NIVEA

深層潤膚露

好多謝@cosme 和@NIVEA 俾我今次試用深層潤膚露嘅機會！🫶🏻

深層潤膚露係NIVEA藍色膠樽設計，唧唧嘴用起上嚟方便乾淨，一下嘅份量大概都夠搽一個手！

NIVEA深層潤膚露富含深層保濕精華、牛油果油和維他命E，能48小時深層保濕、預防乾燥、柔滑肌膚觸感、呈現健康肌膚狀態。

我體驗試用了一連兩星期NIVEA深層潤膚露，潤膚露近似乳霜嘅質地，幾容易推開，帶有classic嘅NIVEA香味，最近初秋，天氣唔算太過乾燥，我喺夜晚臨瞓之前使用，結果都幾令我滿意，用完之後好快被皮膚吸收，無令肌膚有特別油膩嘅感覺，即時舒緩乾癢，過咗一晚肌膚仍能保持長效嘅滋潤狀態 🙈，而且通過皮膚科測試，任何膚質都能安心使用，我亦都冇敏感情況出現，效果令人滿意！🥰❤️

其中一個重點係NIVEA 深層潤膚露HKD 38.5 / 400ml，CP值甚高，大推買枝返屋企看門口，特別係秋冬嘅乾燥季節用！！！😍