INNISFREE

天然能量面膜 - 綠茶

感謝@cosme抽中，可以試用INNISFREE 天然能量面膜 - 綠茶。一直知道INNISFREE有好多以植物、蔬果為主題，有不同功效嘅面膜，今次終於可以試用一下。今次係試用綠茶加積雪草嘅面膜組合，按指示每日交替使用，一共試用六日。呢度就集中講綠茶面膜試用感。

面膜貼面度好高，打開面膜，基本上聞唔到有特別嘅香味（本身以為會聞到綠茶味），如果怕有香味嘅朋友可以放心使用。精華液質地同一般面膜嘅精華液差不多，都吸收得好快，敷完之後面上有輕微黏笠感，但屬於可接受範圍。試用六日之後皮膚水潤度同穩定度都提高咗，試用期間都冇出現皮膚敏感、泛紅痕癢嘅情況。