b.glen

礦泥潔面乳

B.Glen係黎自日本嘅專業護膚品牌，B.Glen產品核心係佢地QuSome滲透技術，能夠準確輸送護膚成份達到皮膚深處。感謝抽中今次佢地品牌嘅皇牌產品: 礦泥潔面乳，佢係日本備受推崇嘅護膚產品，亦連續兩年獲得香港美妝大賞 洗顏部第一位。

它的主要成分為天然礦物泥粉(Montmorillonite)，能夠吸附臉部的髒汙、老廢角質以及氧化的皮脂，；亦含有高效美容成分，為肌膚保持水分。

潔面乳一承日系產品簡約包裝，容易擠出，顏色為淡淡水泥灰，質地似杰身嘅洗面奶，輕易搓開，上臉後有好輕微泡沫。
使用上，先將臉部用溫水打濕，拎車厘子大細嘅潔面乳係掌心搓開後，輕輕按摩面部，再用清水洗淨即可。初次使用時覺得對比其他起泡洗臉產品使用上方便好多，無香料味道，使用後感覺臉部皮膚乾淨之餘亦唔會覺得繃緊。

個人皮膚夏天T位容易出油，有暗粒，下巴間中會有暗瘡。使用一段時間，未有更換其他護膚品情況下，暗粒情況有所改善，但鼻上黑頭似乎與先前差不多。

總括而言，B.Glen呢款礦泥潔面乳對我黎講能夠為皮膚保水之餘亦能夠有足夠清潔力。但價位上偏高，相信同價位上應該會有更好更有效嘅產品選擇。