INNISFREE

寒蘭全效修護眼霜(昇華版)

佢係屬於innisfree「濟洲寒蘭」系列嘅眼霜，
銷售對象係需要加強保濕嘅熟齡/乾肌，
吸引咗踏入二十代後半嘅我去嘗試。
呢款眼霜非常大罐，
容量高達30mL，
係一般眼霜嘅兩倍！
質地係有淡香嘅白色乳霜，
搽上眼週後要按摩較耐先可以完全吸收，
勝在的確係好保濕，
有效阻止乾紋增生，
但唔覺可以淡化到已有皺紋，
對黑眼圈、浮腫、緊緻度等常見眼部肌膚問題亦無明顯作用。
個人覺得以佢嘅售價同功效嚟睇，
與其話佢適合真。熟齡肌，
不如話佢更適合二十初嘅乾肌或者二十中後嘅中性偏乾肌～
性價比好高，
會考慮回購！