LANCÔME

淨澈亮肌精華水(Clarifique極光水) (已停產)

感謝cosme邀請試用呢枝精華水～
咁啱我呢排 面頰生左啲瘡，所以好多印同較暗啞，可以試一試呢枝精華水嘅效果😆
呢支精華係由97:3嘅水油比例去製成， 可以維持 返肌膚嘅水油平衡。
係用嘅時候我會直接倒落手然後拍上面， 大約10秒左右已經吸收晒，而且唔會覺得笠。

我本身係混合肌膚， T字位出油問題嚴重，兩條尾會生好多暗粒， 而面頰位置 會偏乾 。
用咗大約一個星期，面頰 本身啲暗瘡同暗粒好明顯謝左啲， 特別係嘴角位置嘅 暗瘡更加消失左。
而且T字位出油問題都有少少改善 ，冇咁快出油之餘，眉嘅位置已經冇生暗粒 。
不過可能用得唔夠耐，所以未感覺到毛孔收細同改善膚色 方面嘅明顯變化。
整體感覺唔錯，會繼續試用晒成支！