LANCÔME

淨澈亮肌精華水 (Clarifique極光水) (已停產)

首先多謝晒@cosme 抽中我參與今次試用極光水嘅活動。根據產品建議，用左Lancome Clarifique極光水一星期，之後肌膚已經見到有改善，幼滑左同埋毛孔都細左少少！
講講我本身皮膚狀況～我喺冬天皮膚偏乾，特別鼻翼位置有輕微起皮同泛紅，鼻同埋面頰位置毛孔粗大，有啲黑頭問題添。
因為係雙層精華，有97%精華水加3%精華油，所以我 用之前會搖勻，確保可以完美混合雙層精華配方，然後用倒適量係掌心（太懶，連化妝棉都冇用） ，混合精華後再輕輕拍上面。
雖然只係用手拍上面，但係 用嘅時候唔會覺得好油同黏立 ，反而精華水好快被皮膚吸收晒 ！
一個星期之後再摸下塊面，會覺得肌膚細滑左啲，皮膚都有光澤左，面頰位嘅黑頭都冇咁明顯🤣。雖然極光水都有保濕功效， 但係因為我塊面都太乾，所以都係配搭埋保濕精華同面霜咁用。 如果同我一樣係乾性皮膚嘅朋友都可以咁樣試吓～