The Body Shop

植物幹細胞活肌去角質啫喱

平時一直有用開body shop，見呢一枝係溫和嘅去角質啫喱，就買咗黎試。一吱出黎覺得有一陣唔識形容嘅味，不過唔係難聞，係接受到的冇咩問題，見佢有雪絨花、海濱刺芹、海茴香同辣木籽油嘅成份應該就係其中嘅味嚟。
感覺成份都天然，用落去幾溫和，係啫喱狀會捽出擦膠碎，唔知係真係去到老化角質，定係本身嘅成份。
不過洗走後感覺係有乾淨到少少，皮膚係滑咗，唔會覺得乾或扯。職員有建議可以每星期用兩至三次。
之後用埋補濕覺得有幫助到吸收落肌膚咁，整體用咗一小段時間都冇敏感，皮膚有滑到同乾淨到，感覺唔錯。