fresh

黃糖滋潤亮采面膜

呢隻磨砂面膜係個人幾鍾意嘅去角質產品之一。
打開罐之後聞到有陣香甜嘅味道，感覺好啲似陳皮(?)哈哈，反正唔似人工香料味，幾好聞。
面膜係近乎凝固嘅霜/膏狀，搽上手可以見到有好多應該係砂糖嘅粒子，皮膚係乾嘅情況下唔易推開，係潔面或洗濕面後用，會容易推好多。啲粒子唔算幼細，用力啲搽都幾嚡。不過慢慢按摩，就發現磨砂粒子開始溶化，變咗啫喱狀，敷多陣沖水後，塊面會變得好滑同亮白咗啲，而且一啲都唔乾，亦無紅或敏感。
總結呢隻面膜唔易用（要按幾耐吓先開始溶），但用嘅時候好好聞又好享受，不過價錢唔算平，個人用哂後有特價或者去旅行免稅店先會考慮回購，畢竟坊間唔少cp值高嘅磨砂產品可以選擇。