LANEIGE

牛奶柔滑細膚水

用完咗兩支15mL嘅旅行裝，
覺得係時候寫吓呢款由舊年秋冬開始紅嘅化妝水。
首先佢有唔少抵讚嘅地方，
包括冇加香精所以冇氣味；
而且佢概念上係化妝水同乳液二合為一，
所以一啲都唔會乾，
唔似得坊間一啲添加酒精嘅化妝水咁，
一揮發就會乾，
呢支牛奶水絕對冇呢個問題。
但同時佢都有一啲致命缺點：
佢質地好厚重同黏膩，
用落感覺95%似乳液5%似化妝水，
幾乎完全冇化妝水嘅輕盈感覺；
其次係佢喺我臉上有些少致痘，
可能因為實在太厚太潤啩。
個人認為瑕多於瑜，
唔會考慮買正貨裝用。