LANCÔME

淨澈亮肌精華水 (Clarifique極光水) (已停產)

首先好開心可以抽中試用，因為見過台灣YouTuber劉芒推薦過極光水，所以想試好耐啦。

雖然係精華，但係水同油嘅精華混合埋一齊之後，一啲都唔笠之餘，又有滋潤嘅感覺。
我自己嘅皮膚係混合偏乾肌，加上比較容易敏感，所以追求能夠令肌膚更飽滿之餘，亦都希望可以改善到均勻膚色。連續試用過七日之後，我發覺肌膚細緻咗好多，呢個效果都幾明顯。平時一啲泛紅又或者敏感留低嘅印，比平時退得快咗好多。因為膚色均勻左，皮膚望落去好咗。最緊要係提亮嘅效果都好滿意，所以皮膚望落去會有飲飽水嘅感覺。尤其係試用期間有一日通咗頂，未用之前嘅我，第二日起身皮膚一定會比較暗啞。於是嗰日我就落多少少份量，喺手心搓熱精華之後，拍喺臉上面。成日落嚟皮膚都係keep住有透亮，個樣望落精神好多。#火熱新品