乳有少少唔捨得，就唸著再考慮下先，點知自己咁好彩可以抽中使用，haha!


講下自己皮膚先，自己本身係混合型偏乾性肌膚，雖然兩邊面頰偏乾，但係鼻上面好多黑頭，額頭雖然無咩黑頭，但係毛孔都尚算粗大，平時自己都係用一D保濕力高、防敏感既洗面乳，希望唔好刺激更多黑頭增生，但係鼻頭上既黑頭就一直無方法減少，自己又未必成日真係有時間花15-20分鐘敷清潔面膜，（近視，除眼鏡敷面膜真係好唔方便XDD）。

呢個b.glen 礦物泥洗面乳我自己有兩個用法。第一個用法就係當普通洗面乳咁，加水打濕洗面乳，開頭以為自己唔識用，因為無起泡，之後先發現呢個係無泡配方，減少對皮膚刺激，又能夠清潔到多餘油份，減少黑頭粉刺形成，令肌膚睇落順滑D。第二個用法就係我自己私心推介的，係打濕面部後，厚塗礦物泥洗面乳3，做返一個簡單既深層清潔，再用清水洗乾淨。洗完面後，塊面唔會乾爭爭，有水潤感，用了2星期後，鼻頭上既黑頭明顯減少左，皮膚都無因為用佢做深層清潔而導致乾燥甩皮，認真乾肌都適合啊！戴眼鏡既你都適合啊！大推大推！