Jurlique

活肌水精華(已停產)

近年都好流行肌底精華等導入液，彷彿一支化妝水同一支精華已經不夠你所需一樣！
不過，一支好嘅導入液，確實可以令往後嘅精華、乳液嘅功效事半功倍，所以我都試過唔少導入液產品！

Jurlique 活肌水精華係我三甲心水之一
1️⃣ 我先決條件係：夠透薄！
質地千萬唔好厚身，否則之後嘅精華搽完都只會係表面，一倒活肌水精華出嚟就知佢夠透薄，水到不得了！
2️⃣ 滲透快🧽
搽完佢仲要搽其他精華，如果作為洗面後嘅第一護膚品都難於滲透係絕不可行，幸好，活肌水精華輕拍上面都極速吸收！
3️⃣ 梗係要用完佢真係有分別！
如果只係多此一舉咁搽多樣嘢就無謂浪費時間同金錢。我試過單獨搽活肌水精華後，直接化妝水同乳液就訓覺。
翌日起床，補水度明顯不足，但洗面時，感受到皮膚滑左👍，仲要毛孔細緻左！
之後嗰一星期加埋保濕精華一齊用，補水充足兼皮膚夠滑，所以兩者一齊用，膚質明顯提升！