NIVEA

深層潤膚露

首先感謝@cosme抽中，可以試用NIVEA深層潤膚露。見到介紹話呢款產品係2023年美妝大賞身體保養產品入面排名第2，相信咁受大家歡迎一定有原因嘅。

潤膚露有種淡淡嘅香味，個人覺得都係一種容易令人接受嘅氣味嚟嘅，聞落都幾舒服。潤膚露擠出嚟嘅質地係偏流質多於膏狀，所以好易推開，搽上手腳之後都好快被吸收，如果怕黏笠嘅人士絕對唔需要擔心。

當然有時潤膚露嘅質地係同滋潤度係有掛勾嘅，可能本人嘅膚質真係偏乾，再加上正值比較乾燥嘅秋天，覺得唔黏笠嘅同時，滋潤度就略嫌稍稍不足，夜晚搽完之後，第二朝瞓醒就覺得皮膚有少少乾。不過呢種質地嘅潤膚露，就非常啱夏天處於冷氣房，需要潤膚嘅時候用。再加上平易近人嘅售價，絕對值得入手拎嚟看門口。