b.glen

礦泥潔面乳

首先非常感謝能夠入選 @cosme & b.glen 既試用活動，令我有機會試用b.glen呢款礦泥潔面乳。

我之前無用過b.glen既產品，但係有聽過佢地呢個品牌，不過就唔算好認識。得到今次機會先了解到b.glen 係一個專業護膚品牌，有獨家既滲透技術QuSome並且運用喺護膚品上，從而改善護膚品既滲透深度，達至皮膚深處。而呢支礦泥潔面乳被稱為「毛孔吸塵機」，我會形容當之無愧。

我係混油敏感肌，平時T字位都會出油，但兩邊面頰比較容易泛紅。

以下係我試用左14天後既心得：
首先介紹一下佢既用法，先用溫水整濕塊面同埋雙手，再擠出車厘子大小既潔面乳喺手心（如下圖），再搓揉一下，並唔需要捽到有好多泡泡的（如下下圖）。
跟住就輕輕按摩全塊面，千祈唔好過度搓揉！最後就用溫水洗返乾淨塊面，完成。
呢個潔面乳既質地，係有少少似啫喱咁好特別，有別於一段既礦泥潔面產品，佢好容易推開，而且搓勻之後係有少量既泡泡，唔係好豐盈果種。搽左上塊面按摩係溫和既，唔會刺激皮膚。而且洗乾淨之後，係會有一個保濕度，塊面唔會覺得乾或者繃緊。

而佢 既清潔效果係令我有驚喜既，無諗過礦泥潔面乳可以做到深層清潔之餘，竟然可以帶有一定保濕力，同時有足夠既清潔力。黑頭粉刺都有明顯逐漸消退同減少，而且皮膚的確有明顯更明亮，更潔淨。
總括黎講，我好鍾意b.glen既呢支礦泥洗面乳。佢有足夠清潔力之餘，溫和又保濕，同時又可以令肌膚更光澤明亮。真係好開心今次有機會試用到呢支礦泥洗面乳，個人覺得，佢既價錢喺開架入面，算偏高少少，學生或者岩岩出黎做野既女生可能會有卻步。 但係我真係好推薦有黑頭粉刺或者皮膚暗沉煩惱既女生，入手b.glen既礦泥潔面乳，一定會帶到驚喜比你，而你用完一定會愛上的！